ശക്തമായ മഴയ്ക്ക് സാധ്യത; നാളെ ഈ ജില്ലകളില് ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തില് നാളെ ആറ് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ഇടുക്കി, തൃശൂര്, മലപ്പുറം, കണ്ണൂര്, കോഴിക്കോട്, കാസര്കോട് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. അതേസമയം മറ്റ് ജില്ലകളില് നാളെ യെല്ലോ അലര്ട്ട് ആയിരിക്കും.
തിരുവനന്തപുരം, കൊല്ലം, കോട്ടയം, പത്തനംതിട്ട, വയനാട്, പാലക്കാട്, ആലപ്പുഴ, എറണാകുളം എന്നീ ജില്ലകളിലാണ് നാളെ യെല്ലോ അലര്ട്ട് പ്രഖ്യാപിച്ചിരിക്കുന്നത്. മറ്റന്നാള് ഒമ്പത് ജില്ലകളില് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര് കാസര്കോട് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
അഞ്ച് ജില്ലകളില് ഇന്ന് ഓറഞ്ച് അലര്ട്ടാണ്. ഇടുക്കി, തൃശൂര്, കോഴിക്കോട്, കണ്ണൂര്, കാസര്കോട് എന്നീ ജില്ലകളിലാണ് ഇന്ന് ഓറഞ്ച് അലര്ട്ട് നിലനില്ക്കുന്നത്. മറ്റ് ഒമ്പത് ജില്ലകളില് (തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, മലപ്പുറം, പാലക്കാട്, വയനാട്, എറണാകുളം) ഇന്ന് യെല്ലോ അലര്ട്ടും പ്രഖ്യാപിച്ചിട്ടുണ്ട്.
അറബിക്കടലില് പടിഞ്ഞാറന് കാറ്റ് ശക്തമാകുന്നതിന്റെ സ്വാധീന ഫലമായി സംസ്ഥാനത്ത് അടുത്ത അഞ്ച് ദിവസം ഇടി മിന്നലോട് കൂടി വ്യാപകമായ മഴയുണ്ടാകും എന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് പുറപ്പെടുവിച്ചിരിക്കുന്നത്. ഒറ്റപ്പെട്ട സ്ഥലങ്ങളില് അഞ്ച് ദിവസം ശക്തമായ മഴക്കും 5, 6, 7 തീയതികളില് ഒറ്റപ്പെട്ട അതിശക്തമായ മഴയ്ക്കുമാണ് സാധ്യത എന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
ഷഫ്നയാണ്...സാരിയിലാണ്...ചുമ്മാ പൊളിക്കുകയാണ്...; വൈറല് ചിത്രങ്ങള്
നിലവില് ബംഗ്ലാദേശിനും സമീപ പ്രദേശങ്ങള്ക്കും മുകളിലായി ചക്രവാതച്ചുഴി നിലനില്ക്കുന്നുണ്ട്. 24 മണിക്കൂറിനുള്ളില് വടക്കന് ഒഡീഷയ്ക്ക് മുകളില് ഇത് ന്യൂനമര്ദ്ദമായി മാറും എന്നാണ് കേന്ദ്ര കാലാവസ്ഥ വകുപ്പ് പറയുന്നത്. ഇതിന്റെ ഫലമായി 50 കിലോമീറ്റര് വേഗതയില് കാറ്റ് വീശാന് സാധ്യതയുള്ളതിനാല് മൂന്ന് ദിവസത്തേക്ക് മത്സ്യത്തൊഴിലാളികള് കടലില് പോകരുത് എന്നും കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചിരിക്കുകയാണ്.
യുവതിയെ വീഡിയോയിലൂടെ അപമാനിച്ചു, തെറിവിളി; സൂരജ് പാലക്കാരനെതിരെ കേസ്, ഒളിവില്
3.6 മീറ്റര് ഉയരത്തില് തിരമാല രൂപപ്പെടാനുള്ള സാധ്യത ഉള്ളതിനാല് കടലാക്രമണ മുന്നറിയിപ്പ് പുറപ്പെടുവിച്ചിട്ടുമുണ്ട്. അതിനിടെ അരുവിക്കര അണക്കെട്ടിന്റെ മൂന്നാമത്തെ ഷട്ടര് 40 സെന്റീമീറ്റര് ഉയര്ത്തിയിരിക്കുകയാണ് എന്നും സമീപവാസികള് ജാഗ്രത പാലിക്കണം എന്നും ജില്ലാ കളക്ടര് അറിയിച്ചു.