Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഹര്‍ത്താലില്‍ നഷ്ടം 5.6 കോടി; പോപ്പുലര്‍ ഫ്രണ്ടില്‍ നിന്ന് ഈടാക്കണമെന്ന് കെ.എസ്.ആര്‍.ടി.സി ഹൈക്കോടതിയില്‍
കൊച്ചി: കഴിഞ്ഞ വെള്ളിയാഴ്ച പോപ്പുലര്‍ ഫ്രണ്ട് ഹര്‍ത്താലില്‍ തകര്‍ത്ത ബസുകള്‍ക്ക് നഷ്ടപരിഹാരം നല്‍കണം എന്ന ആവശ്യവുമായി കെ എസ് ആര്‍ ടി സി. ഹര്‍ത്താല്‍ ദിനത്തിലെ അക്രമത്തില്‍ 5.6 കോടിയുടെ നഷ്ടമാണ് ഉണ്ടായത് എന്നും ഇത് പോപ്പുലര്‍ ഫ്രണ്ടില്‍ നിന്ന് ഈടാക്കി നല്‍കണം എന്നും കെ എസ് ആര്‍ ടി സി ഹൈക്കോടതിയോട് ആവശ്യപ്പെട്ടു.
ഹര്‍ത്താല്‍ ദിനത്തിലെ നഷ്ടപരിഹാരം ഈടാക്കാന്‍ നടപടി വേണം എന്ന് ഹൈക്കോടതി സംസ്ഥാന സര്‍ക്കാരിന് നേരത്തെ നിര്‍ദേശം നല്‍കിയിരുന്നു. ഇതിന് പിന്നാലെയാണ് കെ എസ് ആര്‍ ടി സി ഹര്‍ജി സമര്‍പ്പിച്ചിരിക്കുന്നത്. ഹര്‍ത്താലില്‍ കെ എസ് ആര്‍ ടി സിക്ക് ഉണ്ടായ നഷ്ടം അക്രമികളില്‍ നിന്ന് ഈടാക്കണം എന്നായിരുന്നു ഹൈക്കോടതി നേരത്തെ നിര്‍ദേശിച്ചത്.
ആക്രമണത്തില്‍ തകര്‍ത്ത കെ എസ് ആര്‍ ടി സി ബസുകള്‍ നന്നാക്കാനുള്ള ചിലവുകള്‍ക്ക് പുറമെ സര്‍വീസ് മുടങ്ങിയതിനെ തുടര്‍ന്നുണ്ടായ വരുമാന നഷ്ടവും അക്രമികളില്‍ നിന്നും ഹര്‍ത്താല്‍ ആഹ്വാനം ചെയ്തവരില്‍ നിന്നും ഈടാക്കണം എന്നായിരുന്നു ഹൈക്കോടതി നിര്‍ദ്ദേശിച്ചിരുന്നത്.
അതേസമയം കെ എസ് ആര്‍ ടി സിക്ക് ഉണ്ടായ നഷ്ടം പരിഹരിക്കുന്നതിനുള്ള നടപടിയില്‍ സര്‍ക്കാരില്‍ നിന്ന് ഹൈക്കോടതി റിപ്പോര്‍ട്ട് തേടിയിട്ടുണ്ട്. ഇതിന് പിന്നാലെ കേസില്‍ കക്ഷി ചേരാന്‍ കെ എസ് ആര്‍ ടി സി ഹൈക്കോടതിയില്‍ അപേക്ഷ നല്‍കുകയായിരുന്നു.
പോപ്പുലര്‍ ഫ്രണ്ടിന്റെ ഹര്‍ത്താല്‍ ദിനത്തില്‍ 58 ബസുകള്‍ എറിഞ്ഞ് തകര്‍ത്തു എന്നാണ് കെഎസ്ആര്‍ ടി സി ഹൈക്കോടതിയില്‍ അറിയിച്ചിരിക്കുന്നത്. 10 കെ എസ് ആര്‍ ടി സി ജീവനക്കാര്‍ക്ക് പരിക്കേറ്റിട്ടുണ്ട് എന്നും കെ എസ് ആര്‍ ടി സി ഹൈക്കോടതിയെ അറിയിച്ചിട്ടുണ്ട്.
ഹര്‍ത്താല്‍ ദിനത്തില്‍ 5.6 കോടിയുടെ നഷ്ടമാണ് കെ എസ് ആര്‍ ടി സിക്ക് ഉണ്ടായത്. ആ നഷ്ടം ഹര്‍ത്താലിന് ആഹ്വാനം ചെയ്ത പി എഫ് ഐയില്‍ നിന്ന് ഈടാക്കി നല്‍കണമെന്ന കെ എസ് ആര്‍ ടി സിയുടെ ഹര്‍ജി അടുത്ത ദിവസം ഹൈക്കോടതി പരിഗണിക്കാന്‍ മാറ്റി വെച്ചിരിക്കുകയാണ്.
