എല്ഡിഎഫിന് 95 സീറ്റുകള് വരെ ലഭിക്കാം: ഭരണത്തുടര്ച്ച പ്രവചിച്ച് അവസാനവട്ട അഭിപ്രായ സര്വേയും
കോഴിക്കോട്: നിയമസഭ തിരഞ്ഞെടുപ്പിനോടനുബന്ധിച്ച ട്രൂ കോപ്പി തിങ്ക് നടത്തിയ പ്രീ പോള് സര്വേയുടെ ഫലം പുറത്ത്. സ്ഥാനാര്ത്ഥി പ്രഖ്യാപനം പിന്നിട്ട് പ്രചാരണം അവസാന ഘട്ടത്തിലേക്ക് കടക്കുമ്പോള് രാഷ്ട്രീയ കേരളം എങ്ങനെ ചിന്തിക്കുന്നുവെന്ന അവകാശവാദത്തോടെയാണ് ട്രൂ കോപ്പി തിങ്കിന്റെ സര്വേ ഫലം പുറത്ത് വിട്ടിരിക്കുന്നത്. തെക്കന് കേരളം, മധ്യകേരളം, വടക്കന് കേരളം എന്നിങ്ങനെ മൂന്നായി തരം തിരിച്ചുള്ള സീറ്റ് പ്രവചനത്തോടൊപ്പം മറ്റ് ചില ശ്രദ്ധേയമായ കാര്യങ്ങളിലെ പൊതുജനാഭിപ്രായവും സര്വെ തേടിയിയിട്ടുണ്ട്. ആകെ സീറ്റ് നിലയടക്കം സര്വെ കണ്ടെത്തിയ പ്രധാന കാര്യങ്ങള് ഇങ്ങനെയാണ്.
വോട്ട് വിഹിതം-വടക്കന് കേരളം
ട്രൂ കോപ്പി സര്വെ പ്രകാരം വോട്ട് വിഹിതത്തിന്റെ കാര്യത്തില് മുന്നില് രണ്ട് മേഖലകളിലും ആധിപത്യം പുലര്ത്താന് ഇടതുമുന്നണിക്ക് സാധിച്ചിട്ടുണ്ട്. വടക്കന് കേരളത്തില് 46 മുതല് 48 ശതമാനം വരെ സീറ്റുകള് എല്ഡിഎഫിന് ലഭിക്കുമെന്നാണ് സര്വെ അവകാശപ്പെടുന്നത്. യുഡിഎഫിന് 36 മുതല് 38 ശതമാനവും എന്ഡിഎയ്ക്ക് 13 മുതല് 15 ശതമാനം വരേയും വോട്ട് വിഹിതം വടക്കന് കേരളത്തില് പ്രവചിക്കുന്നു.
വോട്ട് വിഹിതം-മധ്യകേരളം
മധ്യകേരളത്തില് എല്ഡിഎഫിനേക്കാന് മുന്തൂക്കം യുഡിഎഫിനാണ്. ഈ മേഖലയില് 42 മുതല് 44 ശതമാനം വരെ വോട്ട് യുഡിഎഫിന് ലഭിച്ചേക്കാം. ഇടതിന് 40 മുതല് 42 ശതമാനം വരേയും എന്ഡിഎയ്ക്ക് 11 മുതല് 13 ശതമാനം വരേയും വോട്ട് ലഭിക്കം. മധ്യകേരളത്തിലെ നാല് മുതല് അഞ്ച് വരെ വോട്ട് വിഹിതം സ്വന്തമാക്കാന് മറ്റുള്ളവര്ക്ക് സാധിച്ചേക്കുമെന്നാണ് സര്വെ പറയുന്നത്.
വോട്ട് വിഹിതം-തെക്കന് കേരളം
മധ്യകേരളം വിട്ട് തെക്കന് കേരളത്തിലേക്ക് എത്തുമ്പോള് ഇടത് ആധിപത്യം വീണ്ടും വരുന്നു. 43 മുതല് 46 ശതമാനം വരെ വോട്ട് ഇടതുമുന്നണി പിടിച്ചേക്കും. യുഡിഎഫിന് 35 മുതല് 38 ശതമാനം വരേയും എന്ഡിഎയ്ക്ക് 16 മുതല് 18 ശതമാനം വരേയും വോട്ട് തെക്കന് കേരളത്തില് ലഭിച്ചേക്കും. എന്ഡിഎയ്ക്ക് ഏറ്റവും കൂടുതല് വോട്ട് പ്രവചിക്കുന്ന ഒരു മേഖലയാണ് ഇത്.
സീറ്റ് നില-വടക്കന് കേരളം
വോട്ട് വിഹിതത്തിലെ ഈ വ്യത്യാസം സീറ്റുകളുടെ കാര്യത്തിലും വ്യക്തമാണ്. വടക്കന് കേരളത്തില് ആകെയുള്ള 60 സീറ്റില് 39 മുതല് 43 സീറ്റ് വരെ എല്ഡിഎഫ് നേടിയേക്കുമെന്നാണ് സര്വെ അവകാശപ്പെടുന്നത്. യുഡിഎഫിന് 17 മുതല് 21 സീറ്റും എന്ഡിഎയ്ക്ക് പരമാവധി ഒരു സീറ്റും ലഭിക്കാം. മധ്യകേരളത്തില് ഇടതിന് 18-22, യുഡിഎഫിന് 19-23, എന്ഡിഎ -0 എന്നതാണ് സര്വേ പ്രവചനം.
സീറ്റ് നില: മധ്യ-തെക്കന് കേരളം
തെക്കന് കേരളത്തില് ഇടതുപക്ഷത്തിന് 26 മുതല് 31 വരെ സീറ്റ് ലഭിച്ചേക്കും. യുഡിഎഫ് പരമാവധി നേടുക ഒമ്പത് മുതല് 13 വരെ സീറ്റുകളാണ്. ബിജെപിക്ക് പുജ്യം അല്ലെങ്കില് ഒരു സീറ്റ് ലഭിക്കാന് സാധ്യതയുണ്ട്. സംസ്ഥാനത്തെ ആകെ സീറ്റുകളുടെ കാര്യം നോക്കുമ്പോള് 85 മുതല് 95 സീറ്റ് വരെയാണ് എല്ഡിഎഫിന് പ്രവചിക്കുന്നത്. യുഡിഎഫിന് 45-മുതല് 55 വരെ സീറ്റും ബിജെപിക്ക് 0-2, പ്രവചിക്കുന്നു. ഒരു സീറ്റ് മറ്റുള്ളവര്ക്ക് ലഭിച്ചേക്കാം.
മുഖ്യമന്ത്രിയുടെ പ്രകടനം
മുഖ്യമന്ത്രി പിണറായി വിജയന്റെ പ്രവര്ത്തനത്തിന് വലിയ പിന്തുണയാണ് സര്വേയില് പങ്കെടുത്തവര് നല്കുന്നത്. സര്വേയില് പങ്കെടുത്ത 54.4 ശതമാനം പേരും മുഖ്യമന്തി എന്ന നിലയില് പിണറായി വിജയന്റേത് വളരെ മികച്ച പ്രകടനമായിരുന്നെന്ന് അഭിപ്രായപ്പെടുന്നു. 26.9 ശതമാനം പേര് മികച്ചതെന്നും 15.1 ശതമാനം പേര് ശരാശരിയെന്നും അഭിപ്രായപ്പെട്ടപ്പോള് മോശമെന്ന് അഭിപ്രായപ്പെട്ടവര് 5.6 ശതമാനം മാത്രമാണ്.
പ്രതിപക്ഷ നേതാവിന്റെ പ്രകടനം
ഇതുവരെ പുറത്ത് വന്ന മറ്റ് സര്വേകളില് നിന്ന് വ്യത്യസ്തമായി പ്രതിപക്ഷ നേതാവിന്റെ പ്രകടനത്തിന് മികച്ച അഭിപ്രായമാണ് ട്രൂ കോപ്പി സര്വേയില് കണ്ടെത്താന് സാധിച്ചിട്ടുള്ളത്. പ്രതിപക്ഷ നേതാവ് എന്ന നിലയില് രമേശ് ചെന്നിത്തലയുടെ പ്രകടനം വളരെ മികച്ചതെന്ന് അഭിപ്രായപ്പെടുന്നത് 24.4 ശതമാനം ആളുകളാണ്. 33.9 ശതമാനം മികച്ചതെന്നും 24.7 ശതമാനം ശരാശരിയെന്നും അഭിപ്രായപ്പെടുന്നു. മോശം അഭിപ്രായമുള്ളത് 17 ശതമാനം പേര്ക്കാണ്.
കോവിഡ്-നിപ പ്രതിരോധം
കോവിഡ്-നിപ കാലത്തെ സര്ക്കാറിന്റെ പ്രവര്ത്തനങ്ങള്ക്ക് മികച്ച പിന്തുണയാണ് സര്വേയില് പങ്കെടുത്തവര് നല്കുന്നത്. ഏറെ വെല്ലുവിളികള് നിറഞ്ഞ ഈ രണ്ട് കാലത്തും സര്ക്കാര് വളരെ മികച്ച രീതിയില് പ്രവര്ത്തിച്ചുവെന്ന് അഭിപ്രായപ്പെട്ടത് 53.2 ശതമാനം ആളുകളാണ്. 31.9 ശതമാനം പേര് മികച്ചതെന്നും 11.5 ശതമാനം ശരാശരിയെന്നും അഭിപ്രായപ്പെട്ടു. 3.4 ശതമാനമാണ് മോശം എന്ന് അഭിപ്രായപ്പെട്ടത്.
പ്രളയകാലം
പ്രളയകാലത്തെ സര്ക്കാറിന്റെ പ്രവര്ത്തനങ്ങള്ക്കും മികച്ച പിന്തുണയാണ് ഉള്ളത്. 46.3 ശതമാനം പേരാണ് പ്രളയകാലത്തെ സര്ക്കാറിന്റെ പ്രവര്ത്തനം മികച്ചതാണെന്ന് അഭിപ്രായപ്പെട്ടത്. മികച്ചത് 36.0 ശതമാനം, ശരാശരി 13.9 ശതമാനം, മോശം, 3.8 ശതമാനം എന്നിങ്ങനെയാണ് മറ്റുള്ളവരുടെ അഭിപ്രായം. പ്രതിപക്ഷത്തിന്റെ മൊത്തത്തിലുള്ള പ്രവര്ത്തനത്തില് 21.0 ശതമാനം പേര് വളരെ മികച്ചത്, 37.9 % മികച്ചത്, 26.1 %ശരാശരി, 15.0 % മോശം എന്നിങ്ങനേയും അഭിപ്രായം രേഖപ്പെടുത്തി.
-
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം
Click it and Unblock the Notifications
Sign in with Google