ഉപതിരഞ്ഞെടുപ്പ്: നാല് സീറ്റ് പിടിച്ചെടുത്ത് എല്ഡിഎഫ്, മൂന്നെണ്ണം യുഡിഎഫും, ബിജെപിക്ക് ഒന്ന്
തിരുവനന്തപുരം: സംസ്ഥാനത്തെ വിവിധ ജില്ലകളിലെ 19 തദ്ദേശ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പില് നേട്ടമുണ്ടാക്കി എല് ഡി എഫ്. എല് ഡി എഫ് 10 സീറ്റും യു ഡി എഫ് 8 സീറ്റും നേടിയപ്പോള് ബി ജെ പി ഒരു സീറ്റില് വിജയിച്ചു. എല് ഡി എഫ് നാല് സീറ്റുകള് പിടിച്ചെടുത്തപ്പോള് എല് ഡി എഫിന്റെ മൂന്ന് സിറ്റിങ് സീറ്റുകള് യു ഡി എഫ് പിടിച്ചെടുത്തു. എല് ഡി എഫ് സിറ്റിങ് സീറ്റിലാണ് ബി ജെ പിയുടെ ഏക വിജയം. യു ഡി എഫിന്റേയും ജനപക്ഷത്തിന്റേയും ഒരോ സീറ്റുകളും ബി ജെ പിയുടെ രണ്ടും സീറ്റുകള് എല് ഡി എഫ് പിടിച്ചെടുത്തു.
തിരഞ്ഞെടുപ്പ് നടക്കുന്നതിന് മുമ്പ് എല് ഡി എഫിന് ഒമ്പത് സീറ്റും, യു ഡി എഫിന് ഏഴ് സീറ്റും ബി ജെ പിക്ക് രണ്ട് സീറ്റും ജനപക്ഷത്തിന് ഒരു സീറ്റും ഉണ്ടായിരുന്നു. തിരുവനന്തപുരം കോർപ്പറേഷനിലെ മുട്ടട ഡിവിഷനിലേക്ക് നടന്ന തിരഞ്ഞെടുപ്പില് എല്ഡിഎഫ് സിറ്റിങ് സീറ്റ് നിലനിർത്തി. ജില്ലയിലെ പഴയകുന്നുമ്മേല് പഞ്ചായത്തിലെ കനാറയില് കോണ്ഗ്രസും സിറ്റിങ് സീറ്റില് വിജയിച്ചു.
കൊല്ലം ജില്ലയിലെ അഞ്ചല് ഗ്രാമപഞ്ചായത്തിലെ തഴമേല് വാർഡ് ബി ജെ പി സിറ്റിങ് സീറ്റ് എല് ഡി എഫ് പിടിച്ചെടുത്തു. പത്തനംതിട്ട ജില്ലയിലെ മൈലപ്ര ഗ്രാമപഞ്ചായത്തിലെ അഞ്ചാം വാര്ഡിലേക്ക് നടന്ന ഉപതിരഞ്ഞെടുപ്പില് സി പി എം സിറ്റിങ് സീറ്റ് കോണ്ഗ്രസും പിടിച്ചെടുത്തു. ആലപ്പുഴ ജില്ലയിലെ ചേര്ത്തല മുനിസിപ്പല് കൗണ്സിലിലെ മുനിസിപ്പല് ഓഫീസ് വാർഡ് എല് ഡി എഫ് സിറ്റിങ് സീറ്റ് നിലനിര്ത്തി.
കോട്ടയം മുനിസിപ്പല് കൗണ്സിലിലെ പുത്തന്തോട് വാർഡ് കോണ്ഗ്രസും മണിമല ഗ്രാമപഞ്ചായത്തിലെ മുക്കട വാർഡ് സി പി എമ്മും നിലനിർത്തി. അതേസമയം, പൂഞ്ഞാർ ഗ്രാമപഞ്ചായത്തിലെ പെരുനിലം വാർഡ് ജനപക്ഷത്ത് നിന്നും സി പി എം പിടിച്ചെടുത്തു. എറണാകുളം ജില്ലയിലെ നെല്ലിക്കുഴി ഗ്രാമപഞ്ചായത്തിലെ തുളുശ്ശേരിക്കവല വാർഡ് ബി ജെ പിയില് നിന്നും സി പി എം പിടിച്ചെടുത്തു.
പാലക്കാട് പെരിങ്ങോട്ടുകുറിശ്ശി ഗ്രാമപഞ്ചായത്തിലെ ബമ്മണ്ണൂര് വാർഡ് യു ഡി എഫ് നിലനിര്ത്തി. മുതലമട ഗ്രാമപഞ്ചായത്തിലെ പറയമ്പള്ളം വാർഡ് സി പി എമ്മില് നിന്ന് യു ഡി എഫും കാഞ്ഞിരപ്പുഴ ഗ്രാമപഞ്ചായത്തിലെ കല്ലമല വാർഡ് എല് ഡി എഫില് നിന്നും ബി ജെ പിയും പിടിച്ചെടുത്തു. ലെക്കിടി പേരൂര് ഗ്രാമപഞ്ചായത്തിലെ അകലൂര് ഈസ്റ്റ് വാർഡ് എല് ഡി എഫും കരിമ്പ ഗ്രാമപഞ്ചായത്തിലെ കപ്പടം വാർഡ് യു ഡി എഫും നിലനിർത്തി.
കോഴിക്കോട് ജില്ലയിലെ ചെങ്ങോട്ടുകാവ് ഗ്രാമപഞ്ചായത്തിലെ ചേലിയ ടൗണ് യു ഡി എഫും വേളം ഗ്രാമപഞ്ചായത്തിലെ കുറിച്ചകം സീറ്റ് എല് ഡി എഫും നിലനിർത്തി. പുതുപ്പാടി ഗ്രാമപഞ്ചായത്തിലെ കണലാട് വാർഡ് യു ഡി എഫില് നിന്ന് സി പി എം പിടിച്ചെടുത്തു. കണ്ണൂർ കോർപ്പറേഷനിലെ പള്ളിപ്രം നിലനിർത്തിയ യു ഡി എഫ് ചെറുതാഴം ഗ്രാമപഞ്ചായത്തിലെ കക്കോണി വാർഡി സി പി എമ്മില് നിന്നും പിടിച്ചെടുത്തു.
അതേസമയം, 19 വാർഡുകളിലെ വിധിയില് ഭരണ മാറ്റത്തിന് സാധ്യതയുണ്ടായിരുന്നത് കോട്ടയം നഗരസഭയില് മാത്രമായിരുന്നു. സിറ്റിങ് സീറ്റില് യു ഡി എഫ് വിജയിച്ചതോടെ ഇരു മുന്നണികളും വീണ്ടും ഒപ്പത്തിനൊപ്പം എത്തി. നേരത്തെ നറുക്കെടുപ്പിലൂടെയായിരുന്നു നഗരസഭയില് യു ഡി എഫ് അധികാരത്തിലെത്തിയത്.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google