സംസ്ഥാനത്ത് മെയ് 23 വരെ ലോക്ക്ഡൗണ്, മെയ് 16ന് ശേഷം 4 ജില്ലകളിൽ ട്രിപ്പിള് ലോക്ക്ഡൗണ്
തിരുവനന്തപുരം: സംസ്ഥാനത്ത് ലോക്ക്ഡൗണ് നീട്ടാന് തീരുമാനം.എല്ലാ ജില്ലകളിലും ടെസ്റ്റ് പോസിറ്റിവിറ്റി നിരക്ക് ഉയര്ന്ന് നില്ക്കുന്ന സാഹചര്യത്തില് ലോക്ഡൗണ് മെയ് 23 വരെ നീട്ടാന് തീരുമാനിച്ചിരിക്കുകയാണ് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു. രോഗികളുടെ എണ്ണം വര്ധിക്കുന്ന ഇടങ്ങളില് കടുത്ത നിയന്ത്രണം വേണ്ടി വരും. രോഗവ്യാപനം കുറച്ചു കൊണ്ടുവരാനാണ് കടുത്ത നിയന്ത്രണങ്ങള് ഏര്പ്പെടുത്തുന്നതെന്ന് മുഖ്യമന്ത്രി പറഞ്ഞു.
കൊവിഡ് പ്രതിരോധവുമായി ബന്ധപ്പെട്ട് ഇന്ന് ചേര്ന്ന വിദഗ്ധ സമിതി യോഗത്തില് ആണ് ലോക്ക്ഡൗണ് നീട്ടണമെന്ന ശുപാര്ശ ഉയര്ന്നത്. പോലീസ് വകുപ്പും സംസ്ഥാന ദുരന്ത നിവാരണ വകുപ്പും ഒരാഴ്ച കൂടി ലോക്ക്ഡൗണ് വേണം എന്ന് ശുപാര്ശ ചെയ്തു. അതേസമയം ലോക്ക്ഡൗണ് മൂന്നാഴ്ച എങ്കിലും നീട്ടാന് ആണ് ആരോഗ്യ വകുപ്പ് നിര്ദേശിച്ചത്. സംസ്ഥാനത്ത് മെയ് 8 മുതല് 16 വരെ ആയിരുന്നു ലോക്ക്ഡൗണ് പ്രഖ്യാപിച്ചിരുന്നത്. എന്നാല് കൊവിഡ് വ്യാപനത്തില് കുറവില്ലാത്ത പശ്ചാത്തലത്തില് ആണ് ലോക്ക്ഡൗണ് നീട്ടാനുളള തീരുമാനം.
Recommended Video
ലോക്ഡൗണ് നീട്ടുമ്പോള് സ്വാഭാവികമായി ജനങ്ങള് കുറേക്കൂടി വിഷമം അനുഭവിക്കുന്ന സാഹചര്യം ഉണ്ടാക്കും. ഒന്നാം ഘട്ടത്തിലെ അനുഭവങ്ങള് കൂടി കണക്കിലെടുത്ത് രണ്ടാം തരംഗം സൃഷ്ടിക്കുന്ന ദുരിതം മറികടക്കാന് പ്രത്യേക പദ്ധതികള് നടപ്പാക്കുകയാണ്. അവശ്യസാധന കിറ്റുകള് 2021 ജൂണിലും തുടര്ന്ന് വിതരണം ചെയ്യും.
കൊറോണ നിയന്ത്രണങ്ങള് കാരണം ആളൊഴിഞ്ഞ് പള്ളികള്: ചെറിയ പെരുന്നാള് ദിനത്തിലെ കാഴ്ചകള്
മെയ് മാസത്തെ സാമൂഹ്യസുരക്ഷാ പെന്ഷന് വിതരണം ഉടന് പൂര്ത്തിയാക്കും.
823.23 കോടി രൂപയാണ് വിതരണം പെന്ഷന് ആയി വിതരണം ചെയ്യുന്നത്.
വിവിധ ക്ഷേമനിധി ബോര്ഡുകളില് അംഗങ്ങളായവര്ക്ക് 1000 രൂപ വീതം ധനസഹായം അനുവദിക്കും. സ്വന്തം ഫണ്ടില്ലാത്ത ക്ഷേമ നിധി ബോര്ഡുകളെ സര്ക്കാര് സഹായിക്കും. ക്ഷേമനിധി സഹായം ലഭിക്കാത്ത ബിപിഎല് കുടുംബങ്ങള്ക്ക് ഒറ്റത്തവണ സഹായമായി 1000 രൂപ നല്കും.
സാമൂഹ്യ നീതി വകുപ്പിലേയും വനിതാ-ശിശുവികസന വകുപ്പിലേയും അംഗന്വാടി ജീവനക്കാര് ഉള്പ്പെടെയുള്ള താല്ക്കാലിക ജീവനക്കാര്ക്ക് ലോക്ഡൗണ് കാലത്തെ ശമ്പളം മുടങ്ങാതെ നല്കും. കുടുംബശ്രീയുടെ 19,500 എഡിഎസുകള്ക്ക് ഒരു ലക്ഷം രൂപ വീതം റിവോള്വിങ് ഫണ്ട് അനുവദിക്കും. കുടുംബശ്രീ വഴിയുള്ള മുഖ്യമന്ത്രിയുടെ 'സഹായ ഹസ്തം വായ്പാ പദ്ധതി'യിലെ ഈ വര്ഷത്തെ പലിശ സബ്സിഡി 93 കോടി രൂപ മുന്കൂറായി നല്കും. കുടുംബശ്രീയുടെ റീസര്ജന്റ് കേരള വായ്പാ പദ്ധതിയുടെ ഭാഗമായിട്ടുള്ള ഈ വര്ഷത്തെ പലിശ സബ്സിഡി 76 കോടി രൂപ അയല്ക്കൂട്ടങ്ങള്ക്ക് മുന്കൂറായി അനുവദിക്കും. കുടുംബശ്രീ നല്കിയ വായ്പകളുടെ തിരിച്ചടവിന് 6 മാസത്തെ മൊറട്ടോറിയത്തിന് കേന്ദ്ര സര്ക്കാരിനോട് ആവശ്യപ്പെടും. കുടുംബശ്രീക്ക് സഹകരണ സ്ഥാപനങ്ങള് നല്കിയ വായ്പകള്ക്കു കൂടി ഇത് ബാധകമാകും.
വസ്തു നികുതി, ടൂറിസം നികുതി, ലൈസന്സ് പുതുക്കല് തുടങ്ങിയവയ്ക്കുള്ള സമയം ദീര്ഘിപ്പിക്കും. മുന്പ് വിശദമാക്കിയതു പോലെ, ലോക്ഡൗണിന്റെ ഗുണഫലം എത്രത്തോളമുണ്ടെന്ന് മനസ്സിലാക്കാന് ഇനിയും അല്പദിവസങ്ങള് കൂടികഴിയേണ്ടതുണ്ട്. ഈ മെയ് മാസം കേരളത്തെ സംബന്ധിച്ച് വളരെ നിര്ണായകമാണെന്നാണ് വിദഗ്ധര് പറയുന്നത്. കോവിഡ് രണ്ടാം തരംഗം നേരത്തെ ആരംഭിക്കുകയും വലിയ തോതില് നാശം വിതയ്ക്കുകയും ചെയ്ത ഉത്തരേന്ത്യന് സംസ്ഥാനങ്ങളില് പലയിടത്തും രോഗവ്യാപനം അല്പം കുറയുന്നതായോ, അല്ലെങ്കില് വര്ദ്ധിക്കാതെ ഒരേ നിലയില് തുടരുന്നതായോ ഇപ്പോള് കാണാന് സാധിക്കുന്നുണ്ട്. അതൊരു ശുഭകരമായ സൂചനയാണ്.
വര്ഷിനി സൗന്ദര്രാജന്റെ ഏറ്റവും പുതിയ ചിത്രങ്ങള് കാണാം
Click it and Unblock the Notifications
Sign in with Google