ജൂനിയര് ഐ ലീഗ് ഫൈനല്റൗണ്ടിലേക്ക് ചരിത്രത്തില് ആദ്യമായി കേരളത്തില്നിന്നൊരു ടീം, അഭിമാനമായി മലപ്പുറം എം.എസ്.പി
മലപ്പുറം: ജൂനിയര് ഐ ലീഗ് ഫൈനല്റൗണ്ടിലേക്ക് ചരിത്രത്തില് ആദ്യമായി കേരളത്തില്നിന്നൊരു ടീം യോഗ്യത നേടി. അണ്ടര്15 ഐ ലീഗ് പ്ലേഓഫ് മത്സരത്തില് ഗോകുലം കേരളാ എഫ്സിയെ തകര്ത്തു മലപ്പുറം എംഎസ്പി സ്കൂളാണ് യൂത്ത് ഐലീഗ് ഫൈനല് റൗണ്ടിലേക്ക് പ്രവേശനം നേടി അഭിമാനമായത്. ഗോവയില് നടന്ന മത്സരത്തില് ഒന്നിനെതിരേ എട്ടു ഗോളുകള്ക്കാണ് എംഎസ്പി വിജയിച്ചത്. പി. അഭിജിതും ഷഹാന് സലീമും മൂന്നുവീതം ഗോളുകള് നേടിയപ്പോള് അജയ് കൃഷ്ണനും ഇ.എസ്. അശ്വിനും ഓരോ ഗോളുകള് വീതം നേടി.
ജൂനിയര് ഐ ലീഗില് ചരിത്രത്തില് ആദ്യമായാണ് കേരളത്തില് നിന്നൊരു ടീം ഫൈനല് റൗണ്ടില് പ്രവേശിക്കുന്നത്. കേരളത്തില് നിന്നു മുന് വര്ഷങ്ങളിലും പല ടീമുകളും ഐ ലീഗില് പങ്കെടുത്തിട്ടുണ്ടെങ്കിലും ഫൈനല് റൗണ്ടില് കടക്കുന്നത് ഇതാദ്യം. ജൂണിയര് ഐ ലീഗില് പങ്കെടുക്കുന്ന ആദ്യ വര്ഷം തന്നെ ഐഎസ്എല് ടീമുകളുടെയും ഐ ലീഗ് ടീമുകളുടെയും അക്കാഡമികളെയും മറികടന്നു ഫൈനല് റൗണ്ടില് പ്രവേശിച്ചത് എംഎസ്പിയുടെ വിജയത്തിനു മാറ്റുകൂട്ടുന്നു. കൊച്ചിയില് നടന്ന ആദ്യറൗണ്ട് മത്സരത്തിലും അതിനുശേഷം ഗോവയില് നടന്ന പ്ലേ ഓഫ് റൗണ്ടിലും മികച്ച പ്രകടനമാണ് എംഎസ്പി കാഴ്ചവച്ചത്.
അണ്ടര്15 ഐ ലീഗ് ഫൈനല് റൗണ്ടിലേക്കു യോഗ്യത നേടിയ മലപ്പുറം എംഎസ്പി സ്കൂള്ടീം
ഇന്ത്യയിലെ പ്രഗത്ഭരായ 65 അക്കാഡമി ടീമുകളാണ് അണ്ടര്15 ഐ ലീഗ് ഫൈനല് റൗണ്ടിലേക്ക് ഏറ്റുമുട്ടിയിരുന്നത്. ഇതില് 16 ടീമുകളാണ് അവസാന റൗണ്ടിലെത്തിയത്. 29 മുതല് ഗോവയിലാണ് ഫൈനല് റൗണ്ട് നടക്കുന്നത്.
പ്ലേഓഫില് ആദ്യ മത്സരത്തില് സ്പോര്ട്സ് ഹോസ്റ്റല് ഒറീസയെ ഒന്നിനെതിരേ രണ്ടു ഗോളുകള്ക്കു തോല്പ്പിച്ചാണ് എംഎസ്പി തുടങ്ങിയത്. ടാറ്റ ഫുട്ബോള് അക്കാഡമി, ഡിഎസ്കെ പൂനെ എന്നി ടീമുകള് ഉള്പ്പെട്ട ഗ്രൂപ്പില് അവരെ പിന്നിലാക്കി ഒന്നാം സ്ഥാനക്കാരായാണ് ഒറീസ ഐ ലീഗ് പ്ലേ ഓഫിന് യോഗ്യത നേടിയിരുന്നത്. അതുകൊണ്ടുതന്നെ ഒറീസക്കെതിരേ വിജയിച്ചത് ടീമിനു നേട്ടമായി. രണ്ടാംമത്സരത്തില് നിലവിലെ ചാന്പ്യന്മാരായ മിനര്വ പഞ്ചാബുമായി എംഎസ്പി മൂന്നു ഗോളിനു പരാജയപ്പെട്ടു.
ഗ്രൂപ്പിലെ അവസാന മത്സരത്തില് ഗോകുലം കേരളാ എഫ്സിയെ വന്മാര്ജനില് തോല്പ്പിച്ചു എംഎസ്പി ആറുപോയിന്റുമായി രണ്ടാംസ്ഥാനക്കാരായി എത്തുകയായിരുന്നു. ഫൈനല് റൗണ്ടില് എഫ്സി ഗോവ, സായ് ഗോഹട്ടി, ബംഗളൂരു എഫ്സി എന്നിവര് ഉള്പ്പെട്ട ഗ്രൂപ്പിലാണ് എംഎസ്പി. 16 ടീമുകള് പങ്കെടുക്കുന്ന നാലു ടീമുകള് വീതമുള്ള ഗ്രൂപ്പില് കൂടുതല് പോയിന്റു നേടുന്ന ടീമുകള് സെമിയിലും പിന്നീട് ഫൈനലിലും ഏറ്റുമുട്ടും.
നേരത്തെ ഗ്രൂപ്പ് മത്സരത്തില് കേരളാ ബ്ലാസ്റ്റേഴ്സ് ജൂണിയര് ടീം ഉള്പ്പെടെയുള്ള ടീമുകളെ പരാജയപ്പെടുത്തി ഗ്രൂപ്പിലെ എല്ലാ മത്സരങ്ങളും ജയിച്ചു ഒന്നാം സ്ഥാനക്കാരായാണ് എംഎസ്പി പ്ലേഓഫ് റൗണ്ടിലേക്ക് യോഗ്യത നേടിയിരുന്നത്.
.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google