കശാപ്പ് ജീവനക്കാരന് സമാന മരണം!! വെട്ടേറ്റ് മരിച്ചത്....സംഭവം ഇടുക്കിയില്‍

മൂന്ന് ആഴമേറിയ മുറിവുകള്‍ ശരീരത്തിലുണ്ട്

തൊടുപുഴ: ഇടുക്കി ജില്ലയിലെ തൊടുപുഴയില്‍ യുവാവ് വെട്ടേറ്റ് മരിച്ച നിലയില്‍ കാണപ്പെട്ടു. ഉടുമ്പന്നൂരിലാണ് വീട്ടില്‍ യുവാവിനെ മരിച്ച നിലയില്‍ കണ്ടെത്തിയത്. ഉടുമ്പന്നൂര്‍ സ്വദേശിയായ വിഷ്ണുവാണ് (25) കൊല്ലപ്പെട്ടത്. ഇയാള്‍ കശാപ്പ് തൊഴിലാളിയാണ്.

വീട്ടില്‍ വിഷ്ണു ഒറ്റയ്ക്കായിരുന്നു താമസിച്ചിരുന്നത്. ഇയാള്‍ ജോലി ചെയ്യുന്ന കടയുടെ ഉടമ അതിരാവിലെ വീട്ടില്‍ വിളിക്കാന്‍ എത്തിയപ്പോഴാണ് വീണു മരിച്ച നിലയില്‍ കാണപ്പെട്ടത്. ആഴമേറിയ മൂന്നു മുറിവുകള്‍ ഇയാളുടെ ശരീരത്തിലുണ്ടായിരുന്നു.

വിഷ്ണുവും മറ്റു ചിലരും തമ്മില്‍ നേരത്തേ വാക്ക് തര്‍ക്കുമുണ്ടായിരുന്നതായാണ് വിവരം. ഇതുമായി ബന്ധപ്പെട്ട് കേസും ഉണ്ടായിരുന്നു. പിന്നീട് ഈ തര്‍ക്കം പറഞ്ഞ് തീര്‍ക്കുകയായിരുന്നുവെന്നാണ് സൂചന. ഈ വൈരാഗ്യമാണ് കൊലപാതകത്തിനു പിന്നിലെന്ന് സംശയിക്കുന്നുണ്ട്. പോലീസ് ഇതേക്കുറിച്ച് അന്വേഷണം ആരംഭിച്ചു കഴിഞ്ഞു.

English summary

Young man found dead in Idukki