മോഡലുകളുടെ മരണം: ലഹരി പാര്ട്ടിയില് പങ്കെടുത്ത ഏഴ് യുവതികളുള്പ്പെടെ 17 പേര്ക്കെതിരെ കേസ്
കൊച്ചി: മോഡലുകളുടെ മരണവുമായി ബന്ധപ്പെട്ട് അറസ്റ്റിലായ സൈജു തങ്കച്ചനൊപ്പം ലഹരി പാര്ട്ടിയില് പങ്കെടുത്ത് 17 പേര്ക്കെതിരെ പൊലീസ് കേസെടുത്തു. ഏഴ് യുവതികളടക്കമുള്ളവര്ക്കെതിരെയാണ് പൊലീസ് കേസെടുത്തിരിക്കുന്നത്. ഏഴ് പൊലീസ് സ്റ്റേഷനുകളിലായി ആകെ 17 കേസുകളാണ് പൊലീസ് രജിസ്റ്റര് ചെയ്തത്. പൊലീസ് ചോദ്യം ചെയ്യാന് വിളിപ്പിച്ചെങ്കിലും ഭൂരിഭാഗം പേരുടെയും മൊബൈല് ഫോണുകള് സ്വിച്ച് ഓഫ് ചെയ്ത നിലയിലായിരുന്നുവെന്നാണ് പൊലീസ് അറിയിച്ചത്.
മുന് മിസ് കേരള ആന്സി കബീര്, റണ്ണറപ്പ് അഞ്ജന ഷാജന് കാറിലൊപ്പമുണ്ടായിരുന്ന സുഹൃത്ത് എന്നിവരാണ് കൊച്ചി വൈറഅറിലയില് നടന്ന വാഹനാപകടത്തില് മരിച്ചത്. സംഭവത്തില് മുഖ്യമ പ്രതിയാണഅ സൈജു തങ്കച്ചന്. നിലവില് പുതിയവഴിത്തിരിവിലെത്തി നില്ക്കുകയാണ് കേസ്.
സൈജു തങ്കച്ചന്റെ മൊബൈല് ഫോണിലെ ദൃശ്യങ്ങളാണ് പുതിയ കേസുകള്ക്ക് വഴിവെച്ചത്. കഞ്ചാവും ലഹരിയും ഉപയോഗിക്കുന്ന രഹ്സ്യ ദൃശ്യങ്ങളാണ് സൈജുവിന്റെ ഫേണില് നിന്ന് പൊലീസിന് ലഭിച്ചത്. ചോദ്യം ചെയ്യലില് സൈജു തങ്കച്ചന് ഓരോ പാര്ട്ടിയേയും കുറിച്ചുള്ള വിവരങ്ങള് പൊലീസിന് കുറ്റസമ്മതം നടത്തി. പാര്ട്ടികള് നടന്ന സ്ഥലങ്ങള്, പങ്കെടുത്തവരും പേര് വിവരങ്ങള് ഉള്പ്പെടെയുള്ളവ പൊലീസിന് നല്കിയിട്ടുണ്ട്.
സൈജുവിന്റെ ഈ കുറ്റസമ്മത മൊഴിയുടെയും വിഡീയോകളുടെയും അടിസ്ഥാനത്തിലാണ് മയക്കുമരുന്ന് പാര്ട്ടികള് നടന്ന പ്രദേശത്തെ പൊലീസ് സ്റ്റേഷനുകളില് പ്രത്യേകം കേസെടുക്കാന് പൊലീസ് തീരുമാനിച്ചത്. ഏഴ് യുവതികളടക്കം 17 പേരുടെ വിവരങ്ങള് എഫ്ഐആറില് രേഖപ്പെചുത്തിയിട്ടുണ്ട്. വീഡിയോ ദൃശ്യങ്ങളില് കണ്ടാലറിയാവുന്ന സുഹൃത്തുക്കളുടെ പേരിലും കേസെടുത്തിട്ടുണ്ടെന്നും പൊലീസ് അറിയിച്ചു. തൃക്കാക്കര, ഇന്ഫോപാര്ക്ക്്, ഫോര്ട്ട് കൊച്ചി, മരട്, പനങ്ങാട്, എറണാകുളം സൗത്ത് ,ഇടുക്കി ആനച്ചാല് സ്റ്റേഷനുകളിലായാണ് സൈജുവിനെതിയരെയും മറ്റുള്ളവര്ക്കെതിരെയും 17 കേസുകള് രജിസ്റ്റര് ചെയ്തിരിക്കുന്നത്. മോഡലുകള് ഡിജെ പാര്ട്ടിയില് പങ്കെടുത്ത നമ്പര് 18 ഹോട്ടലില് കഴിഞ്ഞ വര്ഷം ഏപ്രിലില് സൈജു മയക്കുമരുന്ന് പാര്ട്ടി നടത്തിയ കേസും ഉള്പ്പെടുമെന്ന് പൊലീസ് അറിയിച്ചു. മൂന്ന് പേര് മാത്രമാണ് ഇത് വരെ മൊഴി നല്കാനെത്തിയതെന്നും ഇനിയും ഹാജരായില്ലെങ്കില് ഇവര്ക്ക് ക്രിമിനല് നടപടിച്ചട്ട പ്രകാരം നോട്ടീസ് നല്കാനാണ് പൊലീസിന്റെ തീരുമാനമെന്നും അധികൃതര് അറിയിച്ചു.
വൈറ്റില ഹോളിഡേ ഇന് ഹോട്ടലിന് സമീപമായാണ് കഴിഞ്ഞ മാസം ഒന്നിന് മോഡലുകളും സുഹൃത്തുമുള്പ്പെടെ മൂന്ന് പേര് അപകടത്തില് മരിച്ചത്. ഫോര്ട്ട്കൊച്ചിയിലെ നമ്പര് 18 ഹോട്ടലില് നിന്നും പാര്ട്ടി കഴിഞ്ഞ് മടങ്ങവെയാണ് മൂവരും മരിച്ചത്. മോഡലുകള് സംഭവ സ്ഥലത്ത് നിന്നും, സുഹൃത്ത് പിന്നീടുമാണ് മരിച്ചത്. അമിത വേഗതയാണ് അപകടത്തിന് കാരണമെന്ന് പൊലീസ് കണ്ടെത്തിയിരുന്നു. സിസിടിവി ദൃശ്യങ്ങള് പരിശോധിച്ചതില് നിന്ന് പാര്ട്ടി നടന്ന നമ്പര് 18 ഹോട്ടലില് നിന്നും അപകടം നടന്ന സ്തളം വരെ ഇവരെ ഒരു കാര് പിന്തുടര്ന്നതായി പൊലീസ് കണ്ടെത്തിയിരുന്നു. ഈ കാര് ഓടിച്ചിരുന്നത് സൗജു തങ്കച്ചനായിരുന്നു. കാര് പിന്തുടര്ന്നത് കാരണം അപകടത്തില്പ്പെട്ട കാര് അമിത വേഗതയില് ഓടിച്ച് പോകുകയും തുടര്ന്ന് അപകടം നടക്കുകയുമായിരുന്നുവെന്ന് പൊലീസ് പറഞ്ഞു.
തുടര്ന്ന് സൈജുവിനെ പൊലീസ് കസ്റ്റഡിയിലെടുക്കുകയായിരുന്നു. മണിക്കൂറുകള് നീണ്ട ചോദ്യം ചെയ്യലിന് ഒടുവിലായിരുന്നു അന്വേഷണ ഉദ്യോഗസ്ഥര് സൈജു തങ്കച്ചനെ അറസ്റ്റ് ചെയ്തത്. ഇയാള് മോഡലുകളെ പിന്തുടര്ന്ന ഓഡി കാറും പിടിച്ചെടുത്തിരുന്നു. നരഹത്യ, സ്ത്രീകളെ അനുവാദം കൂടാതെ പിന്തുടരല് എന്നീ കുറ്റങ്ങളാണ് ഇയാള്ക്കെതിരെ ചുമത്തിയിരിക്കുന്നത്. ആദ്യ ചോദ്യം ചെയ്യലിനു ശേഷം ഇയാള് ഒളിവില് പോയിരുന്നു. പിന്നീട് മുന്കൂര് ജാമ്യത്തിനായി ഹൈക്കോടതിയെ സമീപിക്കുകയായിരുന്നു. ഇത് തീര്പ്പായതോടെ നേരിട്ട് ഹാജരാകാന് പൊലീസ് നോട്ടീസ് നല്കുകയും ഇതിന്റെ അടിസ്ഥാനത്തിലാണ് അഭിഭാഷകര്ക്കൊപ്പം കളമശ്ശേരി മെട്രോ പൊലീസ് സ്റ്റേഷനിലെത്തി ഹാജരായത്. സൈജുവിനെ ആറ് മണിക്കൂറുകളോളം ചോദ്യംചെയ്ത ശേഷമാണ് അറസ്റ്റ് ചെയ്തത്.
Recommended Video
ഡിജെ പാര്ട്ടി നടന്ന ഹോട്ടലില് നിന്ന് മോഡലുകള് ഉള്പ്പെടെ നാലംഗം മടങ്ങിയപ്പോള് സൈജുവും കാറില് പിന്തുടരുകയായിരുന്നു. കുണ്ടന്നൂര് വരെ സാധാരണ വേഗതയിലാണ് കാറുകള് സഞ്ചരിച്ചതെന്ന് സിസിടിവി ദൃശ്യങ്ങളില് വ്യക്തമാണെന്നും പൊലീസ് പറഞ്ഞു. എന്നാല് സൈജു പിന്തുടരുന്നത് കണ്ട് കുണ്ടന്നൂരില് വെച്ച് മോഡലുകള് സഞ്ചരിച്ച കാറിലെ ഡ്രൈവര് അബ്ദു റഹ്മാന് കാര് നിര്ത്തി. ഇവിടെ വെച്ച് സൈജുവുമായി തര്ക്കമുണ്ടായതായും ഇതിന് ശേഷമാണ് ഇരുകാറുകളും അമിത വേഗതയില് പായുന്നതെന്ന് സിസിടിവി ദൃശ്യങ്ങളില് വ്യക്തമാണെന്നും പല തവണ ഓവര്ടേക് ചെയ്തു. ഇതാണ് അപകടത്തിനിടയാക്കിയതെന്നും പൊലീസ് പറഞ്ഞു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google