മുകേഷിനും ഇടവേള ബാബുവിനും ആശ്വാസം; മുന്കൂര് ജാമ്യം അനുവദിച്ച് കോടതി
കൊച്ചി: ലൈംഗിക പീഡന പരാതിയില് നടന്മാരായ മുകേഷിനും ഇടവേള ബാബുവിനും മുന്കൂര് ജാമ്യം അനുവദിച്ച് കോടതി. എറണാകുളം സെഷന്സ് കോടതിയാണ് ഇരുവര്ക്കും മുന്കൂര് ജാമ്യം അനുവദിച്ചത്.വാദം പൂര്ത്തിയായ സാഹചര്യത്തിലാണ് കോടതി മുന്കൂര് ജാമ്യാപേക്ഷ പരിഗണിച്ചത്. പ്രോസിക്യൂഷനും പ്രതിഭാഗവും ഹാജരാക്കിയ തെളിവുകള് പരിശോധിച്ചതിന് ശേഷമാണ് മുന്കൂര് ജാമ്യം നല്കിയത്.
മരട് പൊലീസാണ് മുകേഷിനെതിരായ കേസ് രജിസ്റ്റര് ചെയ്തത്. വടക്കാഞ്ചേരി പൊലീസ് സ്റ്റേഷനിലും മുകേഷിനെതിരെ കേസുണ്ട്. ഇടവേള ബാബുവിനെതിരെ എറണാകുളം നോര്ത്ത് പൊലീസാണ് കേസ് രജിസ്റ്റര് ചെയ്തത്. താരങ്ങള് ലൈംഗികമായി ഉപദ്രവിച്ചു എന്നും അധിക്ഷേപിച്ചു എന്നുമുള്ള പരാതിയിലാണ് പൊലീസ് കേസ് രജിസറ്റര് ചെയ്തത്. പ്രതികളെ കസ്റ്റഡിയിലെടുത്ത് ചോദ്യം ചെയ്യേണ്ടത് അനിവാര്യമാണ് എന്ന് പ്രൊസിക്യൂഷന് കോടതിയെ അറിയിച്ചിരുന്നു.
ഈ ഘട്ടത്തില് പ്രതികള്ക്ക് മുന്കൂര് ജാമ്യം നല്കുന്നത് കേസിന്റെ അന്വേഷണത്തെ ബാധിക്കുമെന്നും പ്രോസിക്യൂഷന് ചൂണ്ടിക്കാട്ടിയിരുന്നു. വാദം പൂര്ത്തിയായ സാഹചര്യത്തിലാണ് കോടതി മുന്കൂര് ജാമ്യാപേക്ഷ പരിഗണിച്ചത്. പ്രോസിക്യൂഷനും പ്രതിഭാഗവും ഹാജരാക്കിയ തെളിവുകള് പരിശോധിച്ചതിന് ശേഷമാണ് മുന്കൂര് ജാമ്യം നല്കിയത്.
ആലുവ സ്വദേശിയായ യുവതിയാണ് മുകേഷ്, മണിയന്പിള്ള രാജു, അഡ്വ. ചന്ദ്രശേഖര് അടക്കമുള്ളവര് ലൈംഗികമായി പീഡിപ്പിച്ചുവെന്ന് പരാതി ഉന്നയിച്ചത്. മുന്കൂര് ജാമ്യാപേക്ഷയില് കോടതി വിധി വരുന്നതുവരെ പ്രതികളുടെ അറസ്റ്റ് കോടതി തടഞ്ഞിരുന്നു.
അതിനിടെ മ്യൂസിയം പൊലീസ് രജിസ്റ്റര് ചെയ്ത കേസില് നടന് സിദ്ദിഖിന്റെ മുന്കൂര് ജാമ്യാപേക്ഷയില് ഹൈക്കോടതി അന്വേഷണ സംഘത്തിന്റെ റിപ്പോര്ട്ട് തേടിയിട്ടുണ്ട്. പത്ത് ദിവസത്തിനകം റിപ്പോര്ട്ട് നല്കണമെന്നാണ് പൊലീസിനോട് കോടതി നിര്ദേശിച്ചത്. അതേസമയം ഫോര്ട്ട് കൊച്ചി പൊലീസ് രജിസ്റ്റര് ചെയ്ത കേസില് മണിയന്പിള്ള രാജു നല്കിയ മൂന്കൂര് ജാമ്യാപേക്ഷ സെഷന്സ് കോടതി തീര്പ്പാക്കി.
ജാമ്യം ലഭിക്കാവുന്ന കുറ്റമാണ് മണിയന്പിള്ള രാജുവിനെതിരെ ചുമത്തിയത് എന്നാണ് പ്രോസിക്യൂഷന് കോടതിയെ അറിയിച്ചിരിക്കുന്നത്. തുടര്ന്ന് സ്റ്റേഷനില് ഹാജരായി ജാമ്യം തേടാമെന്ന് കോടതി അറിയിച്ചു. എറണാകുളം നോര്ത്ത് പൊലീസ് രജിസ്റ്റര് ചെയ്ത കേസില് സംവിധായകന് രഞ്ജിത്തിന്റെ മുന്കൂര് ജാമ്യാപേക്ഷ ഹൈക്കോടതി നാളെ പരിഗണിക്കും. കേസില് ജാമ്യം ലഭിക്കാവുന്ന കുറ്റങ്ങളാണ് രഞ്ജിത്തിനെതിരെ ചുമത്തിയത്.
അതേസമയം ചലച്ചിത്ര നയത്തിന്റെ കരട് തയ്യാറാക്കാനുള്ള സമിതിയില്നിന്ന് മുകേഷിനെ ഒഴിവാക്കിയിരുന്നു. മുകേഷിനെ സമിതിയില്നിന്ന് ഒഴിവാക്കണമെന്ന് സിപിഎം. നിര്ദ്ദേശിച്ചതിന് പിന്നാലെയാണ് നടപടി.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google