Click it and Unblock the Notifications
Just In
-
-
-
Don't Miss
-
ഐശ്വര്യ റായി മകള് ആരാധ്യയെ ബോളിവുഡ് പാര്ട്ടികളില് നിന്നും മാറ്റി നിര്ത്തുകയാണ്! കാരണമിത് -
T20 World Cup 2024: റിഷഭും സഞ്ജുവുമല്ല; ധോണി വിക്കറ്റ് കീപ്പറാവണം! കാരണം വീരു പറയുന്നു -
മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ -
ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ് -
35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പോക്സോ കേസുകൾ വർധിക്കുന്നു.. കേരളത്തിൽ തലസ്ഥാന നഗരി ഒന്നാം സ്ഥാനത്ത്.. തൃശൂർ രണ്ടാമത്
തൃശൂര്‍: സംസ്ഥാനത്ത് കുട്ടികള്‍ക്ക് നേരെയുള്ള ലൈംഗിക അതിക്രമങ്ങളില്‍ രണ്ടാം സ്ഥാനത്ത് സാംസ്‌കാരിക തലസ്ഥാനം. കുട്ടികള്‍ക്കെതിരെയുള്ള 845 ലൈംഗികാതിക്രമ കേസുകളാണ് പോക്സോ കോടതിയില്‍ കെട്ടിക്കിടക്കുന്നത്. തിരുവനന്തപുരം ജില്ലയിലാണ് കുട്ടികള്‍ക്കെതിരെ ഏറ്റവും കൂടുതല്‍ ലൈംഗിക അതിക്രമ കേസുകള്‍ റിപ്പോര്‍ട്ട് ചെയ്തിട്ടുള്ളത്. കുട്ടികള്‍ക്കെതിരെയുള്ള അതിക്രമങ്ങളില്‍ രണ്ടാം സ്ഥാനമാണ് തൃശൂരിനുള്ളത്.
തൃശൂര്‍ റൂറല്‍ പോലീസ് ജില്ലയില്‍ 576 കേസുകളും സിറ്റി പരിധിയില്‍ 269 കേസുകളുമാണുള്ളത്. ഓരോ വര്‍ഷവും പോക്സോ കേസുകള്‍ ഭീകരമാം വിധം വര്‍ദ്ധിച്ചു വരുന്നതായാണ് കണക്കുകള്‍ സൂചിപ്പിക്കുന്നത്. 2012ലെ ശിശുദിനത്തിലാണ് പോക്സോ നിയമം പ്രാബല്യത്തില്‍ വന്നത്. 2012ല്‍ തൃശൂര്‍ റൂറലില്‍3 കേസും സിറ്റി പരിധിയില്‍ 10 കേസുകളുമാണ് റിപ്പോര്‍ട്ട് ചെയ്തത്. 2013ല്‍ റൂറല്‍ പരിധിയില്‍ 50 കേസുകളും സിറ്റി പരിധിയില്‍ 24 കേസുകളുമടക്കം 76 കേസുകള്‍ റിപ്പോര്‍ട്ട് ചെയ്യപ്പെട്ടു. 2014ല്‍ റൂറലില്‍ 96 കേസും സിറ്റി പരിധിയില്‍ 45 കേസുകളുമടക്കം 141 കേസുകള്‍ രജിസ്റ്റര്‍ ചെയ്തു.
2015ല്‍ റൂറലില്‍ 99 കേസുകളും സിറ്റിയില്‍ 51 കേസുകളുമടക്കം 150 കേസുകള്‍ റിപ്പോര്‍ട്ട് ചെയ്തു. 2016ല്‍ റൂറലില്‍ 142 കേസുകളും സിറ്റിയില്‍ 49 കേസുകളുമടക്കം 191 കേസുകളായി വര്‍ദ്ധിച്ചു. 2017ല്‍ റൂറല്‍ പരിധിയില്‍ 125 കേസുകളും സിറ്റി പരിധിയില്‍ 61 കേസുകളും റിപ്പോര്‍ട്ട് ചെയ്തു. കഴിഞ്ഞ വര്‍ഷം ആകെ 186 കേസുകള്‍ പോക്സോ കോടതിയിലെത്തി. 2018 മാര്‍ച്ച് വരെ റൂറല്‍ പരിധിയില്‍ 59 കേസുകളും സിറ്റി പരിധിയില്‍ 29 കേസുകളും റിപ്പോര്‍ട്ട് ചെയ്തിട്ടുണ്ട്.
