മുജാഹിദ് സംസ്ഥാന സമ്മേളന വേദിയില് അരലക്ഷം പേരുടെ ജുമുഅ നമസ്കാരം
മലപ്പുറം: മലപ്പുറം കൂരിയാട് നടക്കുന്ന മുജാഹിദ് സംസ്ഥാന സമ്മേളനത്തോടനുബന്ധിച്ചു ഇന്നലെ നടന്ന ജുമഅ നമസ്ക്കാരത്തില് പങ്കെടുത്തത് അരലക്ഷത്തോളം വിശ്വാസികള്. ഉച്ചക്ക് 12.30ന് പ്രധാന പന്തലില് നടന്ന ജുമുഅ നമസ്കാരത്തിലെ ജനപങ്കാളിത്തം ഏറെ ശ്രദ്ധേയമായി. സ്ത്രീകള് ഉള്പ്പെടെയുള്ളവിശ്വാസികളാണ് ജുമുഅ നമസ്കാരത്തില് പങ്കാളികളായത്.
കെ.എന്.എം. സംസ്ഥാന പ്രസിഡണ്ട് ടി.പി. അബ്ദുല്ലക്കോയ മദനി നമസ്കാരത്തിന് നേതൃത്വം നല്കി. വിശ്വാസി സമൂഹം ഖുര്ആനും പ്രവാചക ചര്യയും മുറുകെപ്പിടിച്ച് ജീവിക്കണമെന്ന് അദ്ദേഹം ആഹ്വാനം ചെയ്തു. പരസ്പര വിദ്വേഷവും പകയും നാശത്തിന് മാത്രമേ കാരണമാകൂ. സഹിഷ്ണുതയും സമാധാനവുമാണ് മതങ്ങളുടെ കാതല്. പരസ്പര സ്നേഹം കാത്തുസൂക്ഷിക്കണമെന്ന ഇസ്ലാമിന്റെ സന്ദേശം പ്രയോഗവത്കരിക്കാന് വിശ്വാസികളായ നമുക്ക് ബാധ്യതയുണ്ട്. ഇതരരെ ബഹുമാനിക്കാനും അവരെ സ്നേഹിക്കാനും നമുക്ക് സാധിക്കണം. ഇസ്ലാമിക ആദര്ശങ്ങള് മുറുകെപ്പിടിച്ച് തന്നെ സൗഹാര്ദ്ദത്തോടെ കഴിയാന് വിശ്വാസികള്ക്ക് ബാധ്യതയുണ്ടെന്നും അബ്ദുല്ലക്കോയ മദനി ഓര്മ്മിപ്പിച്ചു.
മുജാഹിദ് സമ്മേളന നഗരയില് നടന്ന അരലക്ഷംപേരുടെ ജുമുഅ നമസ്കാരം.
സാമുദായിക സൗഹാര്ദ്ദം കാത്തുസൂക്ഷിക്കാന് സമൂഹം പ്രതിജ്ഞാബദ്ധരാകണമെന്ന് മുജാഹിദ് സംസ്ഥാന സമ്മേളനത്തിന്റെ ഭാഗമായി വെള്ളിയാഴ്ച രാവിലെ നടന്ന ഖുര്ആന് സമ്മേളനം ആഹ്വാനം ചെയ്തു. വര്ഗീയതയും തീവ്രവാദ നിലപാടുകളും നാടിന്റെ സമാധാനം തകര്ക്കും. വ്യത്യസ്ത മത വിഭാഗങ്ങളുമായി അടുത്ത് ഇടപഴകി തെറ്റുദ്ധാരണകള് അകറ്റണമെന്നും ആരാധനകളും ആഘോഷങ്ങളും അപരന്റെ സ്വാസ്ഥ്യം കെടുത്തുന്ന വിപത്തിലേക്ക് വഴിമാറരുതെന്നും സമ്മേളനം ആഹ്വാനം ചെയ്തു.
ഖുര്ആന് സമ്മേളനം പ്രധാന പന്തലില് മൗലാനാ അബ്ദുല്ഗനി ഹൈദരാബാദ് ഉദ്ഘാടനം ചെയ്തു. കെ.എന്.എം. സെക്രട്ടറി അബ്ദുറഹ്മാന് മദനി പാലത്ത് അദ്ധ്യക്ഷതവഹിച്ചു. പ്രൊഫ. മായിന്കുട്ടി സുല്ലമി, പ്രൊഫ. എന്.വി. അബ്ദുറഹ്മാന്, ഡോ. ജമാലുദ്ദീന് ഫാറൂഖി, എന്.എ.എം. ഇസ്ഹാഖ് മൗലവി, ഉബൈദുല്ല താനാളൂര്, എ. കുഞ്ഞാലന്കുട്ടി മദനി പ്രസംഗിച്ചു.
'സഹിഷ്ണുത' വേദിയില് സംഘടിപ്പിച്ച ഭിന്നശേഷിക്കാരുടെ സംഗമം പുതുമ ഉണര്ത്തി. 'തണലൊരുക്കുക കരുത്തു പകരുക' എന്ന ശീര്ഷകത്തിലാണ് ഭിന്നശേഷിക്കാര് ഒത്തുചേര്ന്നത്. മുതിര്ന്ന മാധ്യമ പ്രവര്ത്തകന് സീതി കെ. വയലാര് ഉദ്ഘാടനം ചെയ്തു. അബൂ പാറാട് അദ്ധ്യക്ഷതവഹിച്ചു. ഡോ. കെ.എം.മുസ്തഫ, ഡോ. പി. അബ്ദുസ്സലഫി, ബഷീര് അഹമ്മദ്, പി.എല്.കെ. അബ്ദുറസാഖ്, പി. ഫജറുസ്സാദിഖ്, മുസ്തഫ മദനി പുളിക്കല് പ്രസംഗിച്ചു.
ഹദീസ് സമ്മേളനം മൗലാനാ അബൂസഹ്ബാന് റൂഹുല് ഖുദ്സ് നദ്വി ലക്നൗ ഉദ്ഘാടനം ചെയ്തു. മുഹ്യുദ്ദീന് മദനി അദ്ധ്യക്ഷതവഹിച്ചു. കെ. നാസര് സുല്ലമി, പ്രൊഫ. പി. മൂസ മൗലവി, പ്രൊഫ. കെ.പി. സകരിയ്യ, ഹദ്യത്തുല്ല സലഫി പ്രസംഗിച്ചു.
നവോത്ഥാന സമ്മേളനം മുന് കേന്ദ്ര മന്ത്രി സല്മാന് ഖുര്ഷിദ് ഉദ്ഘാടനം ചെയ്തു. ഡോ. ഇ.കെ. അഹ്മദ്കുട്ടി അദ്ധ്യക്ഷംവഹിച്ചു. ഡോ. എം.ജി.എസ്. നാരായണന്, പി. ഉബൈദുല്ല എം.എല്.എ, പി.ടി.എ. റഹീം എം.എല്.എ, കെ.എന്.എം സെക്രട്ടറി ഡോ. സുല്ഫിക്കര് അലി, ഡോ. ഇ.കെ. ഫസലുറഹ്മാന്, പി.എം.എ. ഗഫൂര്, ശഫീഖ് അസ്ലം പ്രസംഗിച്ചു.
സാംസ്കാരിക സമ്മേളനം മുന് മഹാരാഷ്ട്ര ഗവര്ണര് കെ. ശങ്കരനാരായണന് ഉദ്ഘാടനം ചെയ്തു. ഡോ. എ.എ. ബഷീര് കണ്ണൂര് അദ്ധ്യക്ഷതവഹിച്ചു. കെ.എം. ഷാജി എം.എല്.എ, ടി.വി. ഇബ്രാഹീം എം.എല്.എ, എ.പി. അനില്കുമാര് എം.എല്.എ, മുസ്തഫ തന്വീര്, കെ.കെ. രാമകൃഷ്ണന്, പി. സുരേന്ദ്രന്, കെ.പി. രാമനുണ്ണി, പി. ഹംസ സുല്ലമി, നാസര് മുണ്ടക്കയം പ്രസംഗിച്ചു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google