'പ്രേമം' ചോര്‍ന്നത് അണിയറക്കാരില്‍ നിന്ന് തന്നെ? ആളെ കണ്ടെത്തി?

Updated: Sunday, July 19, 2015, 13:40 [IST]

തിരുവനന്തപുരം: 'പ്രേമം' സിനിമ ചോര്‍ന്നത് സംബന്ധിച്ചുള്ള അന്വേഷണത്തില്‍ അണിയറക്കാരെ അനാവശ്യമായി സംശയിക്കരുതെന്നായിരുന്നു ചിത്രത്തിന്റെ നിര്‍മാതാവ് അന്‍വര്‍ റഷീദും സംവിധാ.കന്‍ അല്‍ഫോണ്‍സ് പുത്രനും പറഞ്ഞിരുന്നത്. എന്നാലിപ്പോള്‍ കാര്യങ്ങള്‍ കൈവിട്ട് പോയിക്കൊണ്ടിരിയ്ക്കുകയാണെന്നാണ് റിപ്പോര്‍ട്ടുകള്‍.

സിനിമ ചോര്‍ന്നത് അണിയറക്കാരില്‍ നിന്ന് തന്നെയാണെന്ന് ആന്റി പൈറസി സെല്‍ കണ്ടെത്തിയെന്നാണ് മനോരമഓണ്‍ലൈന്‍ റിപ്പോര്‍ട്ട് ചെയ്യുന്നത്. ഹാര്‍ഡ് ഡിസ്‌കില്‍ നിന്നാണ് സിനിമ പുറത്ത് പോയത്. ആ ഹാര്‍ഡ് ഡിസ്‌കും കണ്ടെടുത്തിട്ടുണ്ടത്രെ.

എഡിറ്ററെ കണ്ടെത്തി

സിനിമയുടെ സെന്‍സര്‍ കോപ്പിയുടെ ഭാഗങ്ങള്‍ കൂട്ടി ചേര്‍ത്ത എഡിറ്ററെ പോലീസ് കണ്ടെത്തിയിട്ടുണ്ടെന്നാണ് റിപ്പോര്‍ട്ട്.

ചോര്‍ന്ന വഴിയും

എങ്ങനെയാണ് സിനിമ ചോര്‍ന്ന് വാട്‌സ് ആപ്പിലും ഇന്റര്‍നെറ്റിലും എത്തിയത്..? ഇക്കാര്യവും പോലീസിന് കണ്ടെത്താനായിട്ടുണ്ടത്രെ.

ഡിവിഡികള്‍

സെന്‍സര്‍ ബോര്‍ഡിന് നല്‍കാനായി തയ്യാറാക്കിയ രണ്ട് ഡിവിഡികളില്‍ ഒരെണ്ണം നശിപ്പിയ്ക്കപ്പെട്ടിട്ടുണ്ട്.

ഹാര്‍ഡ് ഡിസ്‌കില്‍ നിന്ന്

സെന്‍സറിങ്ങിന് ശേഷം ഡിവിഡി ഹാര്‍ഡ് ഡിസ്‌കിലേയ്ക്ക് ആണ് പകര്‍ത്തിയത്. ഈ ഹാര്‍ഡ് ഡിസ്‌കില്‍ നിന്നാണ് സിനിമ ചോര്‍ന്നത്.

ആളെ കണ്ടെത്തി

ഡിവിഡി നശിപ്പിച്ച ആളേയും സെന്‍സര്‍ ചെയ്ത സിനിമ ഡിവിഡിയില്‍ നിന്ന് ഹാര്‍ഡ് ഡിസ്‌കിലേയ്ക്ക് പകര്‍ത്തിയ ആളേയും ഒക്കെ കണ്ടെത്തിയിട്ടുണ്ടത്രെ. എന്നാല്‍ ഇയാളെ സംബന്ധിച്ച വിവരങ്ങള്‍ പുറത്ത് വിട്ടിട്ടില്ല.