Click it and Unblock the Notifications
Just In
Don't Miss
-
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മകളെ സർക്കാർ സ്കൂളിൽ ചേർത്ത സ്വകാര്യ സ്കൂൾ അദ്ധ്യാപികയോട് മാനേജ്മെന്റ് ചെയ്തത്! സംഭവം കോട്ടയത്ത്..
ഏറ്റുമാനൂർ സെന്റ് ജോർജ് ഇംഗ്ലീഷ് സ്കൂളിലെ അദ്ധ്യാപികയായ സുഷമയെയാണ് മകളെ സർക്കാർ സ്കൂളിൽ ചേർത്തതിന്റെ പേരിൽ ജോലിയിൽ നിന്നും പിരിച്ചുവിട്ടത്.
കോട്ടയം: പൊതുവിദ്യാലയങ്ങളിലേക്ക് കൂടുതൽ വിദ്യാർത്ഥികൾ എത്തിയ ഈ അദ്ധ്യയന വർഷം,മകളെ സർക്കാർ സ്കൂളിൽ ചേർത്തതിന്റെ പേരിൽ അമ്മയ്ക്ക് ജോലി നഷ്ടമായി. കോട്ടയം ഏറ്റുമാനൂരിലാണ് മകളെ സർക്കാർ സ്കൂളിൽ ചേർത്ത സ്വകാര്യ സ്കൂൾ അദ്ധ്യാപികയായ അമ്മയുടെ ജോലി തെറിച്ചത്.
ഏറ്റുമാനൂർ സെന്റ് ജോർജ് ഇംഗ്ലീഷ് സ്കൂളിലെ അദ്ധ്യാപികയായ സുഷമയെയാണ് മകളെ സർക്കാർ സ്കൂളിൽ ചേർത്തതിന്റെ പേരിൽ ജോലിയിൽ നിന്നും പിരിച്ചുവിട്ടത്. 15 വർഷമായി സെന്റ് ജോർജ് സ്കൂളിലെ അദ്ധ്യാപികയാണ് സുഷമ. ഇവിടെ പഠിച്ചിരുന്ന മകളെ ഈ വർഷമാണ് സമീപത്തെ സർക്കാർ സ്കൂളിൽ ഏഴാം ക്ലാസിൽ ചേർത്തത്.
ഇതിനുശേഷം സ്കൂളിലെത്തിയപ്പോഴാണ് സുഷമയെ തടഞ്ഞത്. മകളെ തിരികെ സ്കൂളിൽ ചേർത്തതിന് ശേഷം മാത്രം ജോലിയിൽ പ്രവേശിച്ചാൽ മതിയെന്നായിരുന്നു മാനേജ്മെന്റ് അധികൃതർ അറിയിച്ചത്. തുടർന്ന് സുഷമ വിദ്യാഭ്യാസ മന്ത്രിക്കും മറ്റു വിദ്യാഭ്യാസ വകുപ്പ് ഉദ്യോഗസ്ഥർക്കും പരാതി നൽകുകയായിരുന്നു.
എന്നാൽ സുഷമയുടെ ആരോപണങ്ങളെല്ലാം സെന്റ് ജോർജ് സ്കൂൾ മാനേജ്മെന്റ് നിഷേധിച്ചു. 15 വർഷമായി അദ്ധ്യാപികയായി ജോലി ചെയ്തിരുന്ന സുഷമ ജോലിയിൽ നിന്നും സ്വമേധയാ പിരിഞ്ഞുപോകുകയായിരുന്നുവെന്നാണ് സ്കൂളിന്റെ വാദം. കോട്ടയം ഗവൺമെന്റ് കോളേജ് ലൈബ്രറി അസിസ്റ്റന്റും എൻജിഒ യൂണിയൻ ജില്ലാ കൗൺസിൽ അംഗവുമായ പിഡി പൊന്നപ്പന്റെ ഭാര്യയായ സുഷമ വിദ്യാഭ്യാസ മന്ത്രിയിൽ നിന്നും അനുകൂല നടപടിയുണ്ടാകുമെന്ന പ്രതീക്ഷയിലാണ്.
