Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കൊച്ചിയില്‍ റിട്ട. പോലീസ് ഉദ്യോഗസ്ഥന്റെ ഡിറ്റക്ടീവ് ഏജന്‍സിയുടെ മറവില്‍ സമാന്തര പോലീസ്
കൊച്ചി: കൊച്ചിയില്‍ വിരമിച്ച പോലീസ് ഉദ്യോഗസ്ഥന്‍ നടത്തുന്ന ഡിറ്റക്ടീവ് ഏജന്‍സിയുടെ മറവില്‍ സമാന്തര പോലീസ് സംവിധാനം പ്രവര്‍ത്തിക്കുന്നതായി സര്‍ക്കാര്‍. ഡിജിപി ഹൈക്കോടതിയില്‍ നല്‍കിയ റിപ്പോര്‍ട്ടിലാണ് മുന്‍ എസ്പി സുനില്‍ ജേക്കബിന്റെ നേതൃത്വത്തില്‍ എറണാകുളം സെന്‍ട്രല്‍ പൊലീസ് അസിസ്റ്റന്റ് കമ്മിഷണറുടെ ഓഫിസിന് എതിര്‍വശത്ത് നിയമവിരുദ്ധ പ്രവര്‍ത്തനം നടക്കുന്നതായി ചൂണ്ടിക്കാട്ടിയിരിക്കുന്നത്.
തന്റെ ഓഫീസിന് ഭീഷണിയുണ്ടെന്നും റെയ്ഡ് നടത്താന്‍ ശ്രമിക്കുന്നതായും കാട്ടി സുനില്‍ ജേക്കബ് ഹൈക്കോടതിയെ സമീപിച്ചിരുന്നു. ഇതേ തുടര്‍ന്ന് കോടതി സര്‍ക്കാരിനോട് വിശദീകരണം ആവശ്യപ്പെടുകയുണ്ടായി. സുനിലിന്റെ ഈ സ്ഥാപനത്തിനെതിരെ ലഭിച്ച ചില അനൗപചാരിക പരാതികളുടെ അടിസ്ഥാനത്തില്‍ ഡിജിപിയുടെ വിജിലന്‍സ് സംഘം അന്വേഷണം നടത്തിയാണ് കോടതിക്ക് വിശദീകരണം നല്‍കിയിരിക്കുന്നത്.
ഇന്‍വിന്‍സിബിള്‍ സ്‌പൈ ഇന്‍വെസ്റ്റിഗേഷന്‍ എന്ന പേരിലുള്ള ഡിറ്റക്ടീവ് ഏജന്‍സിയുടെ മറവില്‍ സുനില്‍ ജേക്കബ് നിയമവിരുദ്ധ പ്രവര്‍ത്തനങ്ങല്‍ നടത്തുന്നതായി റിപ്പോര്‍ട്ടില്‍ വ്യക്തമാക്കിയിട്ടുണ്ട്. അസിസ്റ്റന്റ് കമ്മീഷണറുടെ ഓഫീസിന് എതിര്‍വശത്തായതിനാല്‍ കമ്മീഷണര്‍ക്ക് ലഭിക്കുന്ന പരാതികളില്‍ പരാതിക്കാരെ വിളിച്ചുവരുത്തി ഭീഷണിപ്പെടുത്തി പണം തട്ടുന്നുണ്ടെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.
തന്റെ മുന്‍ സ്വാധീനം ഉപയോഗിച്ച് ചില പോലീസുകാരില്‍ നിന്നാണ് സുനില്‍ ജേക്കബ് പരാതിക്കാരുടെ വിശദാംശങ്ങള്‍ സംഘടിപ്പിക്കുന്നത്. ഇതേതുടര്‍ന്ന് മൂന്ന് പോലീസുകാരെ സെന്‍ട്രല്‍ അസിസ്റ്റന്റ് കമ്മിഷണറുടെ ഓഫിസില്‍ നിന്നും സ്ഥലം മാറ്റുകയും ചെയ്തിരുന്നു. സുനില്‍ ജേക്കബിന് ഗുണ്ടാനേതാക്കളുമായി ബന്ധമുണ്ടെന്നും ഡിജിപി റിപ്പോര്‍ട്ടില്‍ വ്യക്തമാക്കിയിട്ടുണ്ട്.
