വിഎസിന്റെ മകന് 70 ലക്ഷം നല്കിയെന്ന് സന്തോഷ് മാധവന്
തിരുവനന്തപുരം: പ്രതിപക്ഷ നേതാവ് വിഎസ് അച്യുതാനന്ദന്റെ മകന് വിഎ അരുണ് കുമാറിന് താന് 70 ലക്ഷം രൂപ കൈമാറിയതായി വിവാദ സ്വാമി സന്തോഷ് മാധവന്. ക്രൈം ബ്രാഞ്ചിന്റെ ചോദ്യം ചെയ്യലിലാണ് സന്തോഷ് മാധവന് ഇക്കാര്യം പറഞ്ഞത്. അരുണിന് പണം നല്കിയതിന്റെ തെളിവുകള് തന്റെ പക്കലുണ്ടെന്നും സന്തോഷ് മാധവന്.
അരുണ് കുമാറിനെതിരായ പരാതിയില് പൂജപ്പുര സെന്ട്രല് ജയിലിലെത്തിയാണ് ക്രൈംബ്രാഞ്ച് സന്തോഷ് മാധവന്റെ മൊഴിയെടുത്തത്. പാടം നികത്താന് അനുമതി നല്കാമെന്ന് പറഞ്ഞ് തന്റെ കൈയ്യില് നിന്നും പണം തട്ടിയെടുത്തെന്ന സന്തോഷ് മാധവന്റെ പരാതിയിലാണ് ചോദ്യം ചെയ്യല്. ക്രൈം ബ്രാഞ്ച് സിഐ അനില് കുമാറിന്റെ നേതൃത്വത്തിലുള്ള സംഘമാണ് സന്തോഷ് മാധവനെ ചോദ്യം ചെയ്തത്.
2011 ലാണ് അരുണ്കുമാറിനെതിരെ സന്തോഷ് മാധവന് പരാതി നല്കുന്നത്. മുഖ്യമന്ത്രിയ്ക്കാണ് പരാതി നല്കിയിരുന്നത്. വൈക്കത്തിനടിുത്ത് പാടശേഖരം നികത്താന് അനുമതി നല്ാകമെന്ന പറഞ്ഞത് 80 ലക്ഷം രൂപ തട്ടിയെടുത്തെന്നായിരുന്നു പരാതി. കേസ് ആദ്യം അന്വേഷിച്ചത് വിജിലന്സ് ആയിരുന്നെങ്കിലും പിന്നീട് ക്രൈംബ്രാഞ്ചിന് കേസ് കൈമാറുകയായിരുന്നു.