ആരോപണം അതീവ ഗൗരവം; പോക്സോ കേസില് മോന്സണ് മാവുങ്കലിന് ജാമ്യം നിഷേധിച്ച് സുപ്രീം കോടതി
കൊച്ചി: പുരാവസ്തു തട്ടിപ്പ് കേസിലെ പ്രതി മോണ്സണ് മാവുങ്കലിന് പോക്സോ കേസില് ജാമ്യം നിഷേധിച്ച് സുപ്രീം കോടതി. മോന്സണ് എതിരായ ആരോപണങ്ങള് ഗൗരവമേറിയതാണ് എന്നും ജാമ്യം അനുവദിക്കാന് ആകില്ലെന്നും സുപ്രീം കോടതി നിരീക്ഷിച്ചു. ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചിന്റേതാണ് നിരീക്ഷണം.
ഇതോടെ മോന്സണ് മാവുങ്കല് ഹര്ജി പിന്വലിച്ചു. പോക്സോ കേസ് ഉള്പ്പെടെ മൂന്ന് ലൈംഗിക പീഡന കേസുകള് മോന്സണ് മാവുങ്കലിനെതിരെ ഉണ്ട്. നേരത്തെ ഹൈക്കോടതിയും മോന്സണ് മാവുങ്കലിന് ജാമ്യം നിഷേധിച്ചിരുന്നു. തുടര്ന്നാണ് മോന്സണ് മാവുങ്കല് അപ്പീലുമായി സുപ്രീം കോടതിയില് എത്തിയത്.
പീഡനം നടന്നു എന്ന് പരാതിപ്പെടുന്ന കാലത്ത് ഇരക്ക് പ്രായപൂര്ത്തിയായിരുന്നു എന്നും കെട്ടിച്ചമച്ച കേസാണ് എന്നുമാണ് മോണ്സണ് മാവുങ്കല് കോടതിയില് വാദിച്ചത്. എന്നാല് ഈ വാദം കോടതി അംഗീകരിച്ചിരുന്നില്ല. പീഡന കേസുകള് ക്രൈംബ്രാഞ്ച് കെട്ടിച്ചമച്ചതാണ് എന്നാണ് മോന്സണ് പറഞ്ഞത്. കേസിലെ സാക്ഷികളെ സ്വാധീനിക്കുമെന്ന് ആരോപിച്ചാണ് ജാമ്യം ഹൈക്കോടതി നിഷേധിച്ചതെന്ന് മോന്സണ് മാവുങ്കലിന്റെ അഭിഭാഷകന് രഞ്ജിത് മാരാര് കോടതിയില് ചൂണ്ടിക്കാട്ടി.
പതിനെട്ട് സാക്ഷികളുടെ വിചാരണ ഇതിനോടകം പൂര്ത്തിയായിട്ടുണ്ടെന്നും അതിനാല് ജാമ്യം അനുവദിക്കണമെന്നും അദ്ദേഹം പറഞ്ഞു. തന്നെ ജയിലില് തന്നെ കിടത്താന് ഉന്നത ഗൂഢാലോചന നടക്കുന്നുണ്ട് എന്നും കേരള പൊലീസില് അടക്കം സ്വാധീനമുള്ള ഒരു വനിതയാണ് കേസുകള്ക്ക് പിന്നിലെന്നും മോന്സണ് ആരോപണം ഉന്നയിച്ചിരുന്നു. പോക്സോ കേസിലെ പരാതിക്കാരിയുടെ മൊഴിയില് പൊരുത്തക്കേടുണ്ട് എന്നും മോന്സണ് പറഞ്ഞു.
പീഡനത്തിന് ഇരയായ പെണ്കുട്ടിയുടെ മാതാവും, സഹോദരനും മോന്സന്റെ ജീവനക്കാര് ആയിരുന്നുവെന്ന് ചന്ദ്രചൂഡ് ചൂണ്ടിക്കാട്ടി. നിരന്തരം പെണ്കുട്ടിയെ പീഡിപ്പിച്ച മോണ്സന് ജാമ്യം അനുവദിക്കാന് ആകില്ലെന്നും കോടതി വ്യക്തമാക്കി.
കൊച്ചി നോര്ത്ത് പൊലീസാണ് മോന്സണെതിരെ കേസെടുത്തത്. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചെന്ന പരാതിയില് ആയിരുന്നു കേസ്. തുടര് വിദ്യാഭ്യാസത്തിന് സഹായം വാഗ്ദാനം ചെയ്ത് കലൂരിലെ വീട്ടില് വച്ച് മോന്സണ് പീഡിപ്പിച്ചു എന്നാണ് പരാതി.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google