ശബരിമലയിൽ സ്ത്രീകളെ പ്രവേശിപ്പിക്കണമെന്ന് സുപ്രീം കോടതി; ശാരിരിക അവസ്ഥയുടെ പേരിൽ വിവേചനം പാടില്ല

ദില്ലി: ശബരിമലയിൽ പ്രായഭേദമന്യേ സ്ത്രീകൾക്ക് പ്രവേശനം അനുവദിക്കണമെന്ന് സുപ്രീം കോടതി. പന്ത്രണ്ട് വർഷത്തെ നിയമപോരാട്ടത്തിനൊടുവിലാണ് സുപ്രീംകോടതിയുടെ ചരിത്രവിധി. ശാരിരിക അവസ്ഥകളുടെ പേരിൽ സ്ത്രീകളോട് വിവേചനം പാടില്ല, അയ്യപ്പ വിശ്വാസികൾ പ്രത്യേക മതവിഭാഗമല്ലെന്നും കോടതി നിരീക്ഷിച്ചു.

ഭരണഘടനയുടെ 25ാം വകുപ്പ് ഉറപ്പാക്കുന്ന അവകാശങ്ങൾ‌ക്ക് ജൈവീക, മാനസിക ഘടകങ്ങൾ തടസ്സമല്ലെന്ന് കോടതി നിരീക്ഷിച്ചു. മതത്തിലെ പുരുഷാധിപത്യം വിശ്വാസത്തിന്റെ പേരിൽ അടിച്ചേൽപ്പിക്കരുതെന്നും വിശ്വാസത്തിൽ തുല്യതയാണ് വേണ്ടതെന്നും കോടതി വ്യക്തമാക്കി.

കേസ് പരിഗണിച്ച സുപ്രീം കോടതിയിലെ ഭരണഘടനാ ബെഞ്ചില്‍ നാല് പുരുഷ ജഡ്ജിമാരും ഒരു വനിതാ ജഡ്ജിയുമാണ് ഉള്‍പ്പെട്ടിരുന്നത്. ദീപക് മിശ്ര ഉൾപ്പെടെയുള്ള പുരുഷ ജഡ്ജിമാർ സ്ത്രീ പ്രവേശനത്തിൽ അനുകൂല നിലപാടെടുത്തപ്പോൾ ഇന്ദു മൽഹോത്ര സ്ത്രീപ്രവേശനത്തോട് വിയോജിച്ചു.

English summary

congress leader therambil ramakrishnan may join bjp