ആർ ശ്രീലേഖയുടെ ആരോപണം സഭയിലുയർത്തി തിരുവഞ്ചൂർ, ഈ സർക്കാരിനെ പരാമർശിച്ചിട്ടില്ലെന്ന് പിണറായി
തിരുവനന്തപുരം: മുന് ഡിജിപി ആര് ശ്രീലേഖയുടെ ആരോപണങ്ങള് നിയമസഭയില് ഉയര്ത്തി തിരുവഞ്ചൂര് രാധാകൃഷ്ണന്. കേരള പോലീസിനെതിരെ ഗുരുതരമായ ആരോപണങ്ങള് ആണ് ആര് ശ്രീലേഖ മനോരമ ന്യൂസ് ചാനലിലെ നേരെ ചൊവ്വേ എന്ന അഭിമുഖ പരിപാടിയില് ഉന്നയിച്ചത്. സര്വ്വീസിലുണ്ടായിരുന്ന കാലത്തെ ദുരനുഭവങ്ങള് വെളിപ്പെടുത്തിയതിനൊപ്പം കേരള പോലീസില് വനിതാ ഉദ്യോഗസ്ഥര്ക്ക് ലൈംഗിക അതിക്രമം ഉള്പ്പെടെ നേരിടേണ്ടി വരുന്നതായി ആര് ശ്രീലേഖ ആരോപിച്ചിരുന്നു.
വനിത ആയിരുന്നത് കൊണ്ട് അപമാനം സഹിച്ചാണ് കേരളപോലീസില് ഇരുന്നത് എന്ന് ആര് ശ്രീലേഖ പറഞ്ഞതായി തിരുവഞ്ചൂര് സഭയില് വ്യക്തമാക്കി. പോലീസ് സ്റ്റേഷന് അകത്ത് പോലും മനസ്സമാധാനം ഇക്കാലത്ത് ഇല്ലെന്നും തിരുവഞ്ചൂര് പറഞ്ഞു.
ആര് ശ്രീലേഖ തന്നെ അതൃപ്തി അറിയിച്ചിട്ടില്ലെന്ന് മുഖ്യമന്ത്രി പിണറായി വിജയന് തിരുവഞ്ചൂര് രാധാകൃഷ്ണന് മറുപടി നല്കി. പോലീസില് എന്തെങ്കിലും തെറ്റായ നടപടികള് ഉണ്ടെന്ന് തന്റെ അടുത്ത് ആര് ശ്രീലേഖ ഒരിക്കലും പരാതി പറഞ്ഞിട്ടില്ല. അവര്ക്ക് ഉളള ആഗ്രഹങ്ങള് പറഞ്ഞിട്ടുണ്ട്. എപ്പോഴാണ് ദുരനുഭവം ഉണ്ടായത് എന്ന് അവര് തന്നെ പറയണം. ഈ സര്ക്കാരിനെയോ മുന് സര്ക്കാരിനെയോ അഭിമുഖത്തില് ആര് ശ്രീലേഖ പരാമര്ശിച്ചിട്ടില്ലെന്നും തിരുവഞ്ചൂര് രാധാകൃഷ്ണന് ആഭ്യന്തര മന്ത്രി സ്ഥാനത്ത് ഇരുന്നപ്പോഴും ആര് ശ്രീലേഖ സര്വീസില് ഉണ്ടെന്നും മുഖ്യമന്ത്രി മറുപടി നല്കി.
പോലീസ് സ്റ്റേഷനുകളില് ഏതെങ്കിലും തരത്തിലുളള ക്രമസമാധാന പ്രശ്നമില്ല. തിരുവഞ്ചൂര് നല്ല ഭാവനയുളള ആളാണ്. ആ ഭാവനയുടെ ഭാഗമായി ചിലത് സംഭവിക്കാന് പോവുകയാണോ എന്ന് സംശയിക്കുകയാണ്. പോലീസിന്റെ കാര്യത്തില് ആശങ്ക വേണ്ടെന്നും നീതി എല്ലാ തരത്തിലും നടപ്പിലാക്കപ്പെടും എന്നും മുഖ്യമന്ത്രി നിയമസഭയില് പറഞ്ഞു.
ആർ ശ്രീലേഖയുടെ വെളിപ്പെടുത്തലിൽ അന്വേഷണം വേണമെന്ന് കോൺഗ്രസ് എംപി ശശി തരൂർ കഴിഞ്ഞ ദിവസം ആവശ്യപ്പെട്ടിരുന്നു. ആർ ശ്രീലേഖയുടേത് ഗുരുതരമായ ഒരു ആരോപണമാണ് എന്ന് ശശി തരൂർ ചൂണ്ടിക്കാട്ടി. ''ഒരു നിഷ്പക്ഷമായ അന്വേഷണം ഈ വിഷയത്തിൽ വേണമെന്നാണ് ഞാൻ നിർദേശിക്കുന്നത്. ഇതിൽ രാഷ്ട്രീയമില്ല; ഇത് നമ്മുടെ പോലീസ് സേനയുടെ വിശ്വാസ്യതയുടെയും ധാർമികതയുടെയും പ്രശ്നമാണ്. മാത്രവുമല്ല, സ്ത്രീകൾക്ക് സുരക്ഷിതമായ പ്രവർത്തിക്കാനുള്ള അന്തരീക്ഷവും, പോലീസിൽ നിന്ന് സഹായം വേണ്ട സാഹചര്യത്തിൽ സ്ത്രീകളുടെ സുരക്ഷിതത്വം ഉറപ്പ് വരുത്താനും ഇത് അത്യാവശ്യമാണ്'' എന്നും ശശി തരൂർ വ്യക്തമാക്കി.
Recommended Video
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google