15കാരിക്ക് ട്രിക്കോബെസോര്! അകത്താക്കിയത് രണ്ടു കിലോ തലമുടി! സംഭവം തിരുവനന്തപുരത്ത്...
ഏതാനും ദിവസങ്ങള്ക്ക് മുന്പാണ് തമിഴ്നാട് കന്യാകുമാരി സ്വദേശിനിയായ പതിനഞ്ചുകാരിയെ തിരുവനന്തപുരം കിംസ് ആശുപത്രിയില് പ്രവേശിപ്പിച്ചത്.
തിരുവനന്തപുരം: പ്ലസ് വണ് വിദ്യാര്ത്ഥിനിയായ 15കാരിയുടെ വയറ്റില് നിന്ന് പുറത്തെടുത്തത് രണ്ട് കിലോ തലമുടി. തിരുവനന്തപുരം കിംസ് ആശുപത്രിയില് നടത്തിയ അപൂര്വ്വ ശസ്ത്രക്രിയയിലൂടെയാണ് പെണ്കുട്ടിയുടെ വയറ്റില് നിന്നും രണ്ട് കിലോ തലമുടി പുറത്തെടുത്തത്.
മൂന്നു മണിക്കൂറോളം നീണ്ടുനിന്ന ശസ്ത്രക്രിയയ്ക്ക് കിംസ് ആശുപത്രിയിലെ ഡോക്ടര്മാരായ ഷാഫി അലി ഖാന്, ലിജു വര്ഗിസ്, ജേക്കബ് ജോണ് തിയോഫിലിയസ്, ഇര്ഷാദ് എന്നിവര് നേതൃത്വം നല്കി. ഏതാനും ദിവസങ്ങള്ക്ക് മുന്പാണ് തമിഴ്നാട് കന്യാകുമാരി സ്വദേശിനിയായ പതിനഞ്ചുകാരിയെ തിരുവനന്തപുരം കിംസ് ആശുപത്രിയില് പ്രവേശിപ്പിച്ചത്.
ഒരു അസുഖവുമുണ്ടായിരുന്നില്ല....
പഠനത്തില് മികവു പുലര്ത്തിയിരുന്ന പ്ലസ് വണ് വിദ്യാര്ത്ഥിനിയെ ഏതാനും ദിവസങ്ങള്ക്ക് മുന്പാണ് തിരുവനന്തപുരം കിംസ് ആശുപത്രിയിലെത്തിച്ചത്. തമിഴ്നാട് കന്യാകുമാരി സ്വദേശിനിയായ പെണ്കുട്ടിക്ക് ഇതിനു മുന്പ് കാര്യമായ മറ്റു അസുഖങ്ങളൊന്നും ഉണ്ടായിരുന്നില്ല.
വയറുവേദന...
കഠിനമായ വയറുവേദന, വിശപ്പില്ലായ്മ, തുക്കക്കുറവ്, ഛര്ദ്ദി, തുടങ്ങിയ രോഗങ്ങളുമായാണ് പെണ്കുട്ടിയെ കിംസ് ആശുപത്രിയില് പ്രവേശിപ്പിച്ചത്. സാധാരണരീതിയില് എന്തെങ്കിലും ചെറിയ ശാരീരിക അസ്വസ്ഥതകളാകുമെന്നാണ് വീട്ടുകാരും കരുതിയിരുന്നത്.
വയറില് മുഴ...
കിംസ് ആശുപത്രിയില് നടത്തിയ പരിശോധനയിലാണ് പെണ്കുട്ടിയുടെ വയറ്റില് ഒരു വലിയ മുഴയുണ്ടെന്ന് കണ്ടെത്തിയത്. എന്നാല് ഇതെന്താണെന്ന് ആദ്യം വ്യക്തമായിരുന്നില്ല. ഇതിനിടെ പെണ്കുട്ടിയുടെ ഹീമോഗ്ലോബിന്, പ്ലേറ്റ്ലെറ്റ് എന്നിവ കുറവാണെന്നും പരിശോധനയില് വ്യക്തമായി. ഇമ്യൂണ് ത്രോംബൊസൈറ്റോപീനിക് പര്പ്യൂറ എന്ന വിരളമായ അവസ്ഥയാണ് രക്തകോശങ്ങള് കുറയാന് കാരണമെന്നും ഡോക്ടര്മാര് കണ്ടെത്തി.
സിടി സ്കാന്...
ഇതിനിടെ പെണ്കുട്ടിക്ക് അപ്പര് ജിഐ എന്ഡോസ്കോപ്പി ചെയ്യാന് ശ്രമിച്ചെങ്കിലും വലിയ മുഴയുടെ സാന്നിദ്ധ്യം പരാജയപ്പെട്ടു. തുടര്ന്ന് സിടി സ്കാന് നടത്തിയപ്പോഴാണ് അത്യാവശ്യം വലിപ്പത്തിലുള്ള വലിയ മുഴ വയറിനുള്ളില് നിന്നും പുറത്തേക്ക് തള്ളിനില്ക്കുന്നതായി ശ്രദ്ധയില്പ്പെട്ടത്. ഇതോടെയാണ് പെണ്കുട്ടിയെ എത്രയും പെട്ടെന്ന് ശസ്ത്രക്രിയയ്ക്ക് വിധേയമാക്കാന് ഡോക്ടര്മാര് നിര്ദേശിച്ചത്.
അപൂര്വ്വം...
തലമുടിയുടെ വലിയ ഒരു മുഴ വയറിലോ, കുടലിലോ കാണപ്പെടുന്ന ട്രിക്കോബെസോര് എന്ന അത്യപൂര്വ്വ അവസ്ഥയാണിതെന്ന് ഡോക്ടര്മാര് വ്യക്തമാക്കി. പെണ്കുട്ടിക്കോ, അമ്മയ്ക്കോ ഓര്ത്തെടുക്കാന് സാധിക്കാത്ത ഒരു സ്വഭാവവൈകല്യമായ സ്വന്തം തലമുടി കടിക്കുക എന്നതുമൂലമാണ് ഇങ്ങനെ സംഭവിച്ചത്.
ശസ്ത്രക്രിയ...
രക്തക്കുറവ് ശരിയാക്കിയ ശേഷമാണ് പെണ്കുട്ടിയെ ശസ്ത്രക്രിയയ്ക്ക് വിധേയമാക്കിയത്. വിദഗ്ദ ഡോക്ടര്മാരുടെ നേതൃത്വത്തില് നടന്ന ശസ്ത്രക്രിയ മൂന്നു മണിക്കൂറോളം നീണ്ടുനിന്നു. നിലവില് ഡോക്ടര്മാരുടെ നിരീക്ഷണത്തില് കഴിയുന്ന പെണ്കുട്ടി അതിവേഗം സുഖം പ്രാപിക്കുന്നതായും വായില്ക്കൂടി ദ്രവരൂപത്തിലുള്ള ഭക്ഷണപദാര്ത്ഥങ്ങള് കഴിക്കുന്നതായും ആശുപത്രി അധികൃതര് അറിയിച്ചു.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google