ടിആര്പി തട്ടിപ്പ്: അര്ണബിന് ആശ്വാസം, ജനുവരി 15 വരെ യാതൊരു നടപടിയും സ്വീകരിക്കരുതെന്ന് ഹൈക്കോടതി
മുംബൈ: ടിആര്പി തട്ടിപ്പ് കേസില് റിപ്പബ്ലിക്ക് ടിവി എഡിറ്റര് അര്ണബ് ഗോസ്വാമിക്ക് ആശ്വാസം. അര്ണബ് ഗോസ്വാമിക്കെതിരെയും മറ്റ് ജീവനക്കാര്ക്കെതിരെയും ജനുവരി 15 വരെ യാതൊരുവിധ നടപടിയും സ്വീകരിക്കരുതെന്ന് ബോംബെ ഹൈക്കോടതി ഉത്തരവിട്ടു. ജസ്റ്റിസുമാരായ എസ്.എസ്. ഷിന്ഡെ, എം.എസ്. കാര്ണിക് എന്നിവരടങ്ങിയ ഡിവിഷന് ബെഞ്ച് ടിവി ചാനല് സമര്പ്പിച്ച ഹര്ജി പരിഗണിച്ചത്.
ടിആര്പി തട്ടിപ്പ് കേസില് മുംബൈ പൊലീസ് രജിസ്റ്റര് ചെയ്ത എഫ്ഐആര് റദ്ദാക്കാനും പോലീസ് സമര്പ്പിച്ച കുറ്റപത്രത്തിനെതിരെയുമാണ് ചാനല് ഹൈക്കോടതിയെ സമീപിച്ചത്. ഈ ഹര്ജിയിലാണ് ജനുവരി 15വരെ നടപടി സ്വീകരിക്കരുതെന്ന് വ്യക്തമാക്കി ഉത്തരവിട്ടത്. അതേസമയം, കഴിഞ്ഞ മാസം നടന്ന വിചാരണയില് റിപ്പബ്ലിക് എഡിറ്റര് ഇന് ചീഫിനെയും മറ്റ് ജീവനക്കാരെയും മുംബൈ പോലീസ് അറസ്റ്റ് ചെയ്തതില് ആശങ്കയുണ്ടെന്ന് അര്ണബിന്റെ അഭിഭാഷകര് കോടതിയെ അറിയിച്ചിരുന്നു.
റിപ്പബ്ലിക് ടിവി അടക്കമുളള മൂന്ന് ചാനലുകള്ക്കെതിരെയാണ് ടിആര്പി തട്ടിപ്പ് നടത്തി എന്നുളള ആരോപണം ഉയര്ന്നത്. പണം നല്കി കാഴ്ചക്കാരെ സ്വാധീനിക്കാന് ശ്രമിച്ചു എന്നാണ് ആരോപണം. ഇതുമായി ബന്ധപ്പെട്ട് റിപ്പബ്ലിക് ടിവിക്ക് എതിരെ അടക്കം സാക്ഷിമൊഴികള് പോലീസിന് ലഭിക്കുകയും ചെയ്തിരുന്നു. നേരത്തെ ടിആര്പി റേറ്റിംഗില് കൃത്രിമം കാണിക്കാന് അര്ണബ് ഗോസ്വാമി ബ്രോഡ്കാസ്റ്റ് ഓഡിയന്സ് റിസര്ച്ച് കൗണ്സില് മുന് സിഇഒ ഉള്പ്പടെ മുതിര്ന്ന ഉദ്യോഗസ്ഥര്ക്ക് കോഴ നല്കിയെന്ന് ദിവസങ്ങള്ക്ക് മുമ്പ് കോടതിയെ അറിയിച്ചിരുന്നു.
ബാര്ക്ക് സിഇഒ പാര്ത്തോ ദാസ് ഗുപ്ത ഉള്പ്പടെയുള്ളവര്ക്ക് അര്ണബ് ഗോസ്വാമി കോഴ നല്കിയെന്നാണ് മുംബൈ പൊലീസ് നേരത്തെ വ്യക്തമാക്കിയിരിക്കുന്നത്. കേസുമായി ബന്ധപ്പെട്ട് മജിസ്ട്രേറ്റ് കോടതിയില് സമര്പ്പിച്ച റിമാന്ഡ് റിപ്പോര്ട്ടിലാണ് പൊലീസ് നിര്ണായക വിവരം അന്ന് വ്യക്തമാക്കിയത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google