വ്യാപാരിയുടെ കണ്ണില് മുളക് പൊടി വിതറി കവര്ച്ചക്ക് ശ്രമിച്ച കേസില് രണ്ടുപേര് റിമാണ്ടില്
കാഞ്ഞങ്ങാട്: രാത്രി കടയടച്ച് വീട്ടിലേക്ക് പോവുകയായിരുന്ന വ്യാപാരിയുടെ കണ്ണില് മുളക് പൊടി വിതറിയ ശേഷം കവര്ച്ചക്ക് ശ്രമിച്ച സംഘത്തിലെ രണ്ട് പേരെ ഹൊസ്ദുര്ഗ് പൊലീസ് അറസ്റ്റ് ചെയ്തു. കണ്ണൂര് കൂത്തുപറമ്പ് സ്വദേശി കെ.പി സെരീജ് (27), തലശ്ശേരി ചെറുമാവിലായിലെ മിഥുന് (27) എന്നിവരാണ് അറസ്റ്റിലായത്.
ആവിക്കര അമല്സ്റ്റോര് ഉടമ കുശാല്നഗറിലെ കെ സുരേഷ് കുമാറിന്റെ കണ്ണില് മുളക് പൊടി വിതറി പണം തട്ടിയെടുക്കാന് ശ്രമിച്ച കേസിലാണ് അറസ്റ്റ്. സെരീജും മിഥുനും നിരവധി കവര്ച്ചാ കേസുകളില് പ്രതിയാണെന്ന് പൊലീസ് പറഞ്ഞു. ഒരു കവര്ച്ചയുമായി ബന്ധപ്പെട്ട് കൂത്തുപറമ്പ് പൊലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് കാഞ്ഞങ്ങാട്ടെ കവര്ച്ചാ ശ്രമം പൊളിഞ്ഞത്.
2016 ഡിസംബര് 26നാണ് കേസിനാസ്പദമായ സംഭവം. രാത്രി കടയടച്ച് കാറില് വീട്ടിലേക്ക് പോവുകയായിരുന്നു സുരേഷ് കുമാര്. കുശാല്നഗര് പോളിടെക്നിക് ഗേറ്റിന് സമീപമെത്തിയപ്പോള് മോട്ടോര് ബൈക്കിലെത്തിയ മൂന്നംഗസംഘം കാര് തടഞ്ഞ് സുരേഷ് കുമാറിന്റെ മുഖത്ത് മുളക് പൊടി വിതറുകയായിരുന്നു.
കാര് മുന്നോട്ടെടുത്ത് വേഗത്തില് ഓടിച്ചു പോയതോടെ സംഘത്തിന്റെ ക വര്ച്ചാശ്രമം പരാജയപ്പെടുകയായിരുന്നു. ഇത് സംബന്ധിച്ച് പൊലീസില് പരാതി നല്കിയെങ്കിലും ആദ്യം കേസെടുക്കാന് കൂട്ടാക്കത്തതിനെത്തുടര്ന്ന് ഡി.ജി.പി.ക്ക് പരാതി നല്കിയതോടെയാണ് കേസെടുത്തത്. കോടതിയില് ഹാജരാക്കിയ പ്രതികളെ റിമാണ്ട് ചെയ്തു.
Click it and Unblock the Notifications
Sign in with Google