Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
സുരേഷ് ഗോപി വരുമോ? അറിഞ്ഞത് മാധ്യമങ്ങളിലൂടെയെന്ന് വി. മുരളീധരന്‍
കൊച്ചി: നടനും മുന്‍ രാജ്യസഭാ എം പിയുമായ സുരേഷ് ഗോപിയെ ബി ജെ പിയുടെ കോര്‍ കമ്മിറ്റിയില്‍ ഉള്‍പ്പെടുത്തിയത് മാധ്യമങ്ങളിലൂടെ ആണ് അറിഞ്ഞത് എന്ന് കേന്ദ്ര വിദേശകാര്യ സഹമന്ത്രി വി മുരളീധരന്‍. സുരേഷ് ഗോപിയുടെ കോര്‍ കമ്മിറ്റിയിലേക്കുള്ള വരവിനെ സ്വാഗതം ചെയ്യുന്നു എന്നും വി മുരളീധരന്‍ കൂട്ടിച്ചേര്‍ത്തു.
ബി ജെ പി കോര്‍ കമ്മിറ്റിയിലേക്ക് എത്താനുള്ള എല്ലാ യോഗ്യതയും സുരേഷ് ഗോപിക്ക് ഉണ്ട് എന്നും വി മുരളീധരന്‍ വ്യക്തമാക്കി. സുരേഷ് ഗോപിയുടെ പ്രതിബദ്ധതയില്‍ ആര്‍ക്കും തന്നെ സംശയമില്ല. എന്നാല്‍ അദ്ദേഹത്തെ ബി ജെ പി കോര്‍ കമ്മിറ്റിയിലേക്ക് എടുക്കുന്നു എന്ന വിവരം താന്‍ മാധ്യമങ്ങളിലൂടെ ആണ് അറിഞ്ഞത് എന്ന് അദ്ദേഹം പറഞ്ഞു.
ഇത് സംബന്ധിച്ച് മറ്റ് കാര്യങ്ങള്‍ അറിയില്ല എന്നും വി മുരളീധരന്‍ പറഞ്ഞു. അതേസമയം ബി ജെ പി വക്താവ് സ്ഥാനത്ത് നിന്ന് സന്ദീപ് വാര്യരെ നീക്കിയ നടപടി പാര്‍ട്ടി അധ്യക്ഷന്‍ വിശദീകരിക്കും എന്നും അദ്ദേഹം പറഞ്ഞു. സന്ദീപ് വാര്യര്‍ക്ക് എതിരായ നടപടിയില്‍ തനിക്ക് കൂടുതല്‍ കാര്യങ്ങള്‍ അറിയില്ല എന്നും മുരളീധരന്‍ കൂട്ടിച്ചേര്‍ത്തു.
രണ്ട് ദിവസങ്ങളായി സുരേഷ് ഗോപി ബി ജെ പി കോര്‍ കമ്മിറ്റിയില്‍ എത്തും എന്ന റിപ്പോര്‍ട്ടുകള്‍ പുറത്ത് വരുന്നുണ്ട്. എന്നാല്‍ ഇത് സംബന്ധിച്ച് സുരേഷ് ഗോപി ഇതുവരെ ഔദ്യോഗികമായി പ്രതികരിച്ചിട്ടില്ല. എന്നാല്‍ കഴിഞ്ഞ ദിവസം ബി ജെ പി സംസ്ഥാന അധ്യക്ഷന്‍ കെ സുരേന്ദ്രന്‍ ബി ജെ പി കേരള ഘടകത്തിന്റെ അറിവോടെയാണ് സുരേഷ് ഗോപിയെ കോര്‍ കമ്മിറ്റിയിലേക്ക് ഉള്‍പ്പെടുത്താന്‍ ആലോചിക്കുന്നത് എന്ന രീതിയില്‍ പ്രതികരിച്ചിരുന്നു.
സുരേഷ് ഗോപി വരുന്നതില്‍ ഏറ്റവും കൂടുതല്‍ സന്തോഷിക്കുന്നത് താനാണ് എന്നും അദ്ദേഹം പറഞ്ഞിരുന്നു. ആരെയെങ്കിലും ഒഴിവാക്കുന്നതും കൂട്ടി ചേര്‍ക്കുന്നതും നേതൃത്വത്തിന്റെ ആശയ വിനിമയത്തിന് ശേഷമാണെ് എന്നും കെ സുരേന്ദ്രന്‍ പറഞ്ഞിരുന്നു. പാര്‍ട്ടിക്ക് കാര്യമായ സംഭാവന ചെയ്യാന്‍ കഴിയുന്ന ആളാണ് സുരേഷ് ഗോപി എന്നും കെ സുരേന്ദ്രന്‍ കൂട്ടിച്ചേര്‍ത്തിരുന്നു.
സുരേഷ് ഗോപിയുടെ സേവനം കേരളത്തില്‍ കൂടുതല്‍ ലഭ്യമാവണം എന്നും കേന്ദ്രവും സംസ്ഥാനവും കൂട്ടായി ആണ് തീരുമാനം എടുക്കുന്നത് എന്നും ആയിരുന്നു കെ സുരേന്ദ്രന്റെ പ്രതികരണം. എന്നാല്‍ ബി ജെ പിയുടെ ഒരു സ്ഥാനവും വഹിക്കാത്ത സുരേഷ് ഗോപിയെ കോര്‍ കമ്മിറ്റിയില്‍ ഉള്‍പ്പെടുത്താത്ത് പുതിയ കീഴ്‌വഴക്കം സൃഷ്ടിക്കും.
പ്രസിഡന്റും മുന്‍ പ്രസിഡന്റുമാരും ജനറല്‍ സെക്രട്ടറിമാരും മാത്രം ഉള്‍പ്പെടുന്നതാണ് ബി ജെ പി കോര്‍ കമ്മിറ്റി. ഇതിലേക്കാണ് കേന്ദ്ര നേതൃത്വം സുരേഷ് ഗോപിയെ എത്തിച്ചിരിക്കുന്നത് എന്നതും ശ്രദ്ധേയാണ്. കേരള ഘടകത്തിലെ വിഭാഗീയത മൂര്‍ച്ഛിക്കുന്നതിനിടെയാണ് സുരേഷ് ഗോപിയെ ചുറ്റിപ്പറ്റിയുള്ള ചര്‍ച്ചകള്‍ എന്നതും ശ്രദ്ധേയമാണ്.
ബി ജെ പി സംസ്ഥാന നേതൃത്വത്തിന്റെ പ്രവര്‍ത്തനത്തില്‍ കേന്ദ്ര നേതൃത്വം പലപ്പോഴും അതൃപ്തി പ്രകടിപ്പിച്ചിട്ടുണ്ട്. മാത്രമല്ല കെ സുരേന്ദ്രന്‍ അധ്യക്ഷനായതിന് ശേഷം ബി ജെ പിക്കുള്ള ഗ്രൂപ്പ് പോര് ശക്തമായിരുന്നു. മുതിര്‍ന്ന നേതാക്കളായ പി പി മുകുന്ദന്‍, ശോഭാ സുരേന്ദ്രന്‍ എന്നിവര്‍ സുരേന്ദ്രനെതിരെ പരസ്യമായി രംഗത്തെത്തിയിരുന്നു.
