Click it and Unblock the Notifications
Just In
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ആദ്യം 15, പിന്നെ 10 ലക്ഷം; കെ എം മാണി കോഴവാങ്ങിയതിന് തെളിവുണ്ടെന്ന് കോടതി
തിരുവനന്തപുരം: ധനമന്ത്രി കെ എം മാണിക്കെതിരായ വിജിലന്‍സ് കോടതിയുടെ വിധിയുടെ കൂടുതല്‍ വിശദാംശങ്ങള്‍ പുറത്തുവന്നു. ധനമന്ത്രി കോഴവാങ്ങിയതിന് തെളിവുണ്ടെന്ന് വിധിപ്പകര്‍പ്പില്‍ വ്യക്തമാക്കുന്നു. രണ്ടുതവണയായി 25 ലക്ഷം രൂപ കോഴ വാങ്ങിയെന്നതിന് പ്രഥമദൃഷ്ട്യാ തെളിവുണ്ടെന്നാണ് കോടതിയുടെ കണ്ടെത്തല്‍.
2014 മാര്‍ച്ച് 22ന് 15 ലക്ഷം രൂപയും, ഏപ്രില്‍ രണ്ടിന് 10 ലക്ഷം രൂപയും കെ എം മാണി വാങ്ങിയതായി വിധി പകര്‍പ്പില്‍ കോടതി പറയുന്നു. എസ് പി സുകേശന്‍ അന്വേഷണത്തിലൂടെ കണ്ടത്തിയ രേഖകളും മറ്റു വിശദാംശങ്ങളും മാണി കോഴ വാങ്ങിയതായുള്ള തെളിവുകളാണെന്ന് കോടതി വ്യക്തമാക്കുന്നു.
അന്വേഷണ ഉദ്യോഗസ്ഥന്‍ സുകേശനെ കോടതി പുകഴ്ത്തി. കഴിവിന്റെ പരമാവധി ഉപയോഗിച്ചാണ് ഉദ്യോഗസ്ഥന്‍ അന്വേഷണം നടത്തിയിരിക്കുന്നതെന്ന് കോടതി പറയുന്നു. അതേസമയം, വിജിലന്‍സ് ഡയറക്ടറെ കോടതി വിമര്‍ശിക്കുകയും ചെയ്തു. അന്വേഷണത്തില്‍ ഡയറക്ടര്‍ ഇടപെട്ടെന്നും റിപ്പോര്‍ട്ടില്‍ അക്കാര്യം വ്യക്തമാണെന്നും കോടതി ചൂണ്ടിക്കാട്ടി.
എസ് പി സുകേശനെ തന്നെ തുടരന്വേഷണത്തിന് നിയോഗിച്ച കോടതി ബിജു രമേശ് സമര്‍പ്പിച്ച സിഡി ശാസ്ത്രീയമായി പരിശോധിക്കാന്‍ നിര്‍ദ്ദേശിച്ചിട്ടുണ്ട്. ബാര്‍ ഉടമകളുടേയും സംഘടനകളുടേയും അക്കൗണ്ടുകള്‍ പരിശോധിക്കണമെന്നും ധനമന്ത്രി മാണിയുടെ വീട്ടില്‍ മാര്‍ച്ച് 31ന് നടന്ന രണ്ടാം കൂടിക്കാഴ്ചയെക്കുറിച്ച് വിശദമായി അന്വേഷിക്കണമെന്നും വിജിലന്‍സ് ജഡ്ജി ജോണ്‍ കെ ഇല്ലിക്കാടന്‍ വിധി പകര്‍പ്പില്‍ വ്യക്തമാക്കി.
