Click it and Unblock the Notifications
Just In
Don't Miss
-
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
ശരീരത്തില് രക്തക്കുറവോ, തലചുറ്റല് സ്ഥിരമോ: ശീലമാക്കണം ഈ പാനീയങ്ങള് -
'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്! -
IPL 2024: പുറത്തായ ബട്ട്ലറെ പച്ചത്തെറി വിളിച്ച് പിയുഷ് ചൗള; കാണിച്ചത് മര്യാദകേട്! -
കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
വയനാടിന് പുതിയ ജില്ലാ കളക്ടര്‍: പിന്നോക്കക്കാരെ കണ്ടെത്തി സര്‍ക്കാര്‍ സഹായം ലഭ്യമാക്കുമെന്ന് എ ആര്‍
കല്‍പ്പറ്റ: എ ആര്‍ അജയകുമാര്‍ വയനാട് ജില്ലാകലക്ടറായി ചുമതലയേറ്റു. പിന്നോക്കക്കാരിലെ പിന്നോക്കക്കാരെ കണ്ടെത്തി സര്‍ക്കാര്‍ സഹായം ലഭ്യമാക്കുമെന്ന് വയനാട് ജില്ലയുടെ 13ാമത് കലക്ടറായി ചുമതലയേറ്റ ശേഷം എ ആര്‍ അജയകുമാര്‍ വ്യക്തമാക്കി. ആദിവാസി പിന്നോക്കവിഭാഗക്കാരുടെ ക്ഷേമത്തിന് മുന്‍ഗണന നല്‍കും. ജില്ലയിലെ പ്രശ്നങ്ങള്‍ എന്തൊക്കെയെന്ന് പഠിച്ചുവരുകയാണ്. കോര്‍പറേറ്റ് സാമൂഹ്യ ഉത്തരവാദിത്വത്തില്‍ (സി എസ് ആര്‍) ജില്ലാ ഭരണകൂടത്തോട് സഹകരിക്കുന്നതിന് വാണിജ്യപ്രമുഖര്‍ സന്നദ്ധത അറിയിച്ചതായി ജില്ലാകലക്ടര്‍ പറഞ്ഞു.
സ്രെകട്ടറിയേറ്റിലായിരുന്നു അജയകുമാറിന്റെ ഔദ്യോഗിക ജീവിതം ആരംഭിക്കുന്നത്. പിന്നീട് ഫിനാന്‍സ് അഡീഷണല്‍ സെക്രട്ടറി, ജലനിധി എക്സിക്യൂട്ടീവ് ഡയറക്ടര്‍, വാട്ടര്‍ അതോറിട്ടി മാനേജിങ് ഡയറക്ടര്‍, സംസ്ഥാന ആസൂത്രണസമിതി അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. അജയകുമാറിന്റെ നേതൃത്വത്തില്‍ നടപ്പാക്കിയ ജലനിധിയുടെ ഗ്രാമീണ കുടിവെള്ള പദ്ധതി കേന്ദ്ര സര്‍ക്കാരിന്റേയും ലോകബാങ്കിന്റെയും പ്രശംസ പിടിച്ചുപറ്റിയിരുന്നു. 75 ശതമാനം സംസ്ഥാനസര്‍ക്കാരും 15 ശതമാനം തദ്ദേശഭരണസ്ഥാപനങ്ങളും 10 ശതമാനം ഗുണഭോക്തൃ സമിതിയും സംയുക്തമായി ചിലവഴിച്ച് ലോകബാങ്ക് സഹോയത്തോടെ നടപ്പിലാക്കുന്ന ഈ പദ്ധതി ഏറെ ശ്രദ്ധേയമായിരുന്നു.
കൂടാതെ സംസ്ഥാന ജീവനക്കാരുടെ ശമ്പള വിതരണത്തിനും അക്കൗണ്ടിനും ഏകീകൃതമാനം ഉണ്ടാക്കുവാന്‍ ട്രഷറിയില്‍ നടപ്പാക്കിയ ഇന്റഗ്രേറ്റഡ് ഫിനാന്‍ഷ്യല്‍ മാനേജ്മെന്റ് സിസ്റ്റം, ട്രഷറി അക്കൗണ്ടിങില്‍ സമഗ്രപരിഷ്‌കാരമാണ് വരുത്തിയത്. ഇതിന് നേതൃത്വം നല്‍കിയതും അജയകുമാറായിരുന്നു. എയ്ഡഡ് വിദ്യാഭ്യാസ സ്ഥാപനങ്ങളുടേതുള്‍പ്പെടെയുള്ള ശമ്പള ബില്ലുകള്‍ ഓണ്‍ലൈന്‍ സമ്പ്രദായത്തിലേക്ക് മാറ്റിയതിനും പൊതുമരാമത്തു വകുപ്പിലെ ശമ്പള വിതരണം ചെക്ക് ഡ്രോയിങ് രീതിയില്‍ നിന്ന് മാറ്റിയതിന് പിന്നിലും അജയകുമാറിന്റെ കൈ പതിഞ്ഞിട്ടുണ്ട്. അനധികൃത ഇടപെടല്‍ അവസാനിപ്പിക്കുന്നതിന് ദര്‍ഘാസ് നടപടികള്‍ ലഘൂകരിക്കുന്നതിനും ഓണ്‍ലൈനാക്കുന്നതിനും സാധിച്ചതായും അദ്ദേഹം പറഞ്ഞു. തിരുവനന്തപുരം നേമത്ത് താമസിച്ചുവരുന്ന അജയകുമാര്‍ ധനുവച്ചപുരം എന്‍ എസ് എസ് കോളേജില്‍ നിന്നാണ് വിദ്യാഭ്യാസം പൂര്‍ത്തിയാക്കിയത്. സ്‌കൂള്‍ അദ്ധ്യപികയായ എ. എസ് ശ്രീലതയാണ് ഭാര്യ. സന്ദീപ് കൃഷ്ണന്‍, സബിത എന്നിവര്‍ മക്കളാണ്.
