പത്മകുമാറോ ഷെയ്ഖ് ദര്ബേഷ് സാഹിബോ..? ആരാകും കേരളത്തിന്റെ പുതിയ ഡിജിപി? പാനല് തയ്യാര്
തിരുവനന്തപുരം: സംസ്ഥാനത്തിന്റെ പുതിയ ഡി ജി പിയെ തിരഞ്ഞെടുക്കാന് മൂന്നംഗ ചുരുക്ക പട്ടിക തയ്യാറായി. ജയില് മേധാവി കെ. പദ്മകുമാര്, അഗ്നിരക്ഷാ വിഭാഗം മേധാവി ഷേഖ് ദര്വേശ് സാഹേബ്, കേന്ദ്ര ഇന്റലിജന്സ് ബ്യൂറോ അഡീഷണല് ഡയറക്ടര് ഹരിനാഥ് മിശ്ര എന്നിവരാണ് കേരളത്തിന്റെ ഡി ജി പിയാകനുള്ള അന്തിമ പട്ടികയില് ഇടം നേടിയിരിക്കുന്നത്.
യൂണിയന് പബ്ലിക് കമ്മിഷനാണ് മൂന്നംഗ ചുരുക്ക പട്ടികയ്ക്ക് അംഗീകാരം നല്കിയിരിക്കുന്നത്. ഇതില് നിന്ന് ഒരാളെ ഈന മാസം 30 - ന് മുമ്പ് പൊലീസ് മേധാവിയായി സംസ്ഥാന സര്ക്കാര് പ്രഖ്യാപിക്കും. നിലവിലെ ഡി ജി പി അനില് കാന്ത് 30-ന് വിരമിക്കുന്നതിനാലാണ് ഇത്. എട്ട് പേരുടെ പട്ടികയില് നിന്നാണ് മൂന്ന് പേരെ തിങ്കളാഴ്ച ചേര്ന്ന ഉന്നതതല യോഗം നിര്ദേശിച്ചത്.
യു പി എസ് സി ചെയര്മാന്, കേന്ദ്ര ആഭ്യന്തര സെക്രട്ടറി, ചീഫ് സെക്രട്ടറി വി പി ജോയ്, നിലവിലെ ഡി ജി പി അനില് കാന്ത് എന്നിവര് ഡല്ഹിയില് ചേര്ന്ന ഉന്നതതല യോഗത്തില് പങ്കെടുത്തു. നേരത്തെ ഡി ജി പിയാകാനുള്ള പാനലില് ഒന്നാം സ്ഥാനത്തുണ്ടായിരുന്നത് നിധിന് അഗര്വാള് ആയിരുന്നു. എന്നാല് സംസ്ഥാന സര്വ്വീസിലേക്കില്ല എന്ന് നിധിന് അഗര്വാള് അറിയിക്കുകയായിരുന്നു. ഇതോടെയാണ് പുതിയ പാനലിനെ തിരഞ്ഞെടുത്തത്.
നിധിന് അഗര്വാളിനെ ബി എസ് എഫ് ഡയറക്ടര് ജനറലായി നിയമിച്ചിരിക്കുകയാണ്. നിധിന് അഗര്വാള് ഒഴിവായതോടെയാണ് ഹരിനാഥ മിശ്രയെ പാനലില് ഉള്പ്പെടുത്തിയത്. കേന്ദ്ര ഡെപ്യൂട്ടേഷനിലുള്ള ഹരിനാഥ് മിശ്ര സംസ്ഥാന സര്വീസിലേക്ക് മടങ്ങാന് നേരത്തെ തന്നെ താല്പര്യം അറിയിച്ചിരുന്നു. പുതിയ ഡി ജി പിയായി ഒരാളെ സംസ്ഥാന സര്ക്കാരിനു തിരഞ്ഞെടുക്കാം എന്നതാണ് വ്യവസ്ഥ.
ഫയര്ഫോഴ്സ് മേധാവി ഷെയ്ഖ് ദര്ബേഷ് സാഹിബിനും ജയില് മേധാവി കെ പത്മകുമാറിനുമാണ് കൂടുതല് സാധ്യത. സീനിയോറിറ്റിയില് ഇവരാണ് മുന്നില്. ലോക്നാഥ് ബെഹ്റയുടെ പിന്ഗാമിയായാണ് അനില് കാന്ത് സംസ്ഥാനത്തെ ഡി ജി പിയാകുന്നത്. ആറ് മാസം സര്വീസ് ബാക്കുയുള്ളപ്പോഴായിരുന്നു അനില് കാന്തിനെ ഡി ജി പിയാക്കിയത്. എന്നാല് പിന്നീട് സംസ്ഥാന സര്ക്കാര് അനില് കാന്തിന് 2 വര്ഷം കൂടി സര്വീസ് നീട്ടി നല്കി.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google