Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മുത്തൂറ്റില്‍ 120 കോടിയുടെ ക്രമക്കേട്.. അക്കൗണ്ടുകള്‍ മരവിപ്പിച്ചു!
കൊച്ചി: മൈക്രോ ഫിനാന്‍സ് രംഗത്തെ പ്രമുഖരായ മുത്തൂറ്റ് ഗ്രൂപ്പില്‍ കോടികളുടെ ക്രമക്കേടുകള്‍ നടന്നതായി റിപ്പോര്‍ട്ടുകള്‍. 120 കോടിയുടെ ക്രമക്കേടുകളാണ് മുത്തൂറ്റ് ജോര്‍ജ്ജ്, മുത്തൂറ്റ് പാപ്പച്ചന്‍, മുത്തൂറ്റ് മിനി തുടങ്ങിയ മുത്തൂറ്റ് സ്ഥാപനങ്ങളില്‍ നടന്നതായി സംശയിക്കുന്നത്. ഇതേത്തുടര്‍ന്ന് മുത്തൂറ്റ് ധനകാര്യസ്ഥാപനങ്ങളിലെ സംശയാസ്പദമായ ചില അക്കൗണ്ടുകള്‍ മരവിപ്പിച്ചതായി ഏഷ്യാനെറ്റ് റിപ്പോര്‍ട്ട് ചെയ്യുന്നു.
മുത്തൂറ്റ് ഫിനാന്‍സ്, മുത്തൂറ്റ് ഫിന്‍കോര്‍പ്, മുത്തൂറ്റ് മിനി തുടങ്ങിയ സ്ഥാപനങ്ങളുടെ അക്കൗണ്ടുകളാണ് മരവിപ്പിച്ചത് എന്നാണ് റിപ്പോര്‍ട്ട്. പണയസ്വര്‍ണ ലേലത്തിലാണത്രെ തിരിമറി നടന്നത്. ഇത് വെച്ച് കോടികളുടെ തെറ്റായ കണക്കുകളുണ്ടാക്കി. യഥാര്‍ഥ ലേലത്തുക മറച്ച് വെച്ച് തെറ്റായ വിവരങ്ങള്‍ നല്‍കുകയായിരുന്നു എന്നാണ് ആരോപണം. മുത്തൂറ്റ് ഫിനാന്‍സില്‍ നേരത്ത 150 കോടിയുടെ സമാന ക്രമക്കേട് കണ്ടെത്തിയിരുന്നു.
മുത്തൂറ്റ് ഗ്രൂപ്പിന്റെ ഓഫീസുകളില്‍ ആദായനികുതി വകുപ്പിന്റെ റെയ്ഡിന് പിന്നാലെയാണ് അക്കൗണ്ടുകള്‍ മരവിപ്പിക്കപ്പെട്ടത്. മുത്തൂറ്റ് ജോര്‍ജ്ജ്, മുത്തൂറ്റ് പാപ്പച്ചന്‍, മുത്തൂറ്റ് മിനി, മുത്തൂറ്റ് മെര്‍ക്കന്റിയില്‍ തുടങ്ങിയ മുത്തൂറ്റ് സ്ഥാപനങ്ങളിലാണ് കഴിഞ്ഞ ദിവസം മിന്നല്‍ പരിശോധന നടന്നത്. രാജ്യവ്യാപകമായിട്ടായിരുന്നു പരിശോധന. ഉടമകളുടേയും ഉയര്‍ന്ന ഉദ്യോഗസ്ഥരുടേയും വീടുകളിലും റെയ്ഡ് നടന്നു.
മുത്തൂറ്റ് ഗ്രൂപ്പുകള്‍ സ്വര്‍ണ പണയത്തിന്റെ കാര്യത്തില്‍ രേഖകള്‍ കൃത്യമല്ലെന്ന് നേരത്തെ തന്നെ പലരും ആക്ഷേപം ഉന്നയിച്ചിരുന്നു. മൈക്രോ ഫിനാന്‍സ് രംഗത്ത് വന്‍ കുതിച്ചുചാട്ടമാണ് മുത്തൂറ്റ് പാപ്പച്ചന്‍ ഗ്രൂപ്പ് അടുത്തിടെ സ്വന്തമാക്കിയിട്ടുള്ളത്. മുത്തൂറ്റ് പാപ്പച്ചന്‍ ഗ്രൂപ്പിനെയാണ് ഇപ്പോഴത്തെ പരിശോധന മുഖ്യമായും ലക്ഷ്യംവയ്ക്കുന്നത് എന്നാണ് റിപ്പോര്‍ട്ടുകള്‍. സ്വര്‍ണ പണയയും മൈക്രോ ഫിനാന്‍സും ആണ് ഇവരുടെ പ്രധാന മേഖല.
