Click it and Unblock the Notifications
Just In
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്‍! വസ്തുത ഇതാണ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഹിന്ദുമതം ഒരു ജീവിതചര്യയാണെന്ന് ഗാനഗന്ധര്‍വ്വന്‍ യേശുദാസ്
പേരാവൂര്‍: ലോകത്തെ എല്ലാ മനുഷ്യര്‍ക്കും നന്മയുണ്ടാകാന്‍ പ്രാര്‍ത്ഥിക്കുന്ന മതമാണ് ഹിന്ദുമതമെന്ന് ഗാനഗന്ധര്‍വ്വന്‍ യേശുദാസ്. ഹിന്ദുമതം ഒരു ജീവിതചര്യയാ ണെന്നും കെജെ യേശുദാസ് മണത്തണ കുളങ്ങരയത്ത് ക്ഷേത്രത്തിന് സമീപത്തായി നിര്‍മ്മിച്ച ധ്യാനമണ്ഡപം ഉദ്ഘാടനം ചെയ്തു കൊണ്ടു പറഞ്ഞു. ജാതിമത ചിന്തകള്‍ക്ക് അപ്പുറത്ത് ലഭിക്കുന്ന ഈശ്വര ചൈതന്യമാണ് ധ്യാനങ്ങളിലൂടെ നമുക്ക് ലഭിക്കുക.
പ്രമുഖ സാഹിത്യകാരന്‍ എം മുകുന്ദന്‍ പരിപാടിയില്‍ മുഖ്യ പ്രഭാഷണം നടത്തി. ക്ഷേത്രമതില്‍കെട്ടിനു പുറത്ത് ഭൂമിക്കടിയിലായി വ്യത്യസ്തരീതിയിലാണ് ഭൂഗര്‍ഭ ധ്യാനമണ്ഡപം നിര്‍മ്മിച്ചിരിക്കുന്നത്. ക്ഷേത്രക്കുളത്തില്‍ നിന്നും ക്ഷേത്രത്തിലേക്ക് പ്രവേശിക്കുന്നതിനിടയിലാണ് ധ്യാനമണ്ഡപം നിര്‍മ്മിച്ചിരിക്കുന്നത്.
ക്ഷേത്രക്കുളത്തില്‍ നിന്നും ദേഹശുദ്ധിവരുത്തി ഈറനോടെ ക്ഷേത്രത്തിലേക്ക് പ്രവേശിച്ച് ധ്യാനിക്കാന്‍ കഴിയുംവിധമാണ് ഇതിന്റെ രൂപ കല്പന. ശാന്തികവാടത്തിന് അകത്തുകൂടിയും ഈ ധ്യാനമണ്ഡപത്തിലേക്ക് പ്രവേശിക്കാം. ഓം എന്ന ആദി ശബ്ദം മാത്രം അകത്തേക്ക് ആലേഖനം ചെയ്തിട്ടുണ്ട്.
ആത്മശുദ്ധി വരുത്തുവാനും ഭക്തജനങ്ങള്‍ക്ക് ആത്മനിര്‍വൃതി നേടുവാനുമാണ് ഇങ്ങനെയൊരു ധ്യാനമണ്ഡപം നിര്‍മ്മിച്ചിരിക്കുന്നതെന്ന് ക്ഷേത്രം ഭാരവാഹികള്‍ പറഞ്ഞു. ജാതി, മതം, വര്‍ഗം, വര്‍ണ്ണം എന്നീ വ്യത്യസമില്ലാതെ ആര്‍ക്കും മണ്ഡപത്തില്‍ ധ്യാനിക്കാന്‍ അവസരവും ഒരുക്കിയിട്ടുണ്ട്. ഇരുപതില്‍ കൂടുതല്‍ പേരെ ഉള്‍ക്കൊള്ളിക്കാന്‍ കഴിയും. ചെങ്കല്ലുകള്‍ കൊണ്ടൊരു കൂടാരം പോലെയാണ് ഈ മണ്ഡപം നിര്‍മ്മിച്ചിരിക്കുന്നത്.
