സ‍ഞ്ചാരികൾക്ക് സന്തോഷ വാർത്ത; അഞ്ചുമാസത്തിനുശേഷം സാമ്പ്രാണിക്കോടി തുറക്കുന്നു; 20 മുതൽ പ്രവേശനം

അ​ഞ്ചാ​ലും​മൂ​ട്: കാത്തിരിപ്പിന് വിരാമമിട്ട് സാ​മ്പ്രാ​ണി​ക്കോ​ടി​തു​രു​ത്ത് തുറക്കുന്നു, അ​ഞ്ചുമാ​സ​ത്തെ സ​ഞ്ചാ​ര ​വി​ല​ക്കി​നുശേ​ഷം സഞ്ചാരികൾക്കായി സാ​മ്പ്രാ​ണി​ക്കോ​ടി​തു​രു​ത്ത് തുറക്കുന്നത്. ഡിസംബർ 20ന് ​പൊ​തു​ജ​ന​ങ്ങ​ൾക്കാ​യി തു​റ​ന്നുന​ൽകും. ഇ​തി​നു​ള്ള അ​വ​സാ​ന​വ​ട്ട ഒ​രു​ക്കം ന​ട​ന്നു​വ​രു​ക​യാ​ണെ​ന്ന് ഡി.​ടി.​പി.​സി അ​ധി​കൃ​ത​ർ പ​റ​ഞ്ഞു.

എന്നാൽ തരുത്ത് തുറക്കുമ്പോൾ ക​ർശ​ന നി​യ​ന്ത്ര​ണ​ങ്ങ​ളും നി​ബ​ന്ധ​ന​ക​ളും ഉണ്ടാകും. കർശനമായ നിയന്ത്രണങ്ങളോടുകൂടിയാണ് സാ​മ്പ്രാ​ണി​ക്കോ​ടി തു​റ​ക്കാ​ൻ ഒ​രു​ങ്ങു​ന്ന​ത്. 80 ശ​ത​മാ​നം ഓ​ൺലൈ​ൻടി​ക്ക​റ്റ് സം​വി​ധാ​നം വ​ഴി​യാ​യി​രി​ക്കും പ്ര​വേ​ശ​നം. 20 ശ​ത​മാ​നം മാ​ത്ര​മേ ഓ​ഫ്‌​ലൈ​നാ​യി ടി​ക്ക​റ്റ് ഉ​ണ്ടാ​കൂ.

pc: google

തു​രു​ത്തി​ൽ ക​ച്ച​വ​ട​ത്തി​ന് പോ​യ വീ​ട്ട​മ്മ വ​ള്ളം മ​റി​ഞ്ഞ് മ​രി​ച്ച​തി​നെ തു​ട​ർന്ന് ജൂ​​ലൈ ഒ​മ്പ​തു മു​ത​ലാ​ണ് സാ​മ്പ്രാ​ണി​ക്കോ​ടി തു​രു​ത്തി​ലേ​ക്ക് സ​ഞ്ചാ​രി​ക​ൾക്ക് വി​ല​ക്ക് ഏ​ർപ്പെ​ടു​ത്തി​യി​രു​ന്ന​ത്. തു​രു​ത്ത് ഇ​നി മു​ത​ൽ ഡി.​ടി.​പി.​സി​യു​ടെ പൂ​ർണ​നി​യ​ന്ത്ര​ണ​ത്തി​ലാ​യി​രി​ക്കും പ്ര​വ​ർത്തി​ക്കു​ക.

ബോ​ട്ടു​ക​ൾക്ക് ര​ജി​സ്‌​ട്രേ​ഷ​ൻ എ​ടു​ക്കു​ന്ന​തി​നു​ള്ള ന​ട​പ​ടി​ക​ൾ ന​ട​ക്കു​ക​യാ​ണ്. മൂ​ന്ന് പ്ര​ധാ​ന സ്ഥ​ല​ങ്ങ​ളി​ൽനി​ന്ന് സാ​മ്പ്രാ​ണി​ക്കോ​ടി​യി​ലേ​ക്ക് ബോ​ട്ടു​ക​ളി​ൽ ആ​ളെ എ​ത്തി​ക്കു​ന്ന ത​ര​ത്തി​ലാ​ണ് ക്ര​മീ​ക​ര​ണം. പ്രാ​ക്കു​ള​ത്തി​ന് പു​റ​മേ, കു​രീ​പ്പു​ഴ ബോ​ട്ട്‌​ജെ​ട്ടി, മ​ൺറോ​തു​രു​ത്ത് എ​ന്നി​വി​ട​ങ്ങ​ളി​ൽനി​ന്നും ബോ​ട്ട് സ​ർവിസു​ക​ൾ ഉ​ണ്ടാ​കും.

സാ​മ്പ്രാ​ണി​ക്കോ​ടി​യി​ലെ​ത്തി​യാ​ൽ 50 മി​നി​റ്റ്​് മാ​ത്ര​മേ ഒ​രാ​ൾക്ക് തു​രു​ത്തി​ൽ ചെ​ല​വ​ഴി​ക്കാ​ൻ സാ​ധി​ക്കൂ. ഇ​വ​ർ കൃ​ത്യസ​മ​യ​ത്ത് മ​ട​ങ്ങി​പ്പോ​കു​ന്നു​ണ്ടോ എ​ന്ന​റി​യാ​ൻ ഡി.​ടി.​പി.​സി. അ​ധി​കൃ​ത​രും പൊ​ലീ​സും പ​രി​ശോ​ധ​ന ന​ട​ത്തും. ടി​ക്ക​റ്റി​ന് പ​രി​മി​ത​മാ​യ നി​ര​ക്കാ​യി​രി​ക്കും ഈ​ടാ​ക്കു​ക​യെ​ന്നും ഡി.​ടി.​പി.​സി അ​ധി​കൃ​ത​ർ വൃ​ക്ത​മാ​ക്കി.

തൃ​ക്ക​രു​വ പ​ഞ്ചാ​യ​ത്തി​ന്റെ​മേ​ൽനോ​ട്ട​ത്തി​ലാ​ണ് വാ​ഹ​ന​പാ​ർക്കി​ങ്ങി​നു​ള്ള ക്ര​മീ​ക​ര​ണം ഏ​ർപ്പെ​ടു​ത്തി​യി​രി​ക്കു​ന്ന​ത്. പ്ര​തി​ദി​നം 1000 മു​ത​ൽ 3000 വ​രെ സ​ഞ്ചാ​രി​ക​ളെ​ത്തി​യി​രു​ന്ന ഇ​വി​ടെ അ​വ​ധി ദി​വ​സ​ങ്ങ​ളി​ൽ എ​ണ്ണം 5000ത്തില​ധി​കം ക​ട​ക്കു​മാ​യി​രു​ന്നു. അ​ഷ്ട​മു​ടിക്കാ​യ​ലി​ന്റെ ഒ​ത്ത​ന​ടു​ക്ക് മു​ട്ടൊ​പ്പം വെ​ള്ള​ത്തി​ൽ സ​ഞ്ച​രി​ക്കാം എ​ന്ന​താ​യി​രു​ന്നു സാ​മ്പ്രാ​ണി​ക്കോ​ടി തു​രു​ത്തി​ന്റെ പ്ര​ത്യേ​ക​ത.

വ​ർഷ​ങ്ങ​ൾക്ക് മു​മ്പ് ദേ​ശീ​യ​ജ​ല​പാ​ത​ക്ക്​ ആ​ഴം​കൂ​ട്ടി​യ​പ്പോ​ൾ അ​ടി​ഞ്ഞ മ​ണ്ണും എ​ക്ക​ലും പി​ന്നീ​ട് തു​രു​ത്താ​യി മാ​റു​ക​യാ​യി​രു​ന്നു. അ​ഞ്ചി​നം ക​ണ്ട​ൽച്ചെ​ടി​ക​ൾ ഉ​യ​ര​ത്തി​ൽ വ​ള​ർന്ന​തും സ​ഞ്ചാ​രി​ക​ൾക്ക് ഇ​ഷ്ട​ക്കാ​ഴ്ച​യാ​യി മാ​റു​ക​യാ​യി​രു​ന്നു.

English summary

After five months, Sambranikodi Thuruth will open to the public on 20