Click it and Unblock the Notifications
Just In
Don't Miss
-
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ബാര്‍കോഡില്‍ കൃത്രിമം കാണിച്ച് സമ്മാനം തട്ടിയെടുത്തു; വിന്‍വിന്‍ ലോട്ടറിയുടെ ബാര്‍കോഡില്‍ നിര്‍മല്‍ ലോട്ടറി
കോട്ടയം: സമ്മാനത്തുക അടിച്ചെടുക്കാനായി ലോട്ടറിയുടെ ബാര്‍കോഡില്‍ കൃത്രിമം കാണിച്ച് തട്ടിപ്പ്. കോട്ടയം ജില്ലയിലെ പൊന്‍കുന്നത്താണ് സംഭവം. സമ്മാന തുക ലഭിക്കുന്നതിനായി ഏജന്‍സിയില്‍ എത്തിച്ച ലോട്ടറിയുടെ ബാര്‍കോഡ് പരിശോധിച്ചപ്പോള്‍ ആണ് തട്ടിപ്പ് വെളിവായത്. പൊന്‍കുന്നം ബസ് സ്റ്റാന്‍ഡിലെ ഒരു ലോട്ടറിക്കടയില്‍ 500 രൂപ വീതമുള്ള സമ്മാനത്തുകയ്ക്കായി, പൊന്‍കുന്നത്ത് ലോട്ടറി വില്‍പ്പന നടത്തുന്ന സ്ത്രീ എത്തിച്ച മൂന്ന് വിന്‍വിന്‍ ലോട്ടറിയുടെ ബാര്‍കോഡിലാണ് കൃത്രിമം കണ്ടെത്തിയത്.
വിന്‍വിന്‍ ലോട്ടറിയുടെ ബാര്‍കോഡ് പരിശോധിച്ചപ്പോള്‍ നിര്‍മല്‍ ടിക്കറ്റ് എന്നാണ് കാണിച്ചത്. ഈ ടിക്കറ്റുമായി എത്തിയ ആള്‍ക്ക് ലോട്ടറി വില്‍പ്പനക്കാരി വിന്‍വിന്‍ ലോട്ടറിയുടെ ഫലം നോക്കി 1500 രൂപ സമ്മാനത്തുക നല്‍കുകയും ചെയ്തിരുന്നു. ഈ തുക മാറിയെടുക്കുന്നതിന് വേണ്ടിയാണ് വില്‍പനക്കാരി ബസ് സ്റ്റാന്‍ഡിലെ കടയില്‍ എത്തിയത്. ഡബ്ല്യു 693-ാം നമ്പര്‍ ലോട്ടറിയുടെ എന്‍ ജി, എന്‍ എ, എന്‍ എഫ് സീരീസുകളിലുള്ള 180034 നമ്പരിലുള്ള ടിക്കറ്റുകളായിരുന്നു ഇവ.
വിന്‍വിന്‍ നറുക്കെടുപ്പില്‍ ഈ നമ്പരിന് 500 രൂപ സമ്മാനം ലഭിച്ചിരുന്നു. എന്നാല്‍ വിന്‍വിന്‍ ലോട്ടറിയുടെ സീരീസ് ഇതല്ല. വിന്‍വിന്‍ സീരീസില്‍ ഡബ്ല്യു യില്‍ ആണ് തുടങ്ങുന്നത്. ഇതോടെ ടിക്കറ്റ് വ്യാജമാണെന്ന് സംശയമുയര്‍ന്നു. കംപ്യൂട്ടറില്‍ ബാര്‍കോഡ് സ്‌കാനര്‍ ഉപയോഗിച്ച് പരിശോധിച്ച് നോക്കിയപ്പോള്‍ വിന്‍വിന്‍ എന്നതിനുപകരം നിര്‍മല്‍ എന്നാണ് തെളിഞ്ഞത്.
11-ാം തീയതി നറുക്കെടുത്ത നിര്‍മല്‍ 302-ന്റേതാണ് ബാര്‍കോഡ് ഫലം. എന്നാല്‍ ഒറ്റനോട്ടത്തില്‍ കൃത്രിമം കണ്ടെത്താന്‍ സാധിക്കാത്ത തരത്തിലാണ് തട്ടിപ്പ്. കോട്ടയം എസ് എച്ച് മൗണ്ടിലുള്ള ഏജന്‍സിയുടെ സീലുള്ള ലോട്ടറി ടിക്കറ്റിന് വിന്‍വിന്‍ ലോട്ടറിയുടെ അതേ ഡിസൈന്‍ തന്നെയാണ് ഉള്ളത്.
എന്നാല്‍ ഇതിലെ ക്യു ആര്‍ കോഡ് സ്‌കാന്‍ ചെയ്യുമ്പോള്‍ സമ്മാനം ഇല്ല എന്ന അറിയിപ്പാണ് ലഭിച്ചത്. നേരത്തെ കൊടുങ്ങൂരിലെ ഒരു ഏജന്‍സിയിലും ഇതേ തരത്തിലുള്ള ടിക്കറ്റുകള്‍ ലഭിച്ചിരുന്നതാണ്. അന്ന് ഏജന്റ് ലോട്ടറി വകുപ്പിന് പരാതി നല്‍കിയെങ്കിലും നടപടിയൊന്നുമുണ്ടായില്ല.
അതേസമയം പ്രസ്തുത ലോട്ടറി പരിശോധിച്ചാലേ ഇക്കാര്യത്തില്‍ വിശദീകരണം നല്‍കാനാകൂ എന്നാണ് കോട്ടയം ജില്ലാ ലോട്ടറി ഓഫീസര്‍ പറയുന്നത്.. ആക്ഷേപത്തിനിടയായ ടിക്കറ്റുകള്‍ ജില്ലാ ലോട്ടറി ഓഫീസില്‍ പരിശോധിച്ചാല്‍ നിജസ്ഥിതി മനസ്സിലാക്കാനാകും എന്നും അദ്ദേഹം കൂട്ടിച്ചേര്‍ത്തു.
