Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
'കൊമ്പനും അസുരനും വേണ്ട... ആനവണ്ടിയുണ്ടല്ലോ'; വിനോദയാത്രയ്ക്ക് കെ.എസ്.ആര്‍.ടി.സിയെ കൂട്ടുപിടിച്ച് ഒരു സ്‌കൂള്‍
കോട്ടയം: വടക്കാഞ്ചേരി അപകടത്തിന് പിന്നാലെ വിനോദയാത്രയ്ക്ക് കെ എസ് ആര്‍ ടി സി തെരഞ്ഞെടുത്ത് ഒരു സ്‌കൂള്‍. കോട്ടയം ജില്ലയിലെ പാലാ വിളക്കുമാടം സെന്റ് ജോസഫ്സ് ഹയര്‍ സെക്കന്‍ഡറി സ്‌കൂള്‍ ആണ് പഠന വിനോദയാത്ര കെ എസ് ആര്‍ ടി സി ബസിലേക്ക് മാറ്റിയത്.
വിളക്കുമാടം സെന്റ് ജോസഫ്സ് ഹയര്‍ സെക്കന്‍ഡറി സ്‌കൂളിലെ എസ് എസ് എല്‍ സി വിദ്യാര്‍ത്ഥികളുടെ പഠനയാത്രയാണ് കെ എസ് ആര്‍ ടി സി ബസിലേക്ക് മാറ്റിയത്. നേരത്തേ ബുക്ക് ചെയ്തിരുന്ന ടൂറിസ്റ്റ് ബസ് ഒഴിവാക്കിയാണ് യാത്ര കെ എസ് ആര്‍ ടി സി ബസിലേക്ക് മാറ്റിയത്.
വടക്കഞ്ചേരി അപകടത്തിന്റെ പശ്ചാത്തലത്തിലായിരുന്നു തീരുമാനം. വിനോദയാത്രയ്ക്കായി പുതിയ ഫാസ്റ്റ് പാസഞ്ചര്‍ ബസ് തന്നെ അനുവദിച്ച് കെ എസ് ആര്‍ ടി സി ഡിപ്പോ അധികൃതരും സ്‌കൂളിന്റെ തീരുമാനത്തിന് പിന്തുണ നല്‍കി. കാതടപ്പിക്കുന്ന ഹോണുകളും കണ്ണഞ്ചിപ്പിക്കുന്ന ലേസര്‍ ലൈറ്റുകളും ഇല്ലാതിരുന്നിട്ടും കുട്ടികള്‍ സന്തുഷ്ടരായിരുന്നു എന്ന് അധ്യാപകര്‍ പറയുന്നു.
പാട്ട് പാടിയും ഡാന്‍സ് കളിച്ച് ഉല്ലസിച്ചുമാണ് വിദ്യാര്‍ത്ഥികള്‍ വിനോദയാത്ര അവിസ്മരണീയമാക്കിയത്. വാഗമണ്ണിലേക്കുള്ള യാത്രയില്‍ 30 കുട്ടികളും 5 അധ്യാപകരുമാണ് ഉണ്ടായിരുന്നത്. വിളക്കുമാടം സെന്റ് ജോസഫ്സ് വിദ്യാര്‍ഥികളുടേയും അധ്യാപകരുടേയും നടപടി സോഷ്യല്‍ മീഡിയയിലും കൈയടി നേടുന്നുണ്ട്.
രാവിലെ 8.30-ഓടെ സ്‌കൂളില്‍ നിന്ന് ആരംഭിച്ച് വാഗമണ്ണിലെ സൂയിസൈഡ് പോയന്റ് പൈന്‍ ഫോറസ്റ്റ്, മുട്ടക്കുന്ന്, അഡ്വഞ്ചറസ് പാര്‍ക്ക് തുടങ്ങിയ സ്ഥലങ്ങള്‍ കണ്ട് വൈകുന്നേരത്തോടെ തന്നെ തിരിച്ച് സ്‌കൂളില്‍ മടങ്ങിയെത്തുന്ന തരത്തിലായിരുന്നു യാത്ര പ്ലാന്‍ ചെയ്തത്. വിനോദയാത്രയുടെ വിവരം അറിയിച്ച് കുട്ടികള്‍ ആവേശത്തിലിരിക്കെയാണ് വടക്കാഞ്ചേരി അപകടം നടക്കുന്നത്.
ഇതോടെ സംസ്ഥാനത്തെ ടൂറിസ്റ്റ് ബസുകളിലുടനീളം എം വി ഡി പരിശോധന നടത്തിയിരുന്നു. വിളക്കുമാടം സ്‌കൂളിലെ വിദ്യാര്‍ഥികള്‍ ടൂറിന് പോകാനിരുന്ന ബസിനും എം വി ഡി അനുമതി നിഷേധിച്ചിരുന്നു. ഇതോടെയാണ് തൊട്ടടുത്ത കെ എസ് ആര്‍ ടി സി ഡിപ്പോയായ പാല കെ എസ് ആര്‍ ടി സി അധികൃതരെ സ്‌കൂള്‍ സമീപിച്ചത്. സ്വകാര്യ ടൂറിസ്റ്റ് ബസുമായി പറഞ്ഞ് ഉറപ്പിച്ച തുകയില്‍ നിന്ന് നേരിയ വ്യത്യാസം ഉണ്ടായിരുന്നു അധികൃതര്‍ പറയുന്നത്.
