• search
  • Live TV
കോട്ടയം വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

പാലക്കാട് നിന്ന് കോട്ടയത്തെത്തി വിദ്യാര്‍ത്ഥിനിയെ പീഡിപ്പിച്ചു, ഒടുവില്‍ കണ്ണൂരില്‍ പിടിയിലായി യുവാവ്

Google Oneindia Malayalam News

കോട്ടയം: സോഷ്യല്‍ മീഡിയയിലൂടെ പരിചയപ്പെട്ട വിദ്യാര്‍ത്ഥിനിയെ പീഡിപ്പിച്ച കേസില്‍ യുവാവ് അറസ്റ്റില്‍. സോഷ്യല്‍ മീഡിയയിലൂടെ പരിചയപ്പെട്ട ശേഷം സ്‌കൂള്‍ വിദ്യാര്‍ഥിനിയെ ലോഡ്ജിലെത്തിച്ചാണ് പാലക്കാട് തിരുവഴിയാട് സ്വദേശിയായ റിയാസ് പീഡിപ്പിച്ചത്. 35 വയസാണ് റിയാസിന്. ഈരാറ്റുപേട്ടയിലെത്തിയായിരുന്നു ഇയാള്‍ പെണ്‍കുട്ടിയെ പീഡിപ്പിച്ചത്. ഈരാറ്റുപേട്ട പൊലീസ് കണ്ണൂരില്‍നിന്നാണ് റിയാസിനെ അറസ്റ്റ് ചെയ്തത്.

പാലക്കാട് നിന്നും കോട്ടയത്തെ ഈരാറ്റുപേട്ടയില്‍ എത്തി പെണ്‍കുട്ടിയെ പീഡിപ്പിച്ച ശേഷം ഇയാള്‍ കടന്നുകളയുകയായിരുന്നു. കഴിഞ്ഞ ദിവസമായിരുന്നു കേസിനാസ്പദമായ സംഭവം. പെണ്‍കുട്ടി സ്‌കൂളിലെത്താന്‍ വൈകിയത് ശ്രദ്ധയില്‍പ്പെട്ടതോടെ സ്‌കൂള്‍ അധികൃതര്‍ വിവരം പൊലീസില്‍ അറിയിച്ചു. ഇതോടെയാണ് പീഡനവിവരം പുറത്തറിയുന്നത്. ഇന്‍സ്റ്റാഗ്രാമിലൂടെ പെണ്‍കുട്ടിയുമായി സൗഹൃദം സ്ഥാപിച്ച പ്രതി, കഴിഞ്ഞദിവസം ഈരാറ്റുപേട്ടയില്‍ എത്തി ലോഡ്ജില്‍ മുറിയെടുത്തിരുന്നു.

'ധൈര്യമുണ്ടെങ്കില്‍ റായ്ബറേലിയില്‍ മത്സരിക്കൂ'; പ്രിയങ്ക ഗാന്ധിയെ വെല്ലുവിളിച്ച് അദിതി സിംഗ്'ധൈര്യമുണ്ടെങ്കില്‍ റായ്ബറേലിയില്‍ മത്സരിക്കൂ'; പ്രിയങ്ക ഗാന്ധിയെ വെല്ലുവിളിച്ച് അദിതി സിംഗ്

തുടര്‍ന്ന് സ്‌കൂളിന് സമീപമെത്തി കുട്ടിയെ നിര്‍ബന്ധിച്ച് ഓട്ടോയില്‍ കയറ്റികൊണ്ടുപോയി ലോഡ്ജിലെത്തിച്ച് പീഡിപ്പിക്കുകയായിരുന്നുവെന്നാണ് പൊലീസ് പറയുന്നത്. സംഭവത്തിന് ശേഷം കുട്ടിയെ സ്‌കൂളിന് സമീപം തന്നെ ഇറക്കിവിട്ട ശേഷം റിയാസ് കടന്ന് കളയുകയും ചെയ്തു.

ഒമൈക്രോണിന്റെ പുതിയ ഉപവിഭാഗത്തെ കണ്ടെത്തി; ആര്‍ടിപിസിആര്‍ പരിശോധനയില്‍ കണ്ടെത്താന്‍ കഴിഞ്ഞേക്കില്ലഒമൈക്രോണിന്റെ പുതിയ ഉപവിഭാഗത്തെ കണ്ടെത്തി; ആര്‍ടിപിസിആര്‍ പരിശോധനയില്‍ കണ്ടെത്താന്‍ കഴിഞ്ഞേക്കില്ല

പെണ്‍കുട്ടി സ്‌കൂളിലെത്താന്‍ വൈകിയത് ശ്രദ്ധയില്‍പ്പെട്ടതോടെ സ്‌കൂള്‍ അധികൃതരാണ് വിവരം പോലീസിനെ അറിയിച്ചത്. തുടര്‍ന്ന് പൊലീസ് പെണ്‍കുട്ടിയുടെ മൊഴി രേഖപ്പെടുത്തി പോക്സോ നിയമപ്രകാരം കേസെടുത്ത് അന്വേഷണം ആരംഭിക്കുകയായിരുന്നു. പ്രതിയെക്കുറിച്ച് കൃത്യമായ സൂചനകളൊന്നും ആദ്യഘട്ടത്തില്‍ ലഭിച്ചിരുന്നില്ല.

ഇന്‍സ്റ്റഗ്രാം അക്കൗണ്ട് വിവരങ്ങളും സി.സി.ടി.വി. ദൃശ്യങ്ങളും മൊബൈല്‍ വിവരങ്ങളും കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് ഇയാളെ കണ്ണൂരില്‍നിന്ന് പിടികൂടിയത്. പാലാ ഡിവൈ.എസ്.പി. ഷാജു ജോസിന്റെ നിര്‍ദേശപ്രകാരം കോട്ടയം സൈബര്‍ സെല്ലിന്റെ സഹായത്തോടെയായിരുന്നു അന്വേഷണം.

ഈരാറ്റുപേട്ട എസ് എച്ച് ഒ പ്രസാദ് ഏബ്രഹാം വര്‍ഗീസിന്റെ നേതൃത്വത്തില്‍ എസ് ഐ തോമസ് സേവ്യര്‍, എ എസ് ഐ ഏലിയാമ്മ ആന്റണി, സീനിയര്‍ സിവില്‍ പൊലീസ് ഓഫീസര്‍ കെ ആര്‍ ജിനു, സിവില്‍ പോലീസ് ഓഫീസര്‍ ശരത് കൃഷ്ണദേവ് എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

ക്ലബ് ഹൗസില്‍ മുസ്ലീം സ്ത്രീകള്‍ക്കെതിരായ ലൈംഗിക അധിക്ഷേപം; മലയാളി പെണ്‍കുട്ടിയെ ചോദ്യം ചെയ്തുക്ലബ് ഹൗസില്‍ മുസ്ലീം സ്ത്രീകള്‍ക്കെതിരായ ലൈംഗിക അധിക്ഷേപം; മലയാളി പെണ്‍കുട്ടിയെ ചോദ്യം ചെയ്തു

വിവാഹിതനും രണ്ട് കുട്ടികളുടെ പിതാവുമാണ് റിയാസ്. എന്നാല്‍ പ്രതി ഇക്കാര്യങ്ങളെല്ലാം മറച്ചുവെച്ചാണ് ഇന്‍സ്റ്റാഗ്രാമില്‍ പെണ്‍കുട്ടിയുമായി സൗഹൃദം സ്ഥാപിച്ചിത്. ഇയാള്‍ സമാനമായി ഇന്‍സ്റ്റഗ്രാം വഴി പെണ്‍കുട്ടികളെ പരിചയപ്പെട്ട് കെണിയിലാക്കുന്നയാളാണെന്നും പൊലീസ് പറഞ്ഞു.

English summary
Young man arrested for molesting student he met on social media
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X