ഹരിതയ്ക്ക് പുതിയ കമ്മിറ്റി; കടുത്ത അതൃപ്തിയെന്ന് ഫാത്തിമ തഹ്ലിയ, ലീഗ് നേതൃത്വത്തെ അറിയിക്കും
കോഴിക്കോട്: എംഎസ്എഫിന്റെ വനിതാ വിഭാഗമായ ഹരിതയ്ക്ക് പുതിയ സംസ്ഥാന കമ്മിറ്റിയെ പ്രഖ്യാപിച്ചതില് അതൃപ്തി പ്രകടിപ്പിച്ച് ഫാത്തിമ തഹ്ലിയ. എംഎസ്എഫ് ദേശീയ വൈസ് പ്രസിഡന്റാണ് തഹ്ലിയ. പുതിയ ഭാരവാഹികളോടല്ല എതിര്പ്പ്. തിരഞ്ഞെടുത്ത രീതിയോടാണ് വിയോജിപ്പുള്ളത്. മുസ്ലിം ലീഗ് നേതൃത്വത്തെ ഇക്കാര്യത്തില് പ്രതികരണം അറിയിക്കും. പാര്ട്ടി വേദികളില് പ്രതികരിക്കും. ഹരിതയോട് മുസ്ലിം ലീഗ് നേതൃത്വം സ്വീകരിച്ച സമീപനത്തില് വിയോജിപ്പുണ്ട്. വാര്ത്ത വന്നപ്പോഴാണ് കമ്മിറ്റിയെ കുറിച്ച് അറിയുന്നത്. കടുത്ത നീതി നിഷേധമാണ് ഹരിത ഭാരവാഹികള് നേരിട്ടത്. പുതിയ ഭാരവാഹികളെ തിരഞ്ഞെടുക്കുമ്പോള് എംഎസ്എഫ് നേതൃത്വത്തോട് അഭിപ്രായം തേടേണ്ടതാണെന്നും ഫാത്തിമ തഹ്ലിയ പറഞ്ഞു.
വനിതാ കമ്മീഷന് പരാതി നല്കിയവരെയും അവരെ പിന്തുണച്ചവരെയും വെട്ടിനിരത്തി എന്ന് പിരിച്ചുവിട്ട ഹരിത കമ്മിറ്റിയിലെ പ്രസിഡന്റ് മുഫീദ തസ്നി പ്രതികരിച്ചു. ലീഗ് നേതൃത്വം നേരിട്ട് ഭാരവാഹികളെ തീരുമാനിച്ചതിലുള്ള എതിര്പ്പാണ് പഴയ ഭാരവാഹികള് പ്രകടിപ്പിക്കുന്നത്. ഹരിതയുടെ പഴയ ഭാരവാഹികള്ക്കെതിരെ കടുത്ത വിമര്ശനമാണ് മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാം ഉന്നയിച്ചത്.
എംഎസ്എഫ് സംസ്ഥാന പ്രസിഡന്റ് നവാസിന്റെ വാക്കുകളല്ല ഹരിതയിലെ പ്രശ്നങ്ങള്ക്ക് കാരണം. അതിന് മുമ്പ് തന്നെ വിവാദങ്ങളുണ്ട്. നവാസിന്റെ വാക്കുകള് അവര് ആയുധമാക്കുകയാണ് ചെയ്തത്. ചില ഭാരവാഹികള് നിഗൂഡമായി പ്രവര്ത്തിച്ചു. നേതൃത്വം പലതവണ ആവശ്യപ്പെട്ടിട്ടും മുഖവിലക്കെടുത്തില്ല. പാണക്കാട് കുടുംബത്തിന്റെ നിര്ദേശം ലംഘിക്കുന്നത് അംഗീകരിക്കാനാകില്ല. ചര്ച്ചകളില് ഒത്തുതീര്പ്പായി എന്ന് പറഞ്ഞവര് പിന്നീട് മാധ്യമങ്ങള്ക്ക് മുമ്പില് മറിച്ചാണ് പ്രതികരിച്ചത്. അഭിപ്രായ വ്യത്യാസം പാര്ട്ടി വേദിയിലാണ് പറയേണ്ടിയിരുന്നത്. എന്നാല് ഇവര് പറഞ്ഞത് ചാനലുകളോടാണ്. നാല് വര്ഷമായി ഹരിതയുടെ യോഗത്തില് പങ്കെടുക്കാത്തവര് വരെ പരാതിയില് ഒപ്പുവച്ചു. കൃത്യമായ അജണ്ടയോടെയാണ് അവര് നീങ്ങിയതെന്നും പിഎംഎ സലാം പറയുന്നു.
അതേസമയം, ഹരിതയ്ക്ക് പുതിയ സംസ്ഥാന കമ്മിറ്റി നിലവില് വന്നു. പിഎച്ച് ആയിഷ ബാനു പ്രസിഡന്റ്, റുമൈസ റഫീഖ് ജനറല് സെക്രട്ടറി, നയന സുരേഷ് ട്രഷറര് ആയിട്ടാണ് പുതിയ കമ്മിറ്റി. നജ്വ ഹനീന, ഷാഹിദ റാഷിദ്, ഐഷ മറിയം എന്നിവര് പുതിയ വൈസ് പ്രസിഡന്റുമാരാണ്. അഫ്ഷില, ഫായിസ, അഖീല ഫര്സാന എന്നിവര് സെക്രട്ടറുമാരും. മുന് കമ്മിറ്റിയിലെ ട്രഷറര് ആയിരുന്നു ആയിഷ ബാനു. റുമൈസ നേരത്തെ കണ്ണൂര് ജില്ലാ പ്രസിഡന്റായിരുന്നു. നയന സുരേഷ് മലപ്പുറം ജില്ലാ ഭാരവാഹിയായി പ്രവര്ത്തിച്ചിരുന്നു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google