കോഴിക്കോട്ട് ബെഡ്ഡ് ലഭ്യതക്കുറവോ ഓക്സിജന് ക്ഷാമമോ ഇല്ലെന്ന് കളക്ടര്, നടക്കുന്നത് വ്യാജ പ്രചാരണം
കോഴിക്കോട്: കോവിഡ് രോഗ വ്യാപനത്തിന്റെ പശ്ചാത്തലത്തില് ജനങ്ങളില് ഭീതിയും ആശങ്കയും വളര്ത്തുന്ന രീതിയില് സാമൂഹ്യ മാധ്യമങ്ങളിലൂടെ പ്രചാരണം നടത്തുന്നവര്ക്കെതിരെ ശക്തമായ നടപടി സ്വീകരിക്കുമെന്ന് ജില്ലാ കലക്ടര് സാംബശിവ റാവു പറഞ്ഞു. കോഴിക്കോട് ജില്ലയിലെ ആശുപത്രികളില് കോവിഡ് രോഗ ചികിത്സക്കായി ബെഡുകള് ഇല്ലെന്ന് പറയുന്ന വയനാട് സ്വദേശിയുടേതായുള്ള ശബ്ദ സന്ദേശമാണ് വാട്സാപ് ഗ്രൂപ്പുകളിലും മറ്റും പ്രചരിക്കുന്നത്.
കുടുംബത്തില് ആര്ക്കെങ്കിലും ഓക്സിജന് വേണമെങ്കില് ഡോക്റ്ററുടെ സര്ട്ടിഫിക്കറ്റും എടുക്കാന് ചെല്ലുന്ന വ്യക്തിയുടെ തിരിച്ചറിയല് കോപ്പിയും നല്കിയാല് 4000 ഡെപ്പോസിറ്റില് ഓക്സിജന് കിട്ടുമെന്നും സിലിണ്ടര് തിരികെ കൊടുക്കുമ്പോള് അടച്ച തുക തിരികെ ലഭിക്കുമെന്നുള്ള തെറ്റായ സന്ദേശവും പ്രചരിക്കുന്നുണ്ട്. ഈ സന്ദേശങ്ങളുടെ ഉറവിടം കണ്ടെത്തി വ്യക്തികള്ക്കെതിരെ നടപടി സ്വീകരിക്കാന് പൊലീസിന് നിര്ദ്ദേശം നല്കി.
ജില്ലയില് നിലവില് ബെസ്റ്റുകളുടെ ക്ഷാമമില്ല. ഒഴിവുള്ള ബെഡ്ഡുകളുടെ എണ്ണം കോവിഡ് ജാഗ്രത പോര്ട്ടലില് കാണാന് സാധിക്കും. ഓക്സിജന് ലഭ്യത ഉറപ്പു വരുത്താന് വാര് റൂം പ്രവര്ത്തിക്കുന്നുണ്ട്. ഇതേ വരെ ഒരു ആശുപത്രിയിലും ക്ഷാമമുണ്ടായിട്ടില്ല. ആശുപത്രികളിലേക്കുള്ള ഓക്സിജന് വിതരണം ആരോഗ്യ വകുപ്പിന്റെ മേല്നോട്ടത്തിലാണ് നടക്കുന്നതെന്നും കലക്ടര് പറഞ്ഞു.
കൊവിഡ് രോഗികള്ക്ക് സൗജന്യ ഓക്സിജന് നല്കി ഗാസിയാബാദിലെ ഗുരുദ്വാര, ചിത്രങ്ങള് കാണാം
അതേസമയം ജില്ലയില് പുതുതായി വന്ന 6,005 പേര് ഉള്പ്പെടെ ജില്ലയില് 1,14,409 പേര് നിരീക്ഷണത്തില്. ഇതുവരെ 3,86,757 പേര് നിരീക്ഷണം പൂര്ത്തിയാക്കി. രോഗലക്ഷണങ്ങളോടുകൂടി പുതുതായി വന്ന 277 പേര് ഉള്പ്പെടെ 2,859 പേരാണ് ആശുപത്രികളില് നിരീക്ഷണത്തിലുള്ളത്.പുതുതായി വന്ന 493 പേര് ഉള്പ്പെടെ ആകെ 3,504 പ്രവാസികളാണ് നിരീക്ഷണത്തിലുള്ളത്. ഇതുവരെ 1,57,715 പ്രവാസികള് നിരീക്ഷണം പൂര്ത്തിയാക്കി. 12,513 സ്രവസാംപിള് പരിശോധിച്ചു. ആകെ18,29,117 സ്രവസാംപിളുകള് പരിശോധനയ്ക്ക് അയച്ചതില് 18,26,019 എണ്ണത്തിന്റെ ഫലം ലഭിച്ചു. ഇതില് 16,27,692 എണ്ണം നെഗറ്റീവാണ്.
ആരാധകരെ ഞെട്ടിച്ച് കൃതി സനോനിന്റെ ഫോട്ടോഷൂട്ട്, ചിത്രങ്ങള് കാണാം
Click it and Unblock the Notifications
Sign in with Google