Click it and Unblock the Notifications
Just In
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള് -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മലപ്പുറത്തെ പട്ടിക വര്‍ഗ കോളനികളില്‍ വാക്സിന് സ്വീകരിച്ചത് 5,633 പേര്‍
മലപ്പുറം: ആരോഗ്യ വകുപ്പിന്റെ നേതൃത്വത്തില്‍ ജില്ലയിലെ പട്ടിക വര്‍ഗ കോളനികളില്‍ കോവിഡ് പ്രതിരോധ വാക്സിന് വിതരണം ഊര്‍ജിതമായി തുടരുന്നു. പട്ടിക വര്‍ഗ വിഭാഗക്കാര്‍ക്ക് അടിയന്തരമായി കോവിഡ് വാക്‌സിനേഷന്‍ നല്‍കണമെന്ന ജില്ലാ ഭരണകൂടത്തിന്റെ തീരുമാനത്തെ തുടര്‍ന്നാണ് നടപടി. പട്ടിക വര്‍ഗത്തില്‍ പെട്ട 5,633 പേരാണ് ഇതുവരെ വാക്സിന് സ്വീകരിച്ചത്. 18നും 45 നും ഇടയില്‍ പ്രായമുള്ള 1,426 പേരും 45 നും 60 നും ഇടയില്‍ 2,365 പേരും 60 വയസിനു മുകളില്‍ 1,632 പേരുമാണ് ആദ്യ ഡോസ് വാക്സിന് എടുത്തത്.
നാല്പത്തഞ്ചിനും അറുപതിനും ഇടയില്‍ 71 പേരും അറുപത് വയസ്സിനു മുകളില്‍ 139 പേരും രണ്ട് ഡോസും പൂര്‍ത്തിയാക്കി. കോളനികളിലെ 18 വയസ്സിനുമുകളിലുള്ള എല്ലാ ആളുകള്‍ക്കും വാക്സിന് നല്‍കുവാനാണ് ആരോഗ്യ വകുപ്പ് ലക്ഷ്യമിടുന്നത്. നിലമ്പൂര്‍, പെരിന്തല്‍മണ്ണ, എടവണ്ണ ട്രൈബല്‍ എക്സ്റ്റന്‍ഷന്‍ ഓഫീസുകള്‍ക്ക് കീഴിലായി 291 പട്ടിക വര്‍ഗ കോളനികളാണ് ജില്ലയിലുള്ളത്.
അതേസമയം, ട്രിപ്പിള്‍ ലോക്ക് ഡൗണ്‍ ഏര്‍പ്പെടുത്തിയ മലപ്പുറം ജില്ലയില്‍ പ്രതിരോധം ഫലപ്രാപ്തിയിലേക്കടുക്കുന്നു. വ്യാഴാഴ്ച 16.82 ശതമാനമാണ് ജില്ലയിലെ ടെസ്റ്റ് പോസിറ്റീവിറ്റി നിരക്ക്. 12 ദിവസമായി തുടരുന്ന ട്രിപ്പിള്‍ ലോക്ക് ഡൗണ്‍ നിയന്ത്രണങ്ങള്‍ കര്‍ശനമാക്കിയതോടെ ജനങ്ങളുടെ പൊതു സമ്പര്‍ക്കം ഗണ്യമായി കുറക്കാനായതാണ് ജില്ലയ്ക്ക് ആശ്വാസമാകുന്നത്.
Recommended Video
ജനങ്ങളുടെ സഹകരണവും രോഗ വ്യാപനം കുറയ്ക്കാന്‍ സഹായകമായി മെയ് 21 ന് 28.75 ശതമാനമായിരുന്ന ജില്ലയിലെ കോവിഡ് ടെസ്റ്റ് പോസിറ്റീവിറ്റി നിരക്ക് (ടി.പി.ആര്‍) 23 ന് 31.53 ശതമാനത്തിലേക്ക് ഉയര്‍ന്നിരുന്നെങ്കിലും ഇപ്പോള്‍ കുറഞ്ഞുവരികയാണ്. 24 ന് 27.34, 25 ന് 26.57, 26 ന് 21.62 ശതമാനം എന്നിങ്ങനെ കുറഞ്ഞാണ് ടി.പി.ആര്‍ വ്യാഴാഴ്ച 16.82 ശതമാനത്തില്‍ എത്തി നില്‍ക്കുന്നത്.
