മലപ്പുറത്തിനെതിരായ പ്രസ്താവന; മനേക ഗാന്ധി 7 ദിവസത്തിനകം മറുപടി നല്കണം; അല്ലെങ്കില്...
മലപ്പുറം: മലപ്പുറം ജില്ലയെ കുറിച്ച് വിദ്വേഷ പരാമര്ശം നടത്തിയ ബിജെപി നേതാവ് മനേകാ ഗാന്ധിക്കെതിരെ നിയമ നടപടിയുമായി യൂത്ത് കോണ്ഗ്രസ് നേതാവ് സിദ്ദീഖ് പന്താവൂര്. മലപ്പുറത്തിനെതിരെ നടത്തിയ പ്രസ്താവനയില് ഖേദം പ്രകടിപ്പിക്കുകയും നിരുപാധികം മാപ്പ് പറയുകയും വേണമെന്ന് ആവശ്യപ്പെട്ട് യൂത്ത് കോണ്ഗ്രസ് സംസ്ഥാന സെക്രട്ടറി വക്കീല് നോട്ടീസ് അയച്ചു. മനേകാ ഗാന്ധിയുടെ പ്രസ്താവന വസ്തുതാ വിരുദ്ധമാണെന്ന് ഒട്ടേറെ പേര് അവരെ ബോധിപ്പിച്ചിരുന്നു.
മലപ്പുറത്തെ ചില സംഘടനകളും രാഷ്ട്രീയ നേതാക്കളും ഇക്കാര്യത്തില് വിശദമായ കുറിപ്പ് മനേകാ ഗാന്ധിക്ക് അയച്ചിരുന്നു. കാര്യങ്ങള് ബോധ്യപ്പെട്ടിട്ടും മാപ്പ് പറയാനോ തന്റെ പ്രസ്താവന തെറ്റിയെന്ന് പറയാനോ മനേകാ ഗാന്ധി തയ്യാറായിട്ടില്ല. ഇതിനാലാണ് നിയമ നടപടി തുടങ്ങാനും വക്കീല് നോട്ടീസ് അയക്കാനും തീരുമാനിച്ചത്. നോട്ടീസ് കൈപ്പറ്റി ഏഴ് ദിവസത്തിനകം മറുപടി നല്കിയില്ലെങ്കില് നിയമ നടപടികളുമായി മുന്നോട്ട പോകുമെന്നും സിദ്ദീഖ് പന്താവൂര് വ്യക്തമാക്കിയിട്ടുണ്ട്. നേരത്തെ മനേകാ ഗാന്ധിക്കെതിരെ വിവിധ സംഘടനകള് പരാതി നല്കിയിരുന്നു.
പാലക്കാട് ജില്ലയില് ക്രൂരതക്കിരയായി ആന ചെരിഞ്ഞ സംഭവത്തിലാണ് മലപ്പുറം ജില്ലക്കെതിരെ മനേകാ ഗാന്ധി പ്രതികരിച്ചത്. മലപ്പുറം ഇത്തരം സംഭവങ്ങള്ക്ക് കുപ്രസിദ്ധമാണെന്നും നിരവധി പക്ഷികളെയും നായകളെയും വിഷം കൊടുത്ത് കൊന്ന സംഭവം നേരത്തെയുണ്ടായിട്ടുണ്ടെന്നുമായിരുന്നു മനേകാ ഗാന്ധി പറഞ്ഞത്. ഇത്തരക്കാര്ക്കെതിരെ കേസെടുക്കാന് സര്ക്കാരിന് ഭയമാണ്. രാഹുല് ഗാന്ധിയുടെ മണ്ഡലത്തിന് സമീപമാണ് സംഭവം. എന്തുകൊണ്ട് അദ്ദേഹം ഇടപെടുന്നില്ല- മനേകാ ഗാന്ധിയുടെ വാക്കുകള് ഇങ്ങനെയായിരുന്നു. സോളിഡാരിറ്റി മലപ്പുറം ജില്ലാ കമ്മിറ്റി എസ്പി, ഡിജിപി, മുഖ്യമന്ത്രി എന്നിവര്ക്ക് പരാതി നല്കി. എസ്ഐഒ ജില്ലാ സെക്രട്ടറി ഡിജിപിക്ക് പരാതി നല്കിയിട്ടുണ്ട്.
പാലക്കാട് ജില്ലയിലെ സൈലന്റ് വാലി ദേശീയോദ്യാനത്തിലാണ് ദിവസങ്ങള്ക്ക് മുമ്പ് ആന ചെരിഞ്ഞത്. സ്ഫോടക വസ്തു നിറച്ച കൈതച്ചക്ക ആന കടിച്ചതോടെ വായ പൊട്ടിത്തെറിക്കുകയായിരുന്നു. സംഭവത്തില് വനം വകുപ്പും പോലീസും പ്രത്യേകം കേസെടുത്തിട്ടുണ്ട്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google