കേരളം കായിക കേന്ദ്രമാകുന്നു; സന്തോഷ് ട്രോഫി ഫൈനല് മഞ്ചേരി സ്റ്റേഡിയത്തില്
മലപ്പുറം: കൊവിഡ് ആശങ്ക ഒഴിയുന്നതോടെ കേരളം കായിക കേന്ദ്രമായി മാറുന്നു. കായിക മന്ത്രി വി അബ്ദുറഹ്മാന്റെ ശ്രമഫലമായി ഒട്ടേറെ മല്സരങ്ങള്ക്കാണ് കേരളം സാക്ഷിയാകാന് പോകുന്നത്. അതില് പ്രധാനം സന്തോഷ് ട്രോഫി ഫൈനല് റൗഡ് കേരളത്തില് നടക്കാന് പോകുന്നു എന്നതാണ്. മഞ്ചേരിയിലെ പയ്യനാട് സ്റ്റേഡിയത്തിലാകും ഫൈനല്. 75 -മത് സന്തോഷ് ട്രോഫിയുടെ ഫൈനല് റൗണ്ട് അടുത്ത വര്ഷം ആദ്യമാണ് നടക്കുക. ഫൈനല് ഉള്പ്പെടെ 23 മത്സരങ്ങള് ഉണ്ടാവുമെന്നും വി അബ്ദുറഹിമാന് വാര്ത്താസമ്മേളനത്തില് അറിയിച്ചു.
ഫുട്ബോള് പ്രേമികള് ഏറെയുള്ള നാടാണ് മലപ്പുറം. അതുകൊണ്ടുതന്നെ വലിയ ശ്രദ്ധ മല്സരങ്ങള്ക്ക് ലഭിക്കുമെന്നാണ് കരുതുന്നത്. ജില്ലാ തലത്തില് സന്ദര്ശനം നടത്തി കായിക രംഗത്തുള്ളവരില് നിന്ന് നേരത്തെ മന്ത്രി വി അബ്ദുറഹ്മാന് അഭിപ്രായങ്ങള് തേടിയിരുന്നു. കേരളത്തിന് പ്രത്യേക കായിക നയം കൊണ്ടുവരുമെന്നും അദ്ദേഹം പ്രഖ്യാപിച്ചിരുന്നു. കായികമായി അവസരങ്ങള് ഒരുങ്ങിയാല് വിദ്യാര്ഥികള്ക്ക് വന് കുതിച്ചുചാട്ടം സാധ്യമാകുമെന്നാണ് വിലയിരുത്തല്.
ലോക വനിതാ ഫുട്ബോളിലെ 4 പ്രമുഖ രാജ്യങ്ങള് പങ്കെടുക്കുന്ന അന്താരാഷ്ട്ര ഫുട്ബോള് ചാമ്പ്യന്ഷിപ്പ് ഡിസംബറില് കൊച്ചിയില് നടത്തും. വനിതാ അന്താരാഷ്ട്ര സീനിയര് ടൂര്ണമെന്റില് ആതിഥേയര് എന്ന നിലയില് ഇന്ത്യന് ടീമും പങ്കെടുക്കും. 7 മത്സരങ്ങളാണ് ഉണ്ടാവുക. ആണ്കുട്ടികളുടെയും പെണ്കുട്ടികളുടെയും ദേശീയ ജൂനിയര്, സബ്ജൂനിയര് ചാമ്പ്യന്ഷിപ്പുകളും കേരളത്തില് നടത്താനും തീരുമാനിച്ചു. ഇന്ത്യയിലെ വിവിധ സംസ്ഥാനങ്ങള് പങ്കെടുക്കുന്ന ദേശീയ സബ് ജൂനിയര്, ജൂനിയര് ടൂര്ണമെന്റുകളില് ഏകദേശം 40 മത്സരങ്ങള് വീതം ഉണ്ടാകും.
ലോകകപ്പ് യോഗ്യതാ റൗണ്ടില് മത്സരിക്കാന് ഒരുങ്ങുന്ന ഇന്ത്യന് അണ്ടര് 16 ടീമിന്റെ ക്യാമ്പ് കേരളത്തില് നടത്താന് എഐഎഫ്എഫ് തയ്യാറാണ്. ആഴ്ചയില് ഒരു ദിവസം പ്രാദേശിക ടീമുകള്ക്ക് ദേശീയ ടീമുമായി മത്സരിക്കാനും അവസരം നല്കും. ദേശീയ വനിതാ സീനിയര് ടീം ക്യാമ്പും കേരളത്തില് നടക്കും. അഖിലേന്ത്യ ഫുട്ബോള് ഫെഡറേഷന് ഡെപ്യൂട്ടി ജനറല് സെക്രട്ടറി അഭിഷേക് യാദവ്, കായിക യുവജന കാര്യ ഡയറക്ടര് ജെറോമിക് ജോര്ജ്, എ ഐ എഫ് എഫ് സ്കൗട്ടിങ്ങ് വിഭാഗം ഡയറക്ടര് വിക്രം, കെ എഫ് എ എക്സിക്യൂട്ടീവ് കമ്മിറ്റിയംഗം റെജിനോള്ഡ് വര്ഗീസ് എന്നിവരും വാര്ത്താസമ്മേളനത്തില് പങ്കെടുത്തു.
പ്രാദേശിക തലം മുതല് സംസ്ഥാനതലം വരെ ബേബി ലീഗും ജൂനിയര്, സീനിയര് ലീഗുകളും സംഘടിപ്പിക്കാന് എഐഎഫ്എഫ് പിന്തുണ നല്കും. ബംഗാളില് ഈ പദ്ധതി ആരംഭിച്ചിട്ടുണ്ട്. പഞ്ചായത്ത് തലത്തില് ജേതാക്കളാകുന്ന ടീമുകള് ജില്ലാ തലത്തില് മത്സരിക്കും. അവിടെ ജേതാക്കളാകുന്ന 14 ടീമുകള് സംസ്ഥാനതലത്തില് മത്സരിക്കും. എഐഎഫ്എഫ് ആയിരിക്കും ഈ പദ്ധതിക്ക് മേല്നോട്ടം വഹിക്കുക. ഫുട്ബോള് കോച്ചുമാര്ക്ക് പരിശീലനം നല്കാനുള്ള പരിശീലന ക്ലാസുകള്ക്ക് എഐഎഫ്എഫ് മുന്കൈയെടുക്കും. കോച്ചിങ്ങ് ലൈസന്സുകള് ലഭിക്കാന് പരിശീലകരെ പ്രാപ്തരാക്കുന്നതാകും ഈ ക്ലാസുകള്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google