100 കോടിയുടെ സാമ്പത്തിക തട്ടിപ്പ്: കരുവന്നൂര് സഹകരണ ബാങ്കിലെ ഭരണ സമിതി പിരിച്ചുവിട്ടു
തൃശൂര്: 100 കോടിയുടെ സാമ്പത്തിക തട്ടിപ്പ് കണ്ടെത്തിയ കരുവന്നൂര് ബാങ്കിലെ ഭരണ സമിതി പിരിച്ചുവിട്ടു. സിപിഎമ്മിന്റെ നേതൃത്വത്തിലുള്ള ഭരണ സമിതിയാണ് സഹകരണ രജിസ്ട്രാര് പിരിച്ചുവിട്ടത്. വായ്പ തട്ടിപ്പുമായി ബന്ധപ്പെട്ട ആരോപണങ്ങളില് കഴമ്പുണ്ടെന്ന് കണ്ടെത്തിയ പശ്ചാത്തലത്തിലാണ് രജിസ്ട്രാറുടെ നടപടി.
കെ കെ ദിവാകരന് പ്രസിഡന്റായിരുന്ന ഭരണ സമിതിയെയാണ് തട്ടിപ്പിനെ കുറിച്ച് അറിവുണ്ടായിരുന്നെന്ന് കണക്കിലെടുത്ത് പിരിച്ചുവിട്ടത്. മുകുന്ദപുരം അസിസ്റ്റന്റ് രജിസ്ട്രാര് എംസി അജിത്തിനെ കരുവന്നൂര് ബാങ്ക് അഡ്മിനിസ്ട്രേറ്ററായി ചുമതലപ്പെടുത്തി. സംഭവവുമായി ബന്ധപ്പെട്ട് നാല് പേരെ നേരത്തെ സസ്പെന്ഡ് ചെയ്തിരുന്നു.
സൂപ്പര്മാര്ക്കറ്റ് നടത്തിപ്പ്, വായ്പ അനുവദിക്കല് എന്നിവയിലൂടെ 100 കോടിയുടെ തട്ടിപ്പ് നടന്നെന്നാണ് കണ്ടെത്തിയത്.. കഴിഞ്ഞ 40 വര്ഷത്തോളമായി ഈ ബാങ്കിന് സിപിഎമ്മിന്റെ ഭരണസമിതിയാണ്. മുന് സെക്രട്ടറി സുനില്കുമാര്, മുന് ബ്രാഞ്ച് മാനേജര് ബിജു, മുന് സീനിയര് അക്കൗണ്ടന്റ് ജില്സ്, സൂപ്പര് മാര്ക്കറ്റ് അക്കൗണ്ടന്റായിരുന്ന റെജി അനില്, കിരണ്, ബിജോയ് എന്നിവരുടെ പേരിലാണ് കേസ് രജിസ്റ്റര് ചെയ്തിരിക്കുന്നത്.
വ്യാജരേഖ ചമയ്ക്കല്, തട്ടിപ്പ്, വിശ്വാസ വഞ്ചന എന്നീ കുറ്റങ്ങള്ക്കൊപ്പം ബാങ്കിലെ ജീവനക്കാര് തട്ടിപ്പ് നടത്തിയത് അടക്കമുള്ള വകുപ്പും ചേര്ത്തിട്ടുണ്ട്. 46 ആളുകളുടെ പേരില് എടുത്ത 22.85 കോടി രൂപ മുഴുവന് കിരണ് എന്നയാളുടെ ഒരു അക്കൗണ്ടിലേക്കാണ് വരവുചെയ്തിരിക്കുന്നത്. ബാങ്കിന്റെ കീഴിലുള്ള സൂപ്പര്മാര്ക്കറ്റിലേക്ക് സാധനങ്ങള് വാങ്ങിയതില് ഒരുവര്ഷത്തെ കണക്കുകള് പരിശോധിച്ചപ്പോഴും ഒന്നരക്കോടിയിലേറെ രൂപയുടെ ക്രമക്കേട് നടന്നിട്ടുണ്ട്. ബാങ്കിന്റെ ഓഡിറ്റിലും ക്രമക്കേട് നടന്നെന്നാണ് കണ്ടെത്തല്.
അതിരപ്പള്ളിയില് മഴ നനഞ്ഞ് അനാര്ക്കലി മരയ്ക്കാര്; ഹോട്ട് ചിത്രങ്ങള് വൈറല്
Click it and Unblock the Notifications
Sign in with Google