Click it and Unblock the Notifications
Just In
Don't Miss
-
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
കറുത്തവര്‍ഗക്കാര്‍ ഭാഷയും സംസ്‌കാരവും അപഹരിക്കപ്പെട്ടവര്‍: ഡോ. ഇര്‍മ മക്ലൗറിന്‍
തൃശൂര്‍: ഭാഷയും സംസ്‌കാരവും അപഹരിക്കപ്പെട്ടവരാണ് ആഫ്രിക്കയിലെ കറുത്തവര്‍ഗക്കാരെന്ന് ഡോ. ഇര്‍മ മക്ലൗറിന്‍ പറഞ്ഞു. കേരള സാഹിത്യ അക്കാദമി കേരളവര്‍മ കോളജ് ഇംഗ്ലീഷ് വിഭാഗത്തിന്റെ സഹകരണത്തോടെ അക്കാദമി ഓഡിറ്റോറിയത്തില്‍ നടത്തിയ സംവാദത്തില്‍ മുഖ്യപ്രഭാഷണം നടത്തുകയായിരുന്നു അവര്‍.
അടിമകളാക്കി കറുത്തവര്‍ഗക്കാരെ സ്വന്തം ദേശത്ത് അന്യവത്കരിച്ചു. ജന്മനാട്ടില്‍ മാത്രമല്ല, ചെന്നെത്തപ്പെട്ട മറ്റു ലോകരാജ്യങ്ങളിലും അവര്‍ അവഹേളിക്കപ്പെട്ടു. അവരുടെ സാംസ്‌കാരിക സംഭാവനകളെ ആരും വിലമതിച്ചില്ല. അവരുടെ സര്‍ഗാത്മകത അടിച്ചമര്‍ത്തപ്പെട്ടു. എന്തുകൊണ്ട് ഈയവസ്ഥ വന്നുചേര്‍ന്നു എന്നതിനെപ്പറ്റി അറിയാനും പഠിക്കുന്നതിനുമുള്ള അവസ്ഥപോലും അംഗീകരിക്കപ്പെട്ടില്ല.
അതുകൊണ്ടുതന്നെ കറുത്തവരുടെ ഭാഷയും സാഹിത്യവും കലയും സംസ്‌കാരവും ഇരുളില്‍ മറഞ്ഞു കിടന്നു. കറുപ്പ് എന്നത് പാര്‍ശ്വവത്കരിക്കപ്പെട്ട സാമൂഹ്യാവസ്ഥയുടെ നിറമായി മാറി. അതില്‍ത്തന്നെ കറുത്തസ്ത്രീ നേരിടുന്ന പ്രശ്‌നങ്ങള്‍ അതീവ ഗുരുതരമായിരുന്നു. കറുത്തസ്ത്രീയുടെ സ്വത്വത്തെ മായ്ച്ചുകളയാനുള്ള ശ്രമമാണ് അധിനിവേശ ശക്തികള്‍ നടത്തിവരുന്നത്. കറുത്തവര്‍ഗക്കാരുടെ മോചനത്തിനുവേണ്ടി അവരുടെ ജീവിത സാഹചര്യങ്ങളെ മെച്ചപ്പെടുത്തേണ്ടതുണ്ടായിരുന്നു.
അഭയാര്‍ഥിപ്രശ്‌നം മുതല്‍ ഗാര്‍ഹിക പീഡനപ്രശ്‌നങ്ങള്‍ വരെയുള്ള അവരുടെ പ്രതിസന്ധികളെ പഠിക്കാനും പരിഹാരം തേടാനുമുള്ള വലിയ ശ്രമത്തിന്റെ ഭാഗമായി നിലകൊള്ളാന്‍ കഴിഞ്ഞതില്‍ താന്‍ അഭിമാനിക്കുന്നുവെന്ന് ഡോ. ഇര്‍മ മക്ലൗറിന്‍ പറഞ്ഞു. അക്കാദമി പ്രസിഡന്റ് വൈശാഖന്‍ സംവാദം ഉദ്ഘാടനം ചെയ്തു. അക്കാദമി അംഗം ഡോ. മ്യൂസ് മേരി ജോര്‍ജ് അധ്യക്ഷതവഹിച്ചു. സെക്രട്ടറി ഡോ. കെ.പി. മോഹനന്‍ ആമുഖഭാഷണവും ഡോ. വൃന്ദ വര്‍മ അതിഥിപരിചയവും നടത്തി. സിസ്റ്റര്‍ ജെസ്മി, ലിസി, അനു പാപ്പച്ചന്‍, പ്രഫ. എ.കെ. രവികൃഷ്ണന്‍, സന്ദീപ് ടി.ജി. എന്നിവര്‍ പ്രസംഗിച്ചു. സദസ്യരുടെ ചോദ്യങ്ങള്‍ക്ക് ഡോ. ഇര്‍മ മക്ലൗറിന്‍ മറുപടി പറഞ്ഞു.
