തൃശൂരില് വെസ്റ്റ് നൈല് ഫീവര് ബാധിച്ച് ഒരാള് മരിച്ചു; ഈ വര്ഷത്തെ ആദ്യത്തെ മരണം
തൃശൂര്: തൃശൂര് വെസ്റ്റ് നൈല് ഫീവര് ബാധിച്ച് ഒരാള് മരിച്ചു. തൃശൂര് പുത്തൂര് സ്വദേശി ജോബി ആണ് മരിച്ചത്. 47 വയസായിരുന്നു. രണ്ട്് ദിവസം മുമ്പാണ് ജോബിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചത്. സംസ്ഥാനത്തെ ഈ വര്ഷത്തെ ആദ്യത്തെ വെസ്റ്റ് നൈല് മരണമാണ്.
ഇദ്ദേഹത്തിന് വെസ്റ്റ് നൈല് പനിയാണെന്ന് സ്ഥിരീകരിച്ചതോടെ ആരോഗ്യ വകുപ്പ് ജാഗ്രത നിര്ദ്ദേശം പുറപ്പെടുവിച്ചിരുന്നു. പനിയെ തുടര്ന്ന് മെഡിക്കല് കോളേജിലേക്ക് മാറ്റിയപ്പോള് നടത്തിയ പരിശോധനയിലാണ് വെസ്റ്റ്നൈല് ഫീവര് സ്ഥിരീകരിച്ചത്. രോഗിയെ പരിചരിച്ച രണ്ട് പേര്ക്ക് പനി സ്ഥിരീകരിച്ചിട്ടുണ്ട്. ഈ സാഹചര്യത്തില് ജാഗ്രത പാലിക്കാന് ആരോഗ്യ വകുപ്പ് നിര്ദ്ദേശിച്ചിട്ടുണ്ട്.
കൊതുകില് നിന്ന് പകരുന്ന രോഗമാണ് വെസ്റ്റ് നൈല് പനി. മരിച്ച ജോബിയില് നിന്ന് നിലവില് മറ്റാരിലേക്കും രോഗം പകര്ന്നിട്ടില്ല. കൂടുതല് പേരെ പരിശോധിക്കുന്നുണ്ട്. പ്രദേശത്ത് ഇന്നലെ ജില്ലാ മെഡിക്കല് ഓഫീസറുടെ നേതൃത്വത്തിലുള്ള സംഘം സന്ദര്ശനം നടത്തിയിരുന്നു.
രോഗത്തിന്റെ പശ്ചാത്തലത്തില് ജില്ലാ മെഡിക്കല് ഓഫീസറുടെ നേതൃത്വത്തിലുള്ള സംഘം മാരായ്ക്കല് സന്ദര്ശിച്ചു. പഞ്ചായത്തിന്റെയും ആരോഗ്യ വകുപ്പിന്റെയും നേതൃത്വത്തില് അടിയന്തര രോഗം ചേര്ന്ന് സ്ഥിതിഗതികള് വിലയിരുത്തി. രോഗം സ്ഥിരീകരിച്ച പഞ്ചായത്തില് ഇന്ന് ഡ്രൈ ഡെ ആചരിക്കും.ക്യൂലക്സ് കൊതുക് വഴി പരത്തുന്ന ഒരു പകര്ച്ചവ്യാധിയാണ് വെസ്റ്റ് നൈല്. ജപ്പാന് ജ്വരത്തെപ്പോലെ അപകടകരമല്ല. ജപ്പാന് ജ്വരം സാധാരണ 18 വയസിന് താഴെയുള്ള കുട്ടികളെയാണ് ബാധിക്കുന്നതെങ്കില് വൈസ്റ്റ് നൈല് പനി മുതിര്ന്നവരിലാണ് കാണുന്നത്. രണ്ടും കൊതുകുവഴി പകരുന്ന രോഗമാണ്. ജപ്പാന് ജ്വരത്തിന് വാക്സിന് ലഭ്യമാണ്.
ക്യൂലക്സ് വിഭാഗത്തില്പ്പെട്ട കൊതുകാണ് വെസ്റ്റ് നൈല് പനി പ്രധാനമായും പരത്തുന്നത്. പക്ഷികളിലും രോഗബാധയുണ്ടാകാറുണ്ട്. 1937ല് ഉഗാണ്ടയിലാണ് ഈ വൈറസിനെ ആദ്യമായി കണ്ടെത്തിയത്. 2011ല് ആലപ്പുഴയിലാണ് സംസ്ഥാനത്ത് ആദ്യമായി ഈ രോഗം റിപ്പോര്ട്ട് ചെയ്തത്. 2019ല് മലപ്പുറം ജില്ലയില് 6 വയസകാരന് വെസ്റ്റ് നൈല് ബാധിച്ച് മരണമടഞ്ഞിരുന്നു.
തലവേദന, പനി, പേശിവേദന, തലചുറ്റല്, ഓര്മ്മ നഷ്ടപ്പെടല് എന്നിവയാണ് പ്രധാന രോഗലക്ഷണങ്ങള്. രോഗബാധയുണ്ടായ ഭൂരിപക്ഷം പേരിലും പലപ്പോഴും രോഗലക്ഷണങ്ങള് പ്രകടമായി അനുഭവപ്പെടാറില്ല. ചിലര്ക്ക് പനി, തലവേദന, ഛര്ദ്ദി, ചൊറിച്ചില് തുടങ്ങിയ ലക്ഷണങ്ങള് കാണാം. ഒരു ശതമാനം ആളുകളില് തലച്ചോറിനെ ബാധിക്കുന്നതുമൂലം ബോധക്ഷയവും ചിലപ്പോള് മരണം വരെയും സംഭവിക്കാം. എന്നാല് ജപ്പാന് ജ്വരത്തെ അപേക്ഷിച്ച് താരതമ്യേന മരണ നിരക്ക് കുറവാണ്.
Click it and Unblock the Notifications
Sign in with Google