രാജ്യത്തെ ആദ്യത്തെ 'വർക്ക്‌പ്ലേസ് ഹാപ്പിനസ് പുരസ്ക്കാരങ്ങൾ', ഇപ്പോൾ അപേക്ഷിക്കാം

ഹാപ്പിയസ്റ്റ് പ്ലേസസ് ടു വർക്ക് ഇന്ത്യയിലെ ആദ്യത്തെ 'വർക്ക്‌പ്ലേസ് ഹാപ്പിനസ് അവാർഡ്സ്' പ്രഖ്യാപിച്ചു. ഉദ്ഘാടന ചടങ്ങ് ജൂലൈ അവസാനവാരം മുംബൈയിൽ വെച്ച് നടക്കും. ഇന്ത്യൻ കോർപ്പറേറ്റ് മേഖലയിലെ പ്രമുഖർ ഈ ചടങ്ങിൽ പങ്കെടുക്കുമെന്നാണ് പ്രതീക്ഷിക്കുന്നത്.

സ്ഥാപനങ്ങളിലെ തൊഴിൽ സംസ്കാരവും ജീവനക്കാരുടെ ദൈനംദിന അനുഭവങ്ങളും ബിസിനസ്സ് ഫലങ്ങളുമായി എങ്ങനെ ബന്ധപ്പെട്ടിരിക്കുന്നു എന്ന് പരിശോധിച്ചാണ് അവാർഡ് നിർണയം. മികച്ച തൊഴിൽ സാഹചര്യങ്ങൾ പ്രോത്സാഹിപ്പിക്കുകയാണ് സംഘാടകർ ഇതിലൂടെ ലക്ഷ്യമിടുന്നത്. തൊഴിൽ സംസ്കാരത്തിനും ജീവനക്കാരുടെ അനുഭവങ്ങൾക്കും പ്രാധാന്യം വർദ്ധിക്കുന്ന പശ്ചാത്തലത്തിലാണ് ഈ പുരസ്‌കാരങ്ങൾ വരുന്നത്.

അവാർഡ് ജൂറി

ആർ.പി.ജി ഗ്രൂപ്പ് ചെയർമാൻ ഹർഷ് ഗോയങ്കയാണ് ഈ അവാർഡ് കമ്മിറ്റിയുടെ അധ്യക്ഷൻ. ബിസിനസ്സ്, ഹ്യൂമൻ റിസോഴ്‌സ് (HR) എന്നീ മേഖലകളിലെ പ്രമുഖർ ഉൾപ്പെടുന്ന ജൂറിയാണ് അവാർഡിനായുള്ള അപേക്ഷകൾ വിലയിരുത്തുന്നത്. വിവിധ തൊഴിൽ മേഖലകളിൽ നിന്നുള്ളവരും വ്യത്യസ്ത തസ്തികകളിൽ പ്രവർത്തിക്കുന്നവരുമാണ് ഈ ജൂറി അംഗങ്ങൾ. അവാർഡ് നിർണ്ണയത്തിന്റെ ഓരോ ഘട്ടത്തിലും കൃത്യമായ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പുവരുത്താനും ഈ പുരസ്കാരത്തിന് മികച്ച പ്രൊഫഷണൽ മൂല്യം നൽകാനും ഇവരുടെ സാന്നിധ്യം സഹായിക്കുന്നു.

Jury Member	Role / Organisation
Harsh Goenka	Chairman, RPG Group
Achal Khanna	CEO, SHRM, APAC & MENA
Harit Nagpal	MD & CEO, Tata Play
Pavitra Singh	CHRO & VP, PepsiCo India & South Asia
Dr. Atul Hegde	Founder & Chairman, YAAP Digital
Dr. Prajjal Saha	Founder & Editor-in-Chief, HR Katha
Nitu Bhushan	Director Human Resources, South Asia, Nestlé
Pushp Kumar Nayar	Executive Director HRD, BPCL
Sunita Cherian	Ex Chief Culture Officer & SVP Corporate HR, Wipro

പ്രതികരണങ്ങൾ

"സ്ഥാപനങ്ങളുടെ വളർച്ചയിലും പ്രവർത്തനക്ഷമതയിലും തൊഴിൽസ്ഥലത്തെ സന്തോഷം ഇന്ന് ഒരു പ്രധാന ഘടകമായി മാറിക്കൊണ്ടിരിക്കുകയാണ്. ഇത്തരം പ്ലാറ്റ്‌ഫോമുകൾ ഈ വിഷയത്തെ ചർച്ചകളിലേക്ക് കൊണ്ടുവരാൻ സഹായിക്കുന്നു," ഹർഷ് ഗോയങ്ക അഭിപ്രായപ്പെട്ടു. മിക്ക സ്ഥാപനങ്ങളും ജീവനക്കാരുടെ ദൈനംദിന അനുഭവങ്ങളും അവർക്ക് ജോലിയോടുള്ള താൽപ്പര്യവും പലപ്പോഴും വേണ്ട രീതിയിൽ പരിഗണിക്കാറില്ലെന്ന് 'ഹാപ്പിയെസ്റ്റ് പ്ലേസസ് ടു വർക്ക്' സ്ഥാപകൻ രാജ് നായക് ചൂണ്ടിക്കാട്ടി.

അവാർഡ് നിർണയവും പങ്കാളിത്തവും

ദൈനംദിന തൊഴിൽ അനുഭവങ്ങളെ ഗൗരവമായി കാണുന്ന സ്ഥാപനങ്ങളെയാണ് ഈ അവാർഡുകൾ അംഗീകരിക്കുന്നത്. ജീവനക്കാരുമായി നടത്തുന്ന ചിട്ടയായ സംഭാഷണങ്ങൾ, സ്ഥാപനത്തിന്റെ തൊഴിൽ സംസ്കാരത്തെക്കുറിച്ചുള്ള പരിശോധന , ജൂറി അംഗങ്ങളുടെ അന്തിമ വിലയിരുത്തൽ എന്നിവ ഉൾപ്പെടുന്നതാണ് ഇതിന്റെ തിരഞ്ഞെടുപ്പ് രീതി. ഏത് മേഖലയിലുള്ളവർക്കും, ചെറുതോ വലുതോ ആയ ഏത് സ്ഥാപനങ്ങൾക്കും പങ്കുചേരാവുന്നതാണ്.

അവാർഡിന് അപേക്ഷിക്കലും വിലയിരുത്തലും

അവാർഡിനായുള്ള അപേക്ഷകൾ ഇപ്പോൾ www.happiestplacestoworkawards.com എന്ന വെബ്‌സൈറ്റിലൂടെ സമർപ്പിക്കാവുന്നതാണ്. വളരെ ലളിതമായ ഒരു അപേക്ഷാ രീതിയാണ് ഇതിനായി ഒരുക്കിയിരിക്കുന്നതെന്ന് സംഘാടകർ വ്യക്തമാക്കുന്നു. സ്ഥാപനങ്ങൾക്ക് തങ്ങളുടെ പ്രവർത്തനങ്ങളെക്കുറിച്ച് വ്യക്തമായ ഉൾക്കാഴ്ച നൽകുന്ന രീതിയിലാണ് ഇത് രൂപകൽപ്പന ചെയ്തിരിക്കുന്നത്. കേവലം കമ്പനി നയങ്ങൾക്കും ഔദ്യോഗിക ആനുകൂല്യങ്ങൾക്കും അപ്പുറം, ഓരോ ദിവസവും ജോലിസ്ഥലത്ത് ജീവനക്കാർക്ക് യഥാർത്ഥത്തിൽ എന്ത് തോന്നുന്നു എന്നതിനാണ് ഇവിടെ പ്രാധാന്യം നൽകുന്നത്.

ചടങ്ങിന്റെ സവിശേഷതകളും പങ്കാളിത്തവും

ജോലിസ്ഥലത്തെ സന്തോഷത്തിന് മാത്രം മുൻഗണന നൽകിക്കൊണ്ട് ഇന്ത്യയിൽ ആദ്യമായി സംഘടിപ്പിക്കുന്ന പുരസ്കാരമാണിതെന്ന് സംഘാടകർ വ്യക്തമാക്കുന്നു. കമ്പനി മേധാവികൾ (CEOs), എച്ച്.ആർ മേധാവികൾ (CHROs), ബിസിനസ്സ് പ്രമുഖർ എന്നിവരുടെ പങ്കാളിത്തം പരിപാടിയിൽ പ്രതീക്ഷിക്കുന്നുണ്ട്. വിവിധ മേഖലകളിലെയും വിഭാഗങ്ങളിലെയും സ്ഥാപനങ്ങൾക്ക് ഈ പുരസ്കാരം നൽകും. എഴുതപ്പെട്ട നയങ്ങൾക്കും പതിവ് രീതികൾക്കും അപ്പുറം, ഒരു സ്ഥാപനത്തിന്റെ യഥാർത്ഥ തൊഴിൽ സംസ്കാരത്തെക്കുറിച്ചുള്ള ചർച്ചകൾ സംഘടിപ്പിക്കാനും ഈ പരിപാടി ലക്ഷ്യമിടുന്നു.

'ഹാപ്പിയെസ്റ്റ് പ്ലേസസ് ടു വർക്ക്' എന്ന സ്ഥാപനത്തെക്കുറിച്ച്

ജീവനക്കാരുടെ തൊഴിൽ അനുഭവങ്ങൾ മനസ്സിലാക്കുന്നതിനായി വിവിധ സ്ഥാപനങ്ങളുമായി ചേർന്ന് 'ഹാപ്പിയെസ്റ്റ് പ്ലേസസ് ടു വർക്ക്' പ്രവർത്തിക്കുന്നു. ജോലിസ്ഥലത്ത് ആളുകൾക്ക് ഉണ്ടാകുന്ന അനുഭവങ്ങളും താൽപ്പര്യങ്ങളും മെച്ചപ്പെടുത്താൻ കമ്പനികളെ സഹായിക്കുക എന്നതാണ് ലക്ഷ്യം. തൊഴിലിടങ്ങളിൽ മാറ്റങ്ങൾ കൊണ്ടുവരുന്നതിനായി സ്ഥാപനങ്ങളിലെ നേതൃത്വവുമായും ടീമുകളുമായും ചേർന്ന് തങ്ങൾ പ്രവർത്തിക്കുന്നുണ്ടെന്നും ഹാപ്പിയെസ്റ്റ് പ്ലേസസ് ടു വർക്ക് ഗ്രൂപ്പ് വ്യക്തമാക്കുന്നു.