ശബരിമല മകരവിളക്കിന് ആന എഴുന്നള്ളിപ്പ് വേണ്ടെന്ന് കോടതി

കൊച്ചി: ശബരിമല മകരവിളക്കിന്റെ ഭാഗമായുള്ള ആന എഴുന്നളളിപ്പ് അവസാനിപ്പിക്കണമെന്ന് ഹൈക്കോടതി. ക്ഷേത്ര തന്ത്രിമാരുടെ അഭിപ്രായം ആരാഞ്ഞ ശേഷമാണ് വിഷയത്തില്‍ കോടതി നിലപാട് വ്യക്തമാക്കിയത്.

വാര്‍ഷിക എഴുന്നള്ളിപ്പിന് ഒരാനയെ എഴുന്നള്ളിച്ചാല്‍ മതിയെന്നും ഹൈക്കോടതി പറഞ്ഞു. ജസ്റ്റിസ് തോട്ടത്തില്‍ ബി രാധാകൃഷ്ണന്‍, അനൂപ് ശിവരാമന്‍ എന്നിവരുള്‍പ്പെട്ട ബഞ്ചിന്റെതാണ് തീരുമാനം.

ക്ഷേത്രവുമായി ബന്ധപ്പെട്ട ഒരു കേസ് പരിഗണിക്കവെ എഴുന്നള്ളിപ്പ് സംബന്ധിച്ച ഉത്തരവിറക്കുകയായിരുന്നു. തന്ത്രിമാരുടെ നിലപാട് ദേവസ്വവും ശരിവെക്കുകയായിരുന്നു. ആനക്കാര്യത്തില്‍ തന്ത്രിമാരുടെ അഭിപ്രായം ദേവസ്വവും നേരത്തെ ആരാഞ്ഞിരുന്നു. പത്ത് ദിവസം നീണ്ടു നില്‍ക്കുന്ന വാര്‍ഷിക ഉത്സവത്തിനാണ് ഒരാനയെ എഴുന്നള്ളിക്കാന്‍ കോടതി ഇപ്പോള്‍ അനുമതി നല്‍കിയിരിക്കുന്നത്.

English summary

Not use elephants in Sabarimala makaravilakh: Court