പ്രതിപക്ഷം വ്യാഴാഴ്ചയും സഭയില് നിന്ന് ഇറങ്ങിപോയി
തിരുവനന്തപുരം: പ്രതിപക്ഷം ജൂലൈ പത്ത് വ്യാഴാഴ്ചയും നിയമസഭയില് നിന്ന് ഇറങ്ങി പോയി. വിശ്വഹിന്ദു പരിഷത്ത് അന്തര്ദേശീയ സെക്രട്ടറി പ്രവീണ് തൊഗാഡിയയ്ക്കതിെരെ സര്ക്കാര് മൃദു സമീപനം എടുത്തെന്നാരോപിച്ചായിരുന്നു വ്യാഴാഴ്ചത്തെ ഇറങ്ങിപോക്ക്.
ജൂലൈ എട്ടിന് മാറാട് സന്ദര്ശിച്ച തൊഗാഡിയ പിന്നീട് വൈകീട്ട് കോഴിക്കോട്ട് പൊതുസമ്മേളനത്തില് പ്രസംഗിച്ചിരുന്നു. വര്ഗ്ഗീയ വികാരം വളര്ത്തുന്ന പ്രസംഗം നടത്തിയ തൊഗാഡിയയെ സര്ക്കാര് അറസ്റ് ചെയ്തില്ലെന്ന് പ്രതിപക്ഷ നേതാവ് സബ്മിഷന് ഉന്നയിച്ചുകൊണ്ട് ആരോപിച്ചു.
തൊഗാഡിയയുടെ പ്രസംഗത്തിന്റെ വീഡിയൊ ടേപ്പ് നിയമ പണ്ഡിതര് പരിശോധിയ്ക്കുകയാണെന്ന് സബ്മിഷന് മറുപടി പറഞ്ഞ മുഖ്യമന്ത്രി എ. കെ. ആന്റണി പറഞ്ഞു. ഇതിന് ശേഷം വേണ്ട നടപടി സ്വീകരിയ്ക്കുമെന്നും മുഖ്യമന്ത്രി പറഞ്ഞു.
തീരദേശ നിയമം ലംഘിച്ച് മാറാട് കടപ്പുറത്ത് പണിത മുസ്ലിം പള്ളി നീക്കം ചെയ്യണമെന്ന് തൊഗാഡിയ മാറാട്ട് വച്ച് ആവശ്യപ്പെട്ടിരുന്നു. മാറാട്ടെ കൂട്ടക്കൊലയ്ക്ക് കാരണക്കാരായവരെ വീണ്ടും അവിടെ പാര്പ്പിയ്ക്കാന് ശ്രമിച്ചാല് അതിനെ വിശ്വ ഹിന്ദു പരിഷത്ത് തടയുമെന്നും തൊഗാഡിയ പറഞ്ഞതായി ആന്റണി നിയമസഭയില് പറഞ്ഞു.