യുഡിഎഫ് നേതൃയോഗം തുടങ്ങി

തിരുവനന്തപുരം: യു.ഡി.എഫ് ഏകോപന സമിതി യോഗം തുടങ്ങി. ധനകാര്യമന്ത്രി വക്കം പുരുഷോത്തമന്റെ ഔദ്യോഗിക വസതിയായ ക്ലിഫ് ഹൗസിലാണ് യോഗം നടക്കുന്നത്.

കൂത്തുപറമ്പ്, അഴീക്കോട് ഉപതിരഞ്ഞെടുപ്പുകളിലെ പരാജയത്തിന് ശേഷമുള്ളആദ്യ യുഡിഎഫ് യോഗമാണിത്. ഉപതിരഞ്ഞെടുപ്പുകളിലെ കനത്ത തോല്‍വിയായിരിക്കുംയോഗത്തിലെ പ്രധാന ചര്‍ച്ചാവിഷയം. ഈ വിഷയത്തില്‍ കോണ്‍ഗ്രസിനും മുസ്ലീംലീഗിനുമിടയില്‍ അഭിപ്രായ ഭിന്നതയുണ്ട്.

യുഡി എഫിന്റെ ജില്ലാ കമ്മിറ്റികള്‍ പുനഃസംഘടിപ്പിക്കുന്ന കാര്യവും യോഗം ചര്‍ച്ച ചെയ്തേക്കും. യുഡി എഫ് സര്‍ക്കാരിന്റെ ഒരു വര്‍ഷത്തെ കര്‍മ്മപരിപാടികള്‍തയ്യാറാക്കുന്നതിനായി രൂപീകരിച്ച എം.എം.ഹസ്സന്‍ കമ്മിറ്റിയുടെ റിപ്പോര്‍ട്ടിനെ കുറിച്ചും ചര്‍ച്ച ചെയ്യാന്‍ സാധ്യതയുണ്ട്.