Click it and Unblock the Notifications
Just In
Don't Miss
-
ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ് -
35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള് -
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പ്രസംഗം നിര്‍ത്തി പ്രവര്‍ത്തിക്കാന്‍ തുടങ്ങുകയാണെന്ന്‌ സുധാകരന്‍
കോഴിക്കോട്‌: പ്രസംഗിക്കുന്നത്‌ നിര്‍ത്തി ശക്തമായി പ്രവര്‍ത്തിക്കാന്‍ പോവുകയാണെന്ന്‌ സഹകരണമന്ത്രി ജി. സുധാകരന്‍. പ്രതിസന്ധി മൂലം സഹകരണ വകുപ്പിന്‌ പദ്ധതി നിര്‍വ്വഹണത്തിന്‌ വേണ്ടത്ര പണം ചെലവഴിക്കാന്‍ കഴിയുന്നില്ലെന്നും അദ്ദേഹം പറഞ്ഞു.
കഴിഞ്ഞ പത്തൊന്‍പത്‌ മാസമായി ഞാന്‍ പ്രസംഗിച്ചിട്ടേയുള്ളു. ഇനി ശക്തമായി പ്രവര്‍ത്തിക്കാന്‍ പോവുകയാണ്‌. സഹകരണ വകുപ്പെന്ന്‌ പറഞ്ഞാല്‍ ഏതോ പൂഞ്ഞാന്‍ വകുപ്പാണെന്നാണ്‌ പലരുടെയും ധാരണ. ഒരുപാട്‌ മഹാന്മാര്‍ ഇരുന്ന കസേരയാണിത്‌. ഇപ്പോള്‍ മാത്രമാണ്‌ അല്‍പം മോശം ആളിരിക്കുന്നത്‌- സുധാകരന്‍ പറഞ്ഞു.
ഏഴു മലബാര്‍ ജില്ലകളിലെ സഹകരണസംഘങ്ങള്‍ക്കുള്ള ധനസഹായം വിതരണംചെയ്യുകയായിരുന്നു മന്ത്രി. കാസര്‍കോടുമുതല്‍ തൃശ്ശൂര്‍ വരെയുള്ള 181 സഹകരണസംഘങ്ങള്‍ക്ക്‌ ചടങ്ങില്‍ പണം വിതരണം ചെയ്‌തു.
സര്‍ക്കാറിന്റെ നയങ്ങള്‍ക്ക്‌ വിരുദ്ധമായി പ്രവര്‍ത്തിക്കുന്ന ഒരു സഹകരണസ്ഥാപനത്തിനും ഇനി പണം നല്‍കില്ല. ഭവനനിര്‍മ്മാണ സഹകരണസംഘം ഭൂരിപക്ഷവും കൊള്ളസ്ഥാപനങ്ങളായി മാറിയിരിക്കുകയാണ്‌. ബ്ലേഡുകാരെ വെല്ലുന്ന പലിശയാണ്‌ ഇവര്‍ ഈടാക്കുന്നത്‌. അവര്‍ക്ക്‌ ഇനി സര്‍ക്കാറിന്റെ ധനസഹായം നല്‍കില്ല.
ഒരു സ്ഥാപനത്തെയും പിരിച്ചുവിടില്ല. പക്ഷേ അവര്‍ സ്വയം പ്രവര്‍ത്തിക്കണം. സഹകരണ പ്രസ്ഥാനങ്ങളെ തകര്‍ക്കാനുള്ള ഏതു നീക്കവും ബ്ലേഡുകാരെ സഹായിക്കാനുള്ളതാണ്‌.
കഴിഞ്ഞ ഒരു മാസം കൊണ്ട്‌ 10കോടി രൂപ നഷ്ടത്തില്‍ അരിച്ചന്ത വഴി അരി വിതരണം ചെയ്‌തു. ഒരു നല്ലവാക്കു പറയാന്‍ ആരുമുണ്ടായില്ല. ആരും പറയില്ല ആതാണ്‌ കേരളത്തിലെ സ്ഥിതി- അദ്ദേഹം കുറ്റപ്പെടുത്തി.
