ജമാഅത്ത് ഉദ് ദാവ ഭീകരസംഘടനയാണെന്ന്: റൈസ്
വാഷിങ്ടണ്: ലഷ്കര് ഇ തൊയ്ബയുടെ മുഖ സംഘടനയായ ജമാഅത്ത് ഉദ് ദാവ തീവ്രവാദ സംഘടനതന്നെയാണെന്ന് അമേരിക്ക.
ഉദ് ദാവയുടെ കീഴിലുള്ള സ്ഥാപനങ്ങളെ നിരോധിക്കില്ലെന്ന പാകിസ്താന് നിലപാടിനെ വിമര്ശിച്ചുകൊണ്ടാണ് യുഎസ് സ്റ്റേറ്റ് സെക്രട്ടറി കോണ്ടലീസ റൈസാണ് ഇക്കാര്യം പറഞ്ഞത്.
ഉദ് ദാവയുടേത് സാമൂഹ്യ പ്രവര്ത്തനമല്ല. അവര് തീവ്രവാദ പ്രവര്ത്തനങ്ങളെ സഹായിക്കുന്നതിന് തെളിവുണ്ട്. തീവ്രവാദ വിരുദ്ധ നിലപാടുകളോട് പാകിസ്താന് സഹകരിക്കുമെന്നാണ് തങ്ങള് ഇപ്പോഴും കരുതുന്നത്.
ജമാഅത്ത് നേതാക്കളുടെ വിസ റദ്ദാക്കാനും സ്വത്തുക്കള് മരവിപ്പിക്കാനുമള്ള നടപടികള് കൈക്കൊള്ളാന് അമേരിക്ക യുഎന്നില് ആവശ്യപ്പെടും- റൈസ് പറഞ്ഞു.
മുംബൈ ഭീകരാക്രമണത്തിന്റെ പശ്ചാത്തലത്തില് ഉദ് ദാവയെ നിരോധിക്കണമെന്ന് ഇന്ത്യ ഐക്യരാഷ്ട്ര സഭാ യോഗത്തില് ആവശ്യപ്പെട്ടിരുന്നു. ഇതിനുസരിച്ച് യുഎന് സംഘടനയെ നിരോധിച്ചു.
തുടര്ന്ന് പാകിസ്താനും ഉദ് ദാവയെ നിരോധിച്ചു. എന്നാല് കീഴില് പാകിസ്താനില് പ്രവര്ത്തിക്കുന്ന സ്ഥാപനങ്ങള്ക്ക് നിരോധനം ഏര്പ്പെടുത്തില്ലെന്ന് പാക് സര്ക്കാര് വ്യക്തമാക്കിയിട്ടുണ്ട്.
സ്കൂളുകളും മതപാഠശാലകളുമുള്പ്പെടെ 500ലേറെ സ്ഥാപനങ്ങളാണ് പാകിസ്താനില് ഉദ് ദാവയുടെ കീഴില് പ്രവര്ത്തിക്കുന്നത്.