Click it and Unblock the Notifications
Just In
Don't Miss
-
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പുറത്താക്കേണ്ടത്‌ ആദ്യം വിദേശ തൊഴിലാളികളെ: സൗദി
ദുബായ്‌: സാമ്പത്തിക മാന്ദ്യം മൂലം ജീവനക്കാരെ പിരിച്ചുവിടേണ്ട സാഹചര്യം ഉണ്ടാകുകയാണെങ്കില്‍ ആദ്യം വിദേശ തൊഴിലാളികളെ പിരിച്ചുവിടണമെന്ന്‌ സൗദി അറേബ്യ കമ്പനികള്‍ക്ക്‌ നിര്‍ദ്ദേശം നല്കി. സൗദി തൊഴില്‍ മന്ത്രാലയത്തിലെ കിഴക്കന്‍ മേഖലാ മേധാവി മുഹമ്മദ് അല്‍ ഹംദാനെ ഉദ്ധരിച്ച്‌ സൗദി ഗസറ്റ്‌ ആണ്‌ ഇക്കാര്യം റിപ്പോര്‍ട്ട്‌ ചെയ്‌തത്‌.
ഇന്ത്യക്കാരുള്‍പ്പെടെ ലക്ഷക്കണക്കിന്‌ പ്രവാസികളുടെ തൊഴില്‍ സുരക്ഷയ്‌ക്ക്‌ ഭീഷണി സൃഷ്ടിയ്‌ക്കപ്പെടുന്നതാണ്‌ പുതിയ നിര്‍ദ്ദേശം. സാമ്പത്തിക മാന്ദ്യത്തിന്റെ പേരില്‍ സ്വദേശികളായ തൊഴിലാളികള്‍ പിരിച്ചുവിടല്‍ ഭീഷണി നേരിടുന്നില്ലെന്ന്‌ ഉറപ്പാക്കാന്‍ തൊഴില്‍ മന്ത്രാലയ ഉദ്യോഗസ്ഥര്‍ കമ്പനികളില്‍ പരിശോധന നടത്തിവരികയാണെന്ന്‌ പത്രത്തിന്റെ റിപ്പോര്‍ട്ടിലുണ്ട്‌.
സ്വദേശികളായ തൊഴിലാളികള്‍ പിരിച്ചുവിടല്‍ ഭീഷണി നേരിടുന്നുണ്ടെങ്കില്‍ സ്ഥാപനത്തിലെ മറ്റേതെങ്കിലും വിഭാഗത്തിലേക്ക്‌ മാറ്റി ഇവരുടെ തൊഴില്‍ സുരക്ഷ ഉറപ്പാക്കണമെന്നും മന്ത്രാലയം നിര്‍ദ്ദേശിച്ചിട്ടുണ്ട്‌.
ഔദ്യോഗിക കണക്കുകളനുസരിച്ച്‌ 5.4 ശതമാനമാണ്‌ സൗദിയിലെ തൊഴില്‍രഹിത നിരക്ക്. എന്നാല്‍ ആഗോള സാമ്പത്തിക മാന്ദ്യത്തിന്റെ പശ്ചാത്തലത്തില്‍ തൊഴില്‍രഹിത നിരക്ക് 11 ശതമാനത്തോടടുത്തായി സര്‍ക്കാര്‍ വൃത്തങ്ങള്‍ പറയുന്നു. യഥാര്‍ത്ഥത്തില്‍ തൊഴില്‍രഹിതര്‍ ഇതിലധികമാണെന്ന്‌ പല സാമ്പത്തിക വിദഗ്‌ധരും ചൂണ്ടിക്കാണിയ്‌ക്കുന്നുണ്ട്‌.
ഈ സാഹചര്യത്തിലാണ്‌ സ്വദേശികളെ തൊഴിലാളികളെ സംരക്ഷിയ്‌ക്കാന്‍ സര്‍ക്കാര്‍ നടപടികള്‍ ആരംഭിച്ചത്‌. സ്വദേശികള്‍ക്ക്‌ വേണ്ടി സൗദി സര്‍ക്കാര്‍ സ്വീകരിച്ച നടപടി മറ്റുള്ള അറേബ്യന്‍ രാജ്യങ്ങളും പിന്തുടരുമോയെന്ന ആശങ്കയിലാണ്‌ മലയാളികളടക്കമുള്ള ഗള്‍ഫ്‌ പ്രവാസികള്‍.
