ചൂതാടാന് ഭാര്യയെ പണയവസ്തുവാക്കി
ജയ്പൂര്: ചൂതാട്ടഭ്രമക്കാരന് പണം തീര്ന്നപ്പോള് സ്വന്തം ഭാര്യയെ പണം വച്ച് ചൂതാട്ടം നടത്തി. രാജസ്ഥാനിലെ ബരന് ജില്ലയിലാണ് സംഭവം നടന്നത്.
കളിച്ചു കളിച്ച് കയ്യിലുള്ള പണം മുഴുവന് പോയപ്പോഴാണ് ഇയാള് ഭാര്യയെ പണപ്പെുടത്താന് തീരുമാനിച്ചത്. കളിയില് തോറ്റതിനെത്തുടര്ന്ന് ഇയാളുടെ കൂട്ടുകാര് ഇരുപത്തിയഞ്ചുകാരിയായ ഇയാളുടെ ഭാര്യയെ കൊണ്ടുപോയി പലതവണയായി ലൈംഗികമായി പീഡിപ്പിച്ചു.
സല്ലു ഓജ യെന്നയാളാണ് ഭാര്യയെ പണയവസ്തുവാക്കി ചൂതാട്ടം നടത്തിയത്. കളിയില് തോറ്റ ഭര്ത്താവ് തന്നെ കൂട്ടുകാര്ക്ക് സമ്മാനിച്ചെന്നും ഒരാഴ്ചയോളം തടവിലിട്ട് തന്നെ അവര് പലവട്ടം ലൈംഗികമായി പീഡിപ്പിച്ചുവെന്നും യുവതിതന്നെയാണ് പരാതി നല്കിയിരിക്കുന്നത്.
കളിയില് അമ്പതിനായിരം രൂപവെയ്ക്കേണ്ട സ്ഥാനത്താണത്രേ സല്ലു ഭാര്യയെ പണവസ്തുവാക്കിയത്. കളിയില്തോറ്റപ്പോള് ഭാര്യയെ കൂട്ടുകാര്ക്ക് കൈമാറിയ സല്ലു സ്വന്തം നില ഭദ്രമാക്കാനായി ഭാര്യയെ കാണാനില്ലെന്ന് കാണിച്ച് പൊലീസില് ഒരു പരാതിയും നല്കി.
പിന്നീട് വെള്ളിയാഴ്ചയാണ് രണ്ടുമക്കളുള്ള യുവതി ഭര്ത്താവിനെതിരെ പരാതിയുമായി പൊലീസ് സ്റ്റേഷനില് എത്തിയത്. മാര്ച്ച് 26നായിരുന്നുവത്രേ സല്ലു ഭാര്യയെ പണയപ്പെടുത്തി ചൂതുകളിച്ചത്.
ഭര്ത്താവിന്റെ കൂട്ടുകാര് മൂന്നുപേര് ചേര്ന്ന് തന്നെ കൈകള് കെട്ടിയിട്ട് മാനഭംഗപ്പെടുത്തുകയായിരുന്നുവെന്നാണ് യുവതിയുടെ പരാതിയില് പറഞ്ഞിരിക്കുന്നത്. സല്ലുവിനും കൂട്ടുകാര്ക്കുമെതിരെ പൊലീസ് കേസെടുത്തിട്ടുണ്ട്.