Click it and Unblock the Notifications
Just In
Don't Miss
-
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മൂന്നാം മുന്നണിയും നാലാം മുന്നണിയും മിഥ്യ: അദ്വാനി
ഞായറാഴ്‌ച തിരുവനന്തപുരത്തും പാലക്കാട്ടും നടന്ന ബിജെപി തിരഞ്ഞെടുപ്പ് പ്രചാരണ പരിപാടികളില്‍ സംസാരിക്കുകയായിരുന്നു അദ്ദേഹം. തിരുവനന്തപുരത്തെ വേദയിലും പ്രധാനമന്ത്രി മന്‍മോഹന്‍സിങിനെ അദ്ദേഹം രൂക്ഷമായി വിമര്‍ശിച്ചു.
അഞ്ചുവര്‍ഷം ഭരിച്ചിട്ടും പറയാന്‍ ഒരു നേട്ടവുമില്ലാതെയാണ്‌ യുപിഎ സര്‍ക്കാര്‍ വീണ്ടും തിരഞ്ഞെടുപ്പിനെ നേരിടുന്നത്‌. പറയുന്നതെല്ലാം പ്രവര്‍ത്തിച്ചുകാണിക്കുന്നവരാണ്‌ ബിജെപിക്കാര്‍. ഇന്ത്യയെ അണ്വായുധ രാഷ്ട്രമാക്കുമെന്ന്‌ പ്രഖ്യാപിച്ച ബിജെപി അത്‌ ചെയ്‌തുകാണിച്ചു. അതുപോലെ കൃഷിയ്‌ക്കും കര്‍ഷകര്‍ക്കും സുരക്ഷയ്‌ക്കും പ്രതിരോധത്തിനും ഊന്നല്‍ നല്‍കിക്കൊണ്ടാണ്‌ ബിജെപിയുടെ പ്രകടന പത്രിക തയ്യാറാക്കിയിരിക്കുന്നത്‌- അദ്ദേഹം പറഞ്ഞു.
നെഹ്‌റുവിന്റെ കാലം മുതല്‍ രാജ്യംഭരിച്ച എല്ലാ സര്‍ക്കാറുകളുടെയും പ്രകടനം അടുത്തുനിന്നു കണ്ട അനുഭവമുണ്ട്‌. ആ സര്‍ക്കാറുകള്‍ക്കെല്ലാം തിരഞ്ഞെടുപ്പിനെ നേരിടുമ്പോള്‍ ജനങ്ങള്‍ക്കുമുന്നില്‍ വയ്‌ക്കാന്‍ ഒന്നല്ലെങ്കില്‍ മറ്റൊരു നേട്ടം ഉണ്ടായിരുന്നു. എന്നാല്‍ യുപിഎ സര്‍ക്കാറിന്‌ ഇതൊന്നുമില്ല. ചരിത്രത്തിലാദ്യമാണ്‌ ഇത്രയും പരാജയപ്പെട്ട നിലയില്‍ ഒരു സര്‍ക്കാര്‍ ജനവിധി തേടുന്നത്‌.
മന്‍മോഹന്‍ ഭരിച്ച അഞ്ചുവര്‍ഷവും വാജ്‌പേയി ഭരിച്ച ആറു വര്‍ഷവും താരതമ്യപ്പെടുത്തുമ്പോള്‍ മാത്രമേ അമ്പരപ്പിക്കുന്ന അന്തരം ബോധ്യമാവുകയുള്ളു. സാധാരണക്കാരനുവേണ്ടി പ്രവര്‍ത്തിക്കുമെന്ന്‌ പറഞ്ഞ്‌ അധികാരത്തിലേറിയ യുപിഎ സാധാരണക്കാര്‍ക്ക്‌ വേണ്ടി എന്താണ്‌ ചെയ്‌തത്‌.
ക്യൂബ കൊല്‍ക്കത്ത, കേരളം എന്നിവിടങ്‌ഹളില്‍ മാത്രമാണ്‌ മാര്‍ക്‌സിസ്റ്റ്‌ പാര്‍ട്ടി നിലനില്‍ക്കുന്നത്‌. കേരളത്തിലും ബംഗാളിലും ശത്രുതയും മറ്റെല്ലായിടത്തും സൗഹൃദവുമാണ്‌ സിപിഎമ്മും കോണ്‍ഗ്രസും തമ്മിലുള്ളത്‌. ഇത്‌ ജനങ്ങളെ പറ്റിക്കുന്ന ഒരു രാഷ്ട്രീയ തന്ത്രമാണ്‌- അദ്ദേഹം ആരോപിച്ചു.
ഇരുപത്തിയൊന്നാം നൂറ്റാണ്ട്‌ ഇന്ത്യയുടേതാണ്‌. ശക്തമായൊരു ഭരണവും ഇന്ത്യന്‍ ജനതയുടെ ഇച്ഛാശക്തിയും ചേര്‍ന്നാല്‍ അത്ഭുതങ്ങള്‍ സൃഷ്ടിക്കാന്‍ കഴിയും. അതിന്‌ നേതൃത്വം നല്‍കാന്‍ എന്‍ഡിഎയ്‌ക്കുമാത്രമേ കഴിയുകയുള്ളു. സംശുദ്ധവും സമഗ്രവികസനവും സുരക്ഷിതത്വവുമാണ്‌ ബിജെപി ഉറപ്പ്‌ നല്‍കുന്നത്‌- അദ്വാനി പറഞ്ഞു.
