Click it and Unblock the Notifications
Just In
Don't Miss
-
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
നെറ്റ്‌ വഴി പൊലീസിന്‌ പരാതി നല്‍കാം
കൊച്ചി: ഇനി വീട്ടിലിരുന്നും പൊലീസില്‍ പരാതി നല്‍കാം. ക്യാപ്‌സ്‌ എന്ന കമ്പ്യൂട്ടര്‍ എയ്‌ഡഡ്‌ പൊലീസ് സര്‍വ്വീസാണ്‌ ജനങ്ങള്‍ക്ക്‌ ഇന്റര്‍നെറ്റ്‌ വഴി പൊലീസില്‍ പരാതി നല്‍കാനുള്ള സംവിധാനം ഒരുക്കുന്നത്‌.
ഇതിന്റെ സ്വിച്ച്‌ ഓണ്‍ കര്‍മ്മം ആഭ്യന്തരമന്ത്രി കോടിയേരി ബാലകൃഷ്‌ണന്‍ വ്യാഴാഴ്‌ച നിര്‍വ്വഹിച്ചു. പൊലീസ് സ്റ്റേഷനില്‍ച്ചെന്ന്‌ പരാതിയെഴുതിക്കൊടുക്കുക, പരാതി പൊലീസ് ചുരുട്ടി ചവറ്റുകുട്ടയിലിടുക തുടങ്ങിയ പ്രശ്‌നങ്ങള്‍ക്ക്‌ ഇതോടെ ഒരു പരിധിവരെ പരിഹാരമാകും.
ഈ സൗകര്യം നിലവില്‍ വന്നതോടെ ഇന്റര്‍നെറ്റിലൂടെ പൊലീസില്‍ പരാതി നല്‍കാന്‍ കഴിയുന്ന ആദ്യ സംസ്ഥാനമെന്ന പദവി കേരളത്തിന്‌ സ്വന്തമായി.
സംസ്ഥാനത്തെ 463 പൊലീസ് സ്റ്റേഷനുകളുമായി ഇനി ഇന്റര്‍നെറ്റ്‌ വഴി ബന്ധപ്പെടാം. 199 സിഐ ഓഫീസുകളെയും 117 ഡിവൈഎസ്‌പി ഓഫീസുകളെയും 18 പൊലീസ് ഹെഡ്‌ക്വാട്ടേഴ്‌സുകളെയും ഇന്റര്‍നെറ്റ്‌ ശൃംഗലവഴി ബന്ധിപ്പിക്കുന്നതോടെ പൊലീസും ജനങ്ങളും തമ്മിലുള്ള ബന്ധം കൂടുതല്‍ സുതാര്യമാകും.
സ്റ്റേഷനില്‍ച്ചെന്ന്‌ പരാതി നല്‍കാന്‍ ഭയപ്പെടുന്ന സ്‌ത്രീകള്‍ക്കും കുട്ടികള്‍ക്കും ഇതോടെ വീട്ടിലോ ഇന്റര്‍നെറ്റ്‌ കഫെയിലോ ഇരുന്ന്‌ പരാതി നല്‍കാം. പരാതിയുടെ അന്വേഷണം, തുടര്‍നടപടികള്‍ സംബന്ധിച്ച വിവരങ്ങള്‍ ഉടനടി അറിയാനാകും.
പൊലീസ് പൊതുജനങ്ങളെ ചുറ്റിക്കുന്ന പരിപാടിയ്‌ക്കും ഏറെക്കുറെ ഇതോടെ അവസാനമാകും. കേരളത്തിലെ എല്ലാ പൊലീസുകാര്‍ക്കും സെല്‍ഫോണ്‍ ലഭ്യമാക്കുമെന്ന്‌ മന്ത്രി കോടിയേരി അറിയിച്ചു. ഇതിനകം 14300 ഫോണുകള്‍ നല്‍കിയിട്ടുണ്ട്‌. ബിഎസ്‌എന്‍എലുമായി സഹകരിച്ചാണ്‌ ഇന്റര്‍നെറ്റ്‌, മൊബൈല്‍ സൗകര്യങ്ങള്‍ ഏര്‍പ്പെടുത്തിയിരിക്കുന്നത്‌.
