കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആരുഷിയുടെ മൊബൈല്‍ കണ്ടെത്തി

  • By Staff
Google Oneindia Malayalam News

Aarushi Talwar
ദില്ലി: വിവാദമായ ആരുഷി തല്‍വാര്‍ വധക്കേസില്‍ പുതിയ വഴിത്തിരിവ്‌. ഒന്നരവര്‍ഷം മുമ്പ്‌ നോയിഡയിലെ വീട്ടില്‍ കൊലപ്പെട്ട നിലയില്‍ കണ്ടെത്തിയ ആരുഷി തല്‍വാറിന്റെ മൊബൈല്‍ ഫോണ്‍ ദില്ലി പൊലീസ്‌ ക്രൈംബ്രാഞ്ച്‌ കണ്ടെത്തി. ഇതുമായി ബന്ധപ്പെട്ട ഒരാള്‍ അറസ്‌റ്റിലായതായും റിപ്പോര്‍ട്ടുകളുണ്ട്‌.

പടിഞ്ഞാറന്‍ ഉത്തര്‍പ്രദേശിലെ ബുലന്ദ്‌ഷറിലെ ഖുര്‍സയില്‍ നിന്ന്‌ രണ്ടു ദിവസം മുമ്പാണ്‌ ആരുഷിയുടെ ഫോണ്‍ പൊലീസിന്‌ ലഭിച്ചതെന്നാണ്‌ റിപ്പോര്‍ട്ടുകള്‍. ഫോണ്‍ കണ്ടെത്തിയ കാര്യം സ്ഥിരീകരിച്ച പൊലീസ്‌ ഇത്‌ സിബിഐക്ക്‌ കൈമാറിയതായും അറിയുന്നു.

അതേ സമയം ഫോണ്‍ ഇത്‌ കേസന്വേഷണത്തില്‍ എത്രമാത്രം നിര്‍ണായകമാവുമെന്ന കാര്യത്തില്‍ സംശയം നിലനില്‌ക്കുന്നുണ്ട്‌. കൊലപാതകവുമായി ബന്ധപ്പെട്ട എന്തെങ്കിലും വിവരങ്ങള്‍ ഉണ്ടെങ്കില്‍ തന്നെ അത്‌ ഈ ഒന്നര വര്‍ഷത്തിനുള്ളില്‍ നഷ്ടപ്പെടാന്‍ സാധ്യതയേറെയാണെന്നും അന്വേഷണ ഉദ്യോഗസ്ഥര്‍ ചൂണ്ടിക്കാണിയ്‌ക്കപ്പെടുന്നു.

പൊലീസ്‌ അന്വേഷണം വ്യാപകമായി വിമര്‍ശിക്കപ്പെട്ടതിനെ തുടര്‍ന്ന്‌ കേസന്വേഷണം ഏറ്റെടുത്ത സിബികൊലപാതകത്തിന്‌ ഉപയോഗിച്ച ആയുധം കണ്ടെത്താനോ ആരുഷിയുടെയോ ഹേംരാജിന്‍റെയോ മൊബൈല്‍ ഫോണുകള്‍ കണ്ടെത്താനോ കഴിഞ്ഞിരുന്നില്ല. ഈ കേസില്‍ ഒരു കുറ്റപത്രം ചെയ്യുന്നതിന്‌ പോലും സിബിഐക്ക്‌ സാധിച്ചിട്ടില്ല.

2008 മേയ്‌ 15നാണ്‌ നോയിഡയിലെ വസതിയില്‍ ആരുഷിയെയും വീട്ടു വേലക്കാരനായ ഹേംരാജിനെയും കൊല്ലപ്പെട്ട നിലയില്‍ കണ്ടെത്തിയത്‌. ഇതുമായി ബന്ധപ്പെട്ട്‌ ആരുഷിയുടെ പിതാവിനെ അറസ്റ്റ്‌ ചെയ്‌തെങ്കിലും, ആരുഷിയുടെ പിതാവാണ്‌ കൃത്യം ചെയ്‌തതെന്ന കണ്ടെത്തലിനെ സിബിഐ തള്ളിക്കളയുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X